TAWLDAM TAKIN NA GUALZO NUAM HIAM?

TAWLDAM TAKIN NA GUALZO NUAM HIAM?

TAWLDAM TAKIN NA GUALZO NUAM HIAM?

Nisim Manna


𝘽𝙪𝙡𝙥𝙝𝙪𝙝: 𝙏𝙪𝙖 𝙘𝙞𝙖𝙣𝙜𝙞𝙣 𝙃𝙚𝙯𝙚𝙠𝙞𝙖𝙝 𝙞𝙣 𝙏𝙤𝙥𝙖' 𝙢𝙖𝙞-𝙖𝙝 𝙩𝙝𝙪 𝙣𝙜𝙚𝙣𝙞𝙣, " 𝙏𝙤𝙥𝙖 𝙋𝙖𝙨𝙞𝙖𝙣, 𝙠𝙝𝙚𝙧𝙪𝙗 𝙩𝙪𝙣𝙜𝙖𝙝 𝙖 𝙩𝙪𝙥𝙖 𝙖𝙬,.. " 𝙆𝙪𝙢𝙥𝙞 𝙉𝙞𝙝𝙣𝙖𝙩𝙚 19:15

Assiria kumpipa Sennakherib in Judah khuapi sim dingin hong kuan hi. Judah mite launa leh dipkuatna tawh kidim in a om laitakun a kumpipa uh Hezekiah kumpi dangte huhna ngen dingin tai lo-in kumpite' Kumpipa kiangah tai zaw hi! Mihing lam pan Hezekiah in a cihna ding a theihloh laitak mah-in Pasian a zuat leh Pasian in khasiasak hetlo hi. A lamdang takin gualzawhna pia a, ama gim zong kullo-in a galte guallelsak hi. A galte guallelh lam nangawn a thei pak lo zah dongin Pasian in Hezekiah tawldamsak hi! 

Kumpi Hezekiah galzawhna pen Pasian mai-a thungetna tawh gal a zo ahi hi. Itna tawh a kidim vantung Kumpipa mai ah a khukdin leh gitlohna tawh a kidim Assiria kumpipa mai-ah khukdin kul nawnlo hi! Pasian mai-ah kiniamkhiatna tawh a puan balkeek ahih manin Hezekiah kumpi gam a kibalkeekna ding panin Pasian in huutsak hi! 

Hih leitung khualzinna khalam-salam galdona ah ei tha hi-in midangte tha i suan laiteng gimna - tawlna, lungkham - sinkhamna tawh i kidim zaw ding a, ahi zongin Pasian muangin ama tungah i haksakna va ko zaw leng, a kamciam om bangin eite hong honkhia ding hi (Late 50:15).

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐤𝐡𝐚𝐥𝐚𝐦-𝐬𝐚𝐥𝐚𝐦 𝐠𝐚𝐥𝐝𝐨𝐧𝐚 𝐚𝐡 𝐧𝐚𝐧𝐠𝐦𝐚𝐡 𝐡𝐨𝐧𝐠 𝐦𝐮𝐚𝐧𝐠-𝐢𝐧, 𝐧𝐚𝐧𝐠 𝐭𝐮𝐧𝐠𝐚𝐡 𝐤𝐨𝐧𝐠 𝐤𝐢𝐧𝐠𝐚𝐤 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!











No comments

Powered by Blogger.