REDEMPTIVE COMMUNITY- ACCEPTANCE and BELONGINGNESS PART-II
REDEMPTIVE COMMUNITY- ACCEPTANCE and BELONGINGNESS
Pastor Dr. Dongzathawng
Devotional # 149 ( vol 3)
Fellowship of Thirsty Souls and Hungry Hearts
Shillong apat in Shalom!!
Thirsty soul simtute Mangpa lungmuanna leh A khotuana khu tunia na goutan
hoipen hita hen!
Introduction:
Janni in ka tun un nop sa sengseng ka kitawm dehdeh uhi! Ka hattuam lamkai ten
hing vaidawn nalai uhi. Lungdam ung ei! Aw Pasian hoina e! Gamsiangthou,
huisiangthou na mun Shillong a teen hamphat huai na mai e ka chi uhi. Tuni'n
ihmut kham dep leh thawveng deu mai in message kang gel hi.
I topic ah lut ngal vai: Sialmat H/S a pat HSLC ana bawl pan dan chuh ka hi a.
1993 a exam dingte hostel a ka um lai un ka teacher uh Sir Neikung kichi pa in
chorus khat hing jil sah a avelvel in kasa uhi. Avot dan tu in jong ka feel
nalai a, ka ankam tui dan ka feel nalai hi. Chorus khu:
“I am rolling through unfriendly world” chi ahi.
Janni'n hostile environment thu igenta ua. I gam ka et leh Church te,
Pastor te, thumpawl te, nupawl te, leh hagau lam kipawlna tuamtuamte sang in
Judawn te, drug bawl te, Numei kijuah te, Music (artists association)
te, Politician te, sport association te even kanilei bawlte, UG te lai ah
acceptance and belongingness um jaw leh ki lawm kasa hi.
Ajiehpen pastor te, thumpawl te, whatsapp group, hattuam committee te, hagau
lam nasepna te ah politics sang mama in jong niin ma ma hi. Ei hagau lam
a kipawl piangthahte, hagau mite, thummi te, Pasian phat phat te sang in
jukham sakham leh Pasian neiloute, mi khial angkawm leh thanghuai ichi te lai
ah ki itna, ki theisiamna, ki deisahna, ki lainatna saang jaw leh tamjaw bang
hi…
Hattuam a ki kheu tuatua, pastor ki kap tuatua, nupi thum mi ki gen sia
tuatua, speaker ki attack tuatua, gingtu ki ngiat tuatuate i sungthu tahtah uh
tunia i puanat uh i kapi pi uh mikhial i chite un thei uleh i JESU uh ang jui
pi na diai maw? Ama uh te apat ijil ding uh tampi um hi.
Redemptive Community ichi chiang ki theisiamtua, ki themtua, ki sawmdawltua na
mun chi na ahi. Ki kaipuh tua, ki kaap tua, ki dal tua, ki hehsia tua, ki
thangsiet tua, ki tuan tua chi hilou hi. Himi ahi tulai i gam a hattuam Jesu
umdan langsah ding te hindan!!
Tualeh Acceptance and belongingness chi umjia khu : “himun ah kei ka hina
bangin hing ki pawm, kei hing ki poimaw a, kei ka innteh hi. Kei hing ki
thulah hi. Kei jong ka value um hi, ka hin man um hi, ka hina manpha tah
in hing ki koi sah hi. Tualeh ka chau, ka hatlouna te hing ki theisiam in hing
ki pawm veve hi. