ITNA THU SANG KHA LOU LENG MAW!!!!

ITNA THU SANG KHA LOU LENG MAW!!!!
Pastor Dongza Thawng
Devotional  54 ( Vol 3)
Fellowship of Thirsty Souls and Hungry Hearts

Thirsty Souls te Topa Thupha!
Mangpa’n tunin na gal hing dousah ta hen!
Lungsim tawl dam tah in hing umsah ta hen!

TUNI TOPIC DING: ITNA THU SANG KHA LOU LENG MAW!!!!

I pu uh Pumkhothang la phuah, i Centenary lapi uh ngaitua kawm in sim jual vai:
Tuan a simthu sut le’ng maw, tual i niam simthu,
Theihphak louh selung mawlte i hi 
Tung Pathian itna vang in, ei di’n khua a hong vak;Tu’n A tate hi hang e.

Phatna zaila lawm ging, a kilawm semgua toh,
Vanglian Toupa min phat in;
Tuan-a selung mawlte tu’n A hondomsang ta,
Toupa ei di’n hoih na e.

Itna thu sang kei le’ng maw, bang i suak ding hiam?
Toupa it na lian in sang na e;
Ju leh va bang gammual a vakvai a i om lai,
Itna in hon zong khe ta.

Itna vang siamnate leh sannate nei hang,
Tua khempeuh i Toupa vang ahi;
Lamdang in thupi na e, loubang, A hon khualna,
Toupa ei di’n hoih na e.

Atung a la thute abanban in sutlei zong gen ding tampi um in chin. Ahiin tunin Itna thu sang kei leng maw? chi pansan in houlim vai.  Sawt pi apat ka na gel sawm ahi ta a hinanleh a lemthei sih hi. Tunin bawl ding tampi um mah leh khat leh ni ih message sim ngahla ana um khah leh himi thu kikum vai chiiin kang kipan hi.

Adiah in tuni thupi khu keima mimal pansan in ka houlim ut hi.  

Mihing pen pianken him a mifel, huahbu hoi, thahat, smart, tei, taima a um hi. Adiah in gingloute bang Pasian panglou chi talei ei Jesu nei hilhellou a IAS, IIT, toppers, Scientist, Dr, Engineer, gold medalist, mi hausa, nobel price laureate,  kumpi leh adang simsenglou JESUS neilou a hibang a lawching khawvel ah um hi. 

Ahiin mite vang a siamna, felna, pianken hatna toh sangpi tung na ve un. Ei Zo suan Manipur a tengte zong himi gospel in hing mu khialou leh, i ha backward ding dan uh. 

Tunin India gam city tampi ah head of dept. tu thei tampi i umta uhi. 

Tunia ka gen ut khu kei ma mimal toh kisai ahi. Himi itna thu gospel ana saanglou leng bang ka suah ta de aw chi ahi.

Kei HSLC 7/8 vei bawl pa khu Jesu ana sanglou leng tunin ka dinmun bang ade aw? chi ka tuat chiang mite vang ama uh felna toh pianpi huahpilna toh, family background toh tun theitheina tung na ve un. 

Kei vang 100% plus 100% JESU jiah ka chilou theilou hi. ka lai siamlou dan pawl sawm 7/8 vei bawl, maths siamlou dan mark 2 ka mu hun um hi.  Sport ka siamlou dan football ka peh leh tang kha ngai khollou, Music ka siamlou dan, nasep ka hatlou dan, ka nu toh lou ka kuan chiang buh ah ka ih mutmut jel hi. Idea ka neilou dan gendi bei. Ka meipuah dan tuni tan in jaan chia gamvahte lamdang kasa nalai hi. Sepai, police genlouh VDF tanpha ka chinlou ding dan. Driverte ka ngai saang dan a bei ngei shi hi. Jaan khuavah a gari a hawl thei uh. Kei gari gim ka jah leh zong kham pan ading in thupi kasa ta lua hi. Ka personality hoilou dandan ki chaivawt ing. gengen lei gen ding beilou ding hi. 

Benny Prasad in ‘good for nothing” ka hi achi chi khu kei a ding hi jaw hi. Ahiin hibang mibanglou, chitna neilou, maban neilou, jatna ding bei, mi chau leh hatlou pa khu JESUN hing na la (pick) in ama ta in hing siam a, ama nasem ding in hing na  khentuam nalai in, tua chiin abanban in hing puitou hi.

Tunin ka ji ka tate mel ka en a, ka umna inn ka en a, ka phahna gamte, ka ki thuapi lawmte leh ka kim ka pam ka en a ka mang lam bang hi.

Mizoram khua kawl sia leh keen tawng lah a inn thupi leh saang pi pi kilam te pua lam a pat hing kipan ginglou ten amu chiang un  adiah in earthquake zone ahi nahlai toh pualam miten: “ himi namte pen A PASIAN un kemlou leh..” chilou gen ding theilou uhi. 

Tua ma bang in ka Jesu bel khat, ka Jesu nei khat umlou leh tunin bang ka suah ta de aw maw! Tamveipi ka chi hi. 

Lamka ah VBS leh Sunday School hoi, leh naupang camp kichi ki theiphah masang in naupang kum 12 vel in Lamka ah kana khuasa hi. 

Thaban chongbah pou, meitei te lila pou ah i nitah hun ana ki jangbei jel hi. Thangzam hall a i lut thei chiang iki pah dan thupi hi. Khua lai a drug compass kichi khat in naupang tampi susie hi. No. 4 um nai lou ahivang in kanja leh petrol chi vel ha bawl in kibawlta hi. Ju vang bang chi lai tan in ana um ta hi. 

Kana bel Jesu in tuate lah apat in hing na huaitup in hing na kembit hi. HSLC ka bawl pat lai a hoi deu a pass ka lom 98% ten hing dam pi nonlou uhi. 

