Mi Vangsietna Ni in Kipah Sin

Mi Vangsietna Ni in  Kipah Sin

Mi Vangsietna Ni in  Kipah Sin

Pastor Dongza Thawng
Devotional # 33( vol 3)
Fellowship Of  Thirsty Souls and Hungry Hearts


(Covid 19 jieh a thuah teng teng kung a kang thumpi uleh kang thuahpi uh etsahnan himi message ka laan hi)

Thirsty Souls Simtute

Mangpan tulai lungkham lungjin mangbang lai in natung ah A Hepina khawvah hing tungsahta hen

Jingpha!

Tuni topic khu msg naran hinonlou in article  piching khat ahi. Laisim thasie mi na hileh kipat da vet in. Ahiin a topic apoimaw jieh a piching tah a ka hing gel ahi.

Tuni Topic:  “Mi Vangsietna Ni in  Kipah Sin"

Obadiah 11: 12-14: “You should not gloat over your brother in the day of his misfortune, nor rejoice over the people of Judah in the day of their destruction, nor boast so much in the day of their trouble. You should not march through the gates of my people in the day of their disaster, nor gloat over them in their calamity in the day of their disaster, nor seize their wealth in the day of their disaster.”

Text: Obadiah 11-15, Proverb 24:17,18; Job 31:29

Tulai khu Hun hamsa, hun buaihuai ahi. Covid 19 jieh in niteng in siluang i phum uhi. Mi vantang mai hilou in mi lian, mi lal IAS officer tanpha dom nonlou in puh jungjung uhi. Pastor hoi pipi, hagau mi pipi in zong ahing beisan ban ah tulai tah in zong alang alang ah abuai in ibuai uhi. Covid in  pastor, officer, a lian alal  hing jial hi. Mi bang jat hing puh nalai ding, bangjat hing thuah nalai ding chi Pasian mai in thei hi. 

Hinanleh hibang vangsietna koima khenlou a tung lai in Pasian hepina lieulieu a ading nalaite, dam nalaite I ham dan, i lungput dan (attitude) iki veng ngai mama ding hi. A suhkhalou, adamte a hoi a pha, a puh jungjungte a hoilou jaw, a dihlou jaw, Pasian  atung ua lungkimlou, bawl khelnei.  Ei adamte a hoi dieh, Pasian maipha mujaw bih chi dandeu a kingaitua kha a, i hamkhah ding kiven hoi hi.

I Mangpa Jesu'n Luke 13 ah "Jesus answered, Do you think that these Galileans were worse sinners than all the other Galileans because they suffered this way? I tell you, no! But unless you repent, you too will all perish. Or those eighteen who died when the tower in Siloam fell on them—do you think they were more guilty than all the others living in Jerusalem? 5 I tell you, no! But unless you repent, you too will all perish." achi khu manghil sih vai.

Tunin Covid jieh a puh jungjung te, ICU a umte, Oxigen ki bul te a hoilou jaw, eite Pasian mai a i dih jieh leh i hoijieh ua humbit a um, kepbit a um, ama uh te pen ahileh a guh a bawl khel khat nei ua Pasian in hibang dinmun a aumsah uh chite inei khah ding uh ki veng mama vai aw!!

Tunnin thil 2 houlim vai;


1.“Na unau tunga vangsietna atun chiang in kipah sin”

“You should not gloat over your brother in the day of his misfortune,” Obadiah 12.

Hebrew ham a Raah khu NIV in gloat  in let hi. A gen ut khu.. na unau tuahsiat ni in kipah sin, thangpha sin, mu sitna toh ensin, lawching leh gualjou  kisa sin  china ahi.

Hipen Obadiah laibu pumpi thupi ahi. Pasian in Judah tung a vangsietna tawp khoh atungsah lai a  Esau suante, Edom te attitude khu Pasian in ja da mama hi. A bung pumpi sim leh chin Pasian  in hibang lungput anei jieh ua agot ding dan teng ki gel hi.  Ajieh pen Judah te kaa ni leh mangbat ni in Edom te kipah in chance la ua, Jacob vangsietni khu sun pi leh da pi sang in advantage la uhi. Tua pen Pasian in dei lou hi chi thei vai. 

Kei mu dan in ei Manipur a Zo suan te kai lah nam khat in buaina a tuah chian adang khat in  advantage ana lah chet chet chi khu ki thang mama hi.  Khat anat chiang a adang khat in chance la jel chi khu i chiin dan uh khat ahi. Edom te lungsim  bang attitude nei te ihi uhi.  Zo suante, unau lai zon, ki khen thei lou i chichina ua , khat tuahsiat ni a adang khat in  advantage i ki lah tua pai pai dan uh Edom te ibatna uh ahi. Hite theina na ding a JNU a Ph.D va lah ngai lou hi. A mawl pen in zong i thei chiat uhi.  Ahiin tunia ikidoh ut uhkhu hibang lungput tuni kum 20 jou in zong  hibang huatna kumlui Esau suan te bang in i vom nalai uai? I vom nalai le chuh Ezekiel 35 ah ineh ding hoi deu in Pasian thu in hing gen sah hi. Tuni a i text uh Obadiah laibu pumpi khu ei ading ahi. Ahiin hipen tuni i gen sawm hilou hi. HIlam pen politics lam ahi a i mu dan i gen mai mai ahi. 

Politics leh nam leh tahsa lam ah hibang um thei na ven. Ahia iki doh ut uhi.  Gingtu hinkhua leh hattuam vai ah hibang lung sim i pua  ding uai? I hattuam pi khat buai siet ni in adang ten advantage ina la uai? Ahilou i gingtu pi, i sep pi innsung a buai na atun lai in i et dan, i mu dan, i ham dan ah Edom te hagau ei ah a um nalai ei? chi ki khual thei ahi.

2000 lai a Ka hattuam uh THUGIN jieh a ki kehna lianpi ka nei lai un, kou lam te ka tawm dan uh, ka lungsim neu dan uh, ka thawmhau dan uh…hibang din mun ngiam tawp a ka um lai un, ka lang te uh leh pastor leh leader te thuthuam hita leh ka lom hoi mama te tanpha in ka din mun ngiem leh dengdel advantage hing na la in hing na du gaw mama uhi. Tua pen naa sa ngut ngut ing. Ahiin tuate zong tunnin bangma lungthahna in la non sing.  

Hite zong hattuam vai ahi tuam koi phot ni. A hiin ada huai mama khu gingtu leh gingtu kikal, pastor leh pastor kikal, speaker leh speaker kal, Gospel singer leh singer, hattuam khat a member te kikal, thum pawl group kikal, semtu leh semtu kikal, board member te ki kal a ki thangsiet tua, ki el tua, ki tuam bawlna a na hatmama khu lamdang in da huai pen hi.

Himi gingtu hagau mi te lah a  khat a tuah siet chiang  a khat in chance alah dan uh khu khawvel miten thei leh I  Pasian thugen te  uh khat zong gingta non lou ding uhi. 

Khat a dia  dinmun ngiem leh tual a mat lai tah khu khat  ading a sermon suah mai hi. Khat mual pou leh kingaisie  leh dengdel lai tah khu khat ading a Pasian kung a kipa thu gen na point hoi tah suah hi. Khat ading a tate ginatljou jieh a mai jumna leh kingaisiet hun khut khat ading a  sermon na example hoi tah  ana suah hi. Khat a ding a nupa kal buai jieh a lungtang natna, shi ut huai phial din mun a umlai a khat a ding a houlim nop na ana hi.  Khat sum leh pai din mun hamsa seng a mualphou tah  a a um lai khu  khat pa ading a gualjou tah a ham hun ana hi thei. 

Nang Gingtu na lompa covid jieh a ICU a um leh oxigen a ki thua lai  in nang nop tah in na vaah lele thei a, bangma SOP zong jui lou in, mask zong but lou in,  na ut dandan in na um hi. Na lompa a ki veng mama pa khu tu in hin leh shi kal ah um hi. Ahileh Pasian khu nang  tung a lungkim mama,  covit vei na lompa sang a, siangthou jaw leh dih jaw, kipe kia jaw, thum jou jaw nahi jieh in  Pasian in hing kem bit hi. Tualeh na lomte tate khat zong jat thei lou, pai khiel siang, kinepna bei ahilai un nang  tate khat zong pai khiel lou, jat thei veh, kinepnan dim uhi. Tuachiin na hamdan jong nop a, na thum dan jong nop a, akal chiang a ngaikhie, na lompa bang a thuah te ding  in ngai hamsa hi. Unaute i gen ut khu hibang lungsim nei khah ding khu ajauhuai dan dan Covid 19 a jau huai penpen stage sang in jau huai jaw hi. Ajiehpen i tahsa a bit lai in i hinna muatsa ahi ta hi. Ajieh pen mahni ki dih sahna, mahni ki hagau mit sahna in hing ne sie ding hi ta hi.  Pasian in tua bang attitude a dei lou dan Edomte hindan ah i gen jou t ahi. 

A kal chiang I  kithumsahna leh thumpi ding a iki phuan dan te uh zong kingainat jieh maw ahilou leh ki selphou ut jieh maw chi  thei hamsa ta hi.  

Mi tate gas cylinder guh jieh a thum pi ding a puan khu nop mama hi. Ahilou leh nu pa ki buai a Nampi court ading te thumpi ding a puan khu bai lam mama hi. Ahilou leh tuate inkuan  abawn ua covid chia thumpi dinga puan khu bai lam hi. Ahiin nangma tanu khu Delhi a mivom khat toh teng khawm ahilou leh napasal toh nupi khat k video call gige, ahilou leh na tapa college apat kham thie jieh a ki naw khia etc hite khu thumpi ding a puankhu baih lou hi. Adieh in i kinai pi, i hattuam pi te ahileh puan ut huai lou sem hi.

Tunin iki thumsah dan te zong Pharisai te thumna toh kibang hi. Mite sum tam pipi a Oxigen a ki thua lai ua nang leh ken Pasian huisiang free a i diik uh na chi mai thei. Ahia nang zong ICU uh a um in, na naah buai leh na thua ngai ding hi Tunia Oxigen thua te khu a thua ut a thua hilou uhi. Tunia a tanu mi vom pa toh tengkhawm khu anute sawl hilou hi. Tuni  na lom nu ta te cylynder gu khu anu sawl hilou hi, Tuni na gualnu apasal toh nupi khat ki jan video call khu ama sawl hilou hi. Tunia na lompa sum pai din mun hamsat seng jieh a mualphou tah a um khah khu ama dei pen hilou hi. 

I gen ut khu tulai thumna thei ding a ki puang te jong ki itna tah tah apat anai ahilou leh : “ama uhte  a gitlou jieh ua hi bang din mun dung. Kei pen ka hoi jieh a Pasian in hibang a hing gualzawl” hibang attitude toh thum ihileh Pharisai te lungsim hoi deu a ijui ahi chi thei vai.  Abraham ,Lot in ataisan jou lai din mun leh Joseph suangkul a lut lai tah, Job in natna athuah lai ta, Jonah Ngapi gilsung a um lai ta, Paul Tarsus a um lai tah, Peter in Jesu ki lep san a, meipang a mei a aawi lai tah, David, atapa Absalom jau a atai mang lai tah… hia a Pasian mi te hibang din mun lai tah a va tuah kha a thumpi ding hile chin na bang chi thump diei? A tamjaw JOb lomte toh ikibang ve ve ding uhi. Ajieh pen ama uh din mun fuh lou lai tah khu ei ading in hampha ikisah lai tah uh ahi ding hi. Ei pen Pasian in ahing it bih, ahing kep bih ikisa ding uhi, Ama uh te pen thumang lou, gilou, thujui lou, hagau mi lou te ahi ding uhi. Aw Mangpa’n mahni ki muan leh ki dihsah na te  apat in hing hunkhia leh ut huai hi. 

HIbang gingtu  thum khawm, hagau a ki pawl khawmte  bang i hileh hoi deu in i kingai tua ngai hi.  Pasian hepina bang ahiai chi man pha nai lou te din mun ah i  um nalai mai thei hi. Na ki muan dan, na din mun det dan, na sum leh pai leh dam theina dinmun hoi dan, na thumna zong a ki hihsahna toh a dim dan ten HEPINA dawngtu mikhiel lungsim a kipan hi kha nai lou mai thei hi. 

 Ahiin na thei ding khu na musit, example a na nei, ki hilna na jat, na lom vangsiet na huaise tawp thuah pa, mualphouna din mun a um pa, guahtang a dingpa, liamna dim pa khu… Pasian in a kikouna ngai khie van, a mittui te mu van, a kaa amauna ja van…tunia a thiltuah vangsietna te  apat in Pasian in  hing hunkhia in, hing la khia in, hing domsang ding hi.  double double a Job bang a gualzawlna hing suah ding hi. 

Ahinkhua mial nuai ah khua hing vah in ni hing suah ding hi. Tunia atate jieh a mai jum pa khu Pasian in ata vah mang, sal a pat in  hing hunkhia in ama vanjat loupi te hing suah ding uhi. A nu pa kal uh hing dam van, a sum leh pai din mun uh hing hi kia van, a nungtolna leh kiahniam na pat in Pasian in hing kai thou ding hi. 

Nang ta mi hoi leh dih tat, leh pianpha te khu a hoina uleh adihna uh kisuanpi in ki liansah tah in hing um va un atop ah Pasian poimaw sa lou in ama uh dih na leh boltheina te ki suang in Pasian um lam thei lou in hing khawsa  ding uhi Tua chiang sakhua mi mama na pi uh Grace and Mercy bang ahi thei pha lou in hinkhuo hingmang ding uhi. Tuachiang gospel in a inn sung uah mun nei lou in, a sakhua mitna uleh a dihtatna un hunkhia jou lou in hing  mangthai veve ding uhi.


2. Na Melma a tuahsiat Ni in kipah sin:

Proverb 24: 17, 18 

“Do not gloat when your enemy falls; when they stumble, do not let your heart rejoice, or the Lord will see and disapprove and turn his wrath away from them.”. 

A tung a point 1 pen khu Na UNAU achi hi.  Tua umjie khu tahsa a i unau, imi isa, ichipi  imipi ahilou leh ihattuam pi zong hithei hi. Ahiin a gen ut diah khu ginna a i unau, hagau a i  unau, i hattuam pi, isep khawm pi etc agenna ahi. 

Tua I gensawm ahileh na MELMA chi hi. I unau mai hilou in imelma tanpha in tuahsiet atuah ni a kipah lou ding or thangphat lou ding, gualjou kisah lou ding, lawching kisah lou ding, Pasian kung a kipah thu gen lou ding, I ham dan pilvang ding, i lung put dan en dih ding chi ahi. 

I melma in tuahsiet atuah chiang a I maisua leh i kam a dapi bang a ium lai a i lungsim a  koima mu phah lo a thangpha, leh gua jou kisah lou ding china ahi. 

Pasian in chuh lungsim thei siam e. Ajieh pen i unau hiin in, i mel ma hileh midang te tuahsietna khu ei ading a lawching kisahna, gualjou kisahna, Pasian in ih dihna ahing saan sah leh proof na dan in kila kha pai pai hi. Ei pen Pasian mai a dih leh deisahna tang bih in ki la kha jel hi. 

Melma chi um jieh khu: Bihari pa, pangal pa, kolpa, hilou mai thei. Melma chi umjie na seppi nang hing thangsiet pa, na lampi hing dal pa, nang hing gensie gige nu, na khan ding hing dei lou pa, na right hing lahsahpa, na sum ba pa, na van gu pa, na pasal hing lahsah nu, ahing tuam bawl, ahing nual leh ahing dem gige nu himai thei hi. Ahilou leh na tehpi, na mounu, na in law te, na pasal or na ji zong hithei hi.  Na pasal pa or na LCC chairman leh na upa pa, na hausa pu leh na boss pa zong hithei hi.

Hattuam a chairman na ki tu pipa, ahilou leh director na ki tu pipa zong hithei hi* 

Hia na hinhkuo hing hel sah, hing genthei sah, hing mai jum sah, a hing dal mihing te khu i melma a i koi uh mihing te ahi. Tuate tung a vangsietna, tuahsiet, mual phouna, dam louna, sih na, dam lou na, Covid, atate khamthei, a inn kaang, accident, mualphouna, lawsapna,atate laisimna kichai, a inn sung uh buai,  etc a tun chiang nang gingtu in kipahna, thagnphatna leh gualzou kisahna lungsim nei sin chi ahi.  Bang ding a Pasian in a chi e ichi leh inei jieh uh ahi. Ken zong ka nei thei jel hi. Pro 24: 17,18 ka sim khah niin in Pasian in ka lungsi ngaituana tanpha thei na mai jen e ka chi hi. 

