HOSTILE ENVIRONMENT vs Redemptive community Part-I
HOSTILE ENVIRONMENT vs Redemptive community Part - I
Pastor Dr. Dongzathawng
Devotional # 148( vol 3)
Fellowship of Thirsty Souls and Hungry Hearts
Imphal airport apat sun pha!! A hepina jingsang teng a thah in tuni'n na
puahgih leh na liamna teng apat hung silsiang in fresh tah in na lungsim leh
tahsa hing um sah tahen!
Text:
Gen. 49: 22,23: "Joseph is a fruitful bough, A fruitful bough by a
well His branches run over the wall." "The archers have bitterly
grieved him, Shot at him, and hated him.”
Psalm 120: 5-7
“Woe is me, that I dwell in Meshech, That I dwell among the tents of
Kedar! “
“My soul has dwelt too long With one who hates peace.
“
“I am for peace But when I speak, they are for war. “
Introduction:
Tuni Lamka nusia ding hita ung ei! Lamka bual na vang khua nop mama e! Haibang
hing ngai ing ei. Tangbang ana dam aw. Loubang ana tul lou jen aw! Na hithei
dandan in ana paitou jelta aw. Ka bolthei lah um sih… ka veinat ka awlmoh tam
leh jong bolthei neising. Ana ki manage tou liailuai jel maita aw.
Tutung kang jinna ua pastor pulpit hing pia te, hattuam hing welcome a,
naubang hing pomte, nichin a ann ne ding a hing chial te (ka neh na uleh ka
nehman nonlou na uh tampi te) love gift hing piate, inn a hing ve a hing
kankhia te, adiah a ka VBS ua ka laampi parents te, jan sawtpi pi hing khawlpi
family friend te: Mangpa'n a le tampi in hing gualzawl ta uhen! Mangpa
hepina'n hing tenkhumta hen!!
I topic ah lut vai le: Joseph khu ama humbit ding a unaute in thaltang jum in
alang alang ah kap uhi. A in sung abitna ding khu ama ding in mun bitlou pen
suah hi. Tua huatna khu hing gahkhia in a unaute'n Guam ah a khesuh ua
atop in juah khia uhi - hostility at best himai hi.
Thalkapte, ama kapkapte khu koi dang hilou in a unau te ahi. Psalm 120 gialtu
in “vangsie na mai ing ei. Lemna deiloute, ki hau ki naah thanuamte lah a ka
teeng kha hi. Lemna thu na ngawn ki hauna in la uh “ chi in tau hi.
Hostile environment gamte khu galmuanna umlou ki galging gige ngai. Any time a
gal um thei ahi. Pohjah thei gige hi. Koima muanthei umlou, kigingsa um gige
ngai, i ki heina lamlam i gal, ang man thei ngen chi na ahi.
Scholar khat in khawvel a society a violent ki ha bawl penpen na gam
re-research abol leh violent tamna pen pen society te asuina ah inn sung a
itna tasam, physical touch umlou, effection umlounate akipan ahi chi hi. I gam
a ki gum bawlna, huhamna, saltanna, violence bang ding a hichi tam ahiai? ichi
leh ih innsungte uh khu hostile environment a dim jiah ahi.
Insung sangin jong i hattuamte uah hostile spirit hatjaw in ka mu nalai hi.
Committee te ah thuhoi hi in thusie hileh anial ding a mansa.’ Khat in point
khat agen leh point 6 a kal ding a mante ihi uhi. Khat in thu neukhat genkhial
leh ahoi teng mang hil a tua point neu thei khamlou buaipi a gal piang sah
ding a mansa te ihi…hattuam phung kal ding a kisa ngalte ihi. Pastor pa sermon
a thumal khat a genkhial leh pulpit apat kaikhia a boxing ngap, Hattuam hoina
ding a thilkhat poupou adaltu a pang pai. Crusade leh camp nasan dal ding a
kithu tuah pawl, a hinkhua a ahoilam mongmong gakhia theilou. A kam apat ahum
(sweet) pot khia thei mongmong lou.. mi hoina gendi thei mongmong lou, a umum
na hattuam hi in vengsung hileh thusie leh mite ki buaisah khu ama nasep
himai. A umumna virus bang a mi liam sah nasah himai. Thumkhomna kisan a pan
leh thum teng gawta sah mai nupi, pasal, gingtu even upa leh pastor um hi.
Whatsapp Group tampi ah ka pang a, social hi in church hi in, spiritual
hi in friendship hileh discipline neilou leh group jangsiamlou pente khu
Church Group te leh pastor te in ka mu hi. Akinial tam pen, thalhiam bang a
kikaphat pente ahi uhi. Kam khat gen kha lei kam 10 a hing thuh ding a mansa
ngen pastor kipawl khawm jong ka thei hi. “Hotile environment” kichi khu
Kargil, Golan heigh, Palestine Afghanistan, Uganda, Rwanda etc te hinonlou in
ih Church committee, church council, church election, church service, Sunday
school, pastor WhatsApp groups, church leaders committee etc te ahita hi.