Ken pawl sawm 7/8 vei ka bawl sung in ka hagau lam jung leinuai lam ah ana ki khawkhaw in, tualai a ka laibu sim ut pen khu John R Rice, Homer Dancun leh Oswald J Smith mai ahi. Tuni tan himi laigiel siamte ka ngaisaangna bei nailou hi. Ei local ah Muanna Aksi leh Theipihtu (GBC publication) te mai ahi. 

Tunia bang ding a hiteng i gen? I background kichai vawt, kisuanpi ding bei, gen ding umlou hinapi Jesu inei chiang bangkim kikheel hi. A ma inei ni apat in i maban ding, i future ding hing kisiam pan a ih desteny khu theisa ahi ta.  Ama toh ikimu tua ni apat in ama toh khualjin hing kipan hi. Aman hing ki tawnpi in hing pui toutou himai hi. 

Jesus inei khu kumtawn a i hagau hundamna ding ahia, hagau lam leh shi jou a i hinna ding ahima hi. Ahiin aman hih lei tung ah ama toh iki tuah apat in hing enkawl tou in, i lampi hing pui in, i khawsah ding dan hing lam hil hi. Shi jou a hagau lam Vangam ading mai in hing na teellou a, hih leitung mama a aman hing poimaw hi.

A man ahing poimaw a hing jang ut jieh a ahing teel hiva ichi lai in en ana poimaw jaw ihi jing hi. Shi jou mai ading hilou in hi leitung ah amalou in khawsah ding dan ka ngaitua theilou hi.

Ka Pasian nasepna, ka ji ka ta, ka neh ka tah ka innten ka louten bangkim ama tung a kipumngap ka hi. Amalou a hin ding dan ka ngaituana in joulou hi. 

Ahiin ama toh hinkhawm khawsah khawm in  “ken zong koi ma englou, koi man zong kei hing englou” chia lasa pa bang a lim a lamlamthei ahi. 

Jesu nei manpha na lawmlawm e. Jesun met pi na lawmlawm ing e. Jesu in ka hinna, ka inten hing ha siamhoisah na lawmlawm e. Jesun ka nei kha metpi na maijen ing e. Vangam atangtawn a sana khuapi lua ding mai hilou a, hih leitung a zong A van hausahna jar pan ngal ka hi ta.

Khujieh in Joseph Prince in “When you have Jesus in your life, you are no longer trying to be a success, YOU ARE A SUCCESS”( cap mine) achi dih na mai e.

Jesun inei chiang aman hing pui in, hing panpi in lawching ding chi hilou in Jesun inei ni khu i lawchinni ahita. Ama inei khu alawching jou ihi ta.

Ajiehpen Tozer in “The man who has God for his treasure has all thing in ONE” (the pursuit of GOD, 23). Jesu inei chiang lei leh van a thilhoi tengteng ki tun khawm in JESU ah um hi, Tua khu ei a suah hi. Van leh Lei hausatna tengteng khu Jesu ah um a tua Jesu khu ei a hing suah hi. Tua khu lawchinna ahilou leh bang hi ta ding.

Khawvel a misuahlou ding, mi banglou ding, simsenglou Pasian in a misuah tah mai hilou in mi sangtampi gualjawltu ding in jangta hi. 

Ahiin hibanga a mijat hikha a ahing kipatna manghil a, hitan a puitu theilou a , mahni thupina leh nopsahna ding a jangkhate khu Pasian in thupi tah a bawl hoi nung in kaingiamkia thei hi. chi mang hil sih vai.

Tunia i thupi khu Jesu nei khah khu nei khana maijen ing. Kumtawn a sutsenglou leh sutchimlou ding ahi ta hi. 

Tu tung July-August,2021, Ruth Messenger Issue, Rev Rawna Kopsiam article ah Rev DR Pumzathang in Heutunu Dimzangai kung ah "Dimzangai, nang zaw Pathian thilhihtheihna zang hek biklua hive teh!”  chi hi. Ka lungkhoi mama hi. I Pasian khu a silbawltheina jang hehte tung a kipah mama Pasian ahi.  Abraham, Mose, Elizah, Elisha, Paul, Martin Luther, George Mueller, Hudson Taylore, John Wesley, John Bunyan, Charles Finney, Evan Robert, William Carey, Sadhu Sunder Singh etc te khu Pasian silbol theina jang heh mama te ahi uhi.

Tunin “A HEPINA JANG HEH” chi ding hi. A hepina tuipi bang a kiching dawntam leh luanglet sah tamtam tung a kipah “hepina hausa Pasian ka hi” chi ki puangpuang pa Pasian nei khate, bekhate, atate ihi. I hamphat dandan.  Kei zong Pasian hepina jang heh namte lai a ka pan khah jieh in kipah ing.

Aw Pasian hepina hibang lawm a, atuang aval a, a um lai a ana jou khalou mi sangtampite hepihuai na mai e maw. Benny Prasad, Joni Tada Eareckson, Fanny J. Crosby, Isaac Newton, Nicky Cruze, tapa tai mang pa, apostle Paul etc ten  Pasian hepina hajatheh mama ahi uhi!!

Ei zong Pasian hepina janghehte lai ah pang vai. A jang tamtam hepina hau Pasian in kipapi himai hi.

Hitan ah hun sah mai vai, Jesu manphat dan sutseng sih vai. Abang abang hileh Jesu nei kha lah a pan khah khu ka hamphat dan genjou sih vang.

Simtu te lai a koi toh bang Jesu nei nai lou i um leh himi message mawl tah in a lungsim a khatlou sah ding deina toh   hiteng ka hing gen ahi. 

Topa Thupha! Shalom!