Pasian in nang kipah jieh in ama uh tung a lungthahna te khu la khia in nang leh kei tung ah hing tung sah thei hi.  David in a ma tha sawm sawm pa kumpi Saul ashinin in kap khum in lavui bawl hi. A mai pha en a “ Saul ka va that hi” chi pa khu ana hing hoi lou hi. 

Pasian i phuba khu kei a ahi. Kei hing ngansie in achi hi. Ahiin Pasian in ei ading a phuba ang lahsah chiang a iki pah a, i thangphat a, gualjou ikisah leh Pasian in i melma ichi pa tung a alungthahna khu la mang  kia thei hi. 

Pasian khu Israel te tung ah lungthah mama in Babylonte  jang in got hi.  Hinanleh Babylon ten hepina bei a Pasian mite a got chiang in Pasian khu Babulonte tung ah lung thah kia daih hi. 

Isaih 46:6:

I was angry with my people and desecrated my inheritance;
I gave them into your hand, and you showed them no mercy.
Even on the aged you laid a very heavy yoke. 

A mite tung a altungthahna  agotna khu Babulon te tung a le tuh kia ding dan in hang um doh ta hi. Tuami ahi tunia i point khu.  

Na melmapa gilou mah. Ahing bawl dan chijat huai in thangpai huai mah. A neh tah ma hi. Ahiin na melma a gitlou jieh a ahinkhua a Pasian in tuahsie a tun sah ni a nang na na kipah a, na thangphat a, gualjou na kisah leh tua khu Pasian in mu a dei lou hi. A pualam a na ham dan leh na um dan mai hilou in na lung sim a na thangpaht tanpha mu pan tua bang attitude dei lou hi. Tua ahi tuni i point uh. Joseph leh a ute tanchin ah attitude dih mu thei pen hi. 


Thukhahna:

Tunin mite covid jieh a ICU, Oxigen, Covid  centre a um tampi lai leh, covid in na lom leh na mel thei tampi a lah mang lai in nang dam tah in thawveng tah in na umhi. Ahilou leh mi dangte insung  atate kham thei guithei  jieh a  maijium leh mualphou tah a aumlai in nang tate ki chup tah in Pasian phat in biah inn lam juan uhi. Na lom na gual te a bol lam lam fuh lou, hamsietna in ajui bang a a um lai in nang na phu lou leh na tunna ding a kilom lou khop in Pasian in hing domsang hi. Tua ni chiang Pharisai pa thum bang in  midang te vangsiet na example a la in Pasian na phat phat khah ding ki veng siam in. Midang te tuahsiet khu nang  Pasian phatna suah sah jen jen sin. 

 “Mangpa mite neh ding theilou, gilkial, sil ding nei lou guahtang, inn nei lou a a umlai ua, mite covid in amat lai a,  mi tate kham thei gui thei toh a buai lai ua…kou te… kou te…,”chi thumna khu Pharisai thumna ahi.  Midang toh ki *compare him him khu dih lou ahi. Ajiehpen Mihing hinna leh din mun khu deng del mama hi. A temporary dan hichia ki uahsah tah a ham ngam na ding  hilou hi.

Ei ahoi bih, Pasian mai a siangthou bih, Pasian in a deisah bih, Pasian maipha ngah bih a ki koi khah ding  thil lah a jau huai pen ahi.  Covid sang a jau huai jaw ahi.  Hibang  a i kim i pam te tuahsiet lai a hibang lungsim nei kha ding khu Setan apat bumna leh mit suh tawtna jauhuai pen ahi. 

Khujieh in midang te:  na unau himai thei. Na melma tanpha himai thei.  A hinna leh insung ua vangietna ang tun chiang kipah sin, thangpha sin, gualjou kisah sin..na thumna Pasian in adawn chi lam in la sin. Na kampau, na ham dan, na lungsim puit dan, na attitude ah pil vang mama in.

I text uh Obadiah 1:  chang 15 tung lam sie in Esau tung a tung ding got na teng leh Ezekiel a Easu suan  ten HUATNA KUM LUI a  vop jieh ua Pasian gotna tung ding teng khu nang leh kei tung ah tung ding hi. Tunia i melma tung a tung i dei lou teng khu ei tung ah hing tung ding hi. 

Mangpa’n a hepina toh hing i kam leh i lungsim hing suhdih sah in hing venbit sah ta hen!


Topa Thupha






No comments

Powered by Blogger.