Tuma in Life Cafe restaurant ah a bawlkhial uh kilomlou khat ka gen sah leh
counter a tounu'n “Sorry! thank you for telling” chia hing dawng ding kasah
leh hoideu in ki defend hi. Himi ahi hotel designte ahi dandan in bawl lei
jong Lamka - Tribal ihina uh bei tuanlou hi.
I naupang Sunday school te uh kei observe dan in i nelsiah leh i ngaisahlou
pen ukhu a naupang psychology lam leh a curriculum chauh leh doctrine lam ki
jil tawm hilou in loving environment, loving and acceptance, belongingness khu
Sunday school leh church lah ah jong mu nonlou uhi.
I tate un thuhilna hoi tasamlou in ittu, theisiamtu, angaitu tasam in a
dang tah ua a sui kawi kawi uh hijaw uh hive aw!!
Bible changtampi byheart, SS examna prize sangpen mu gige, Bible story te thei
siang,
Ahivang a i hinna a um lou, i society ua ki langdoh theilou. Hite bawl lou
ding china hilou. Ahivang a hite pen Hagau tellou a lungsim theina (mental)
mai a thei a i heart sukha vetlou hithei hi.
Nupa kaal hi in, inn kuan hi in, inn vengta hi in, khosung vengsung hi in,
Pasian biahna hi in, thumkhomna hi in, church committee hi in, ki houlimna hi
in, church whatsapp group hi in, pastor group hi in, hagau mite ki pawl
khawmna group hileh khat gen va counter sawm teitei va nial teitei, va critic
teitei gingtu or pastor or leader ihi leh ei pen lemna deilou, gal thanuam,
“lemna del un “chi hilou in “gal ding sui un" chi jui tu kihi jaw hi.
Thilhoi khat jong kipah tah a pomtheilou. Simple tah a bailam tah a pom
ding na pi jong saang theilou pomtheilou gingtu ihileh i umumna liam in
environment suse tu ki hi mama ding hi. Khoi mah a i pan ma a Calvary
hospital a hoideu iki etkol ngai ding hi. Nang dam mongmonglou na liamna ma a
nai dim khu namsie hi. Na umna lamlam na namsie sah hi. (Kei jong hi mama ing)
Khujieh in kou ka VBS te ukhu a environment hoi pen leh damhuai pen ka poimaw
masa sah pen uhi.. Min i Mangpa Jesu amu chiang athuhil dih leh dihlou sangin
a itna apat hing pawt “a tongluang siam hepina namchin damna ahi” chi ahi.
Bible thugilte puangkhia inla, doctrine siangthou chi in na aw keh jen in
kikou nanle chiin itna leh hepina in atuam khumlou leh Bible in Daahpi ki tum
ging bang giap ahi chi hi.
Thugen sermon thugin dih leh tang ma ahivang a galgim nam leh condemning
spirit and judgemental attitude in koima bawlhoilou in damsahlou hi.
Preacherte'n theivai.. i aw volumne, i outline, ih content te sang in i hepina
lungtang apat itna awsua miin ngai ut ne ut jaw hi. Preacher ten i pulpit na
chiang hostile environment suahsah thei ahi. Rev Hauzalian khu thugen siam a
minthang ahi sih hi. Hinna leh athugen in mi chawm mama hi. Ajiehpen ahinna
apat hing pot thu khu hijaw hi.
Hostile environment ah tate khanhoilou uhi. Haichi khu huihoi, nisa hoi, gua
hoi, lei ah khang pha hi. Mihing jong ikhanna ding in environment hoi poimaw
hi. Himi theina ding a Sociology a Ph.D mu ngai sese lou hi. Lou bawl mite va
dong lei hing gen pi thei ding uhi. Ama un haichi hoi na ding mun thei uhi.
Leigawta, ling leh khau, hui leh gua hat na mun a haichitu ngailou uhi.
Tunin hostile environment hoi lou mama inn kuan na hileh hoisah sawm in.
Hattuam environment na hagau khan letna ding a environment hoilou ahileh adang
en in na hoisah joulou ding leh. Ajiehpen nang maiphat et jieh in na pasal na
ji na tate kum tawn in na hasua ding hi. Khansiet in leh chiing in a hinkhua
uh na beitum sah ding hi.
Bang whatsagroup jong , koi pastor koi hagau mite ki pawlkhawmna group hileh
jong ki nialna, kikapna, ki eng kalna mun ahileh LEFT in ajiehpen hing
chawmlou ding hi.
Ahilou leh nang leh kei khu a hostile environment siam doh tu, piangsahtu ihi
leh jong ki ngaituapha vai.
Next ah Redemptive community houlim ta vai..
Mangpa'n hostile environment apat redemptiive community ah hing puidoh ta
hen!!
Topa thupha!
No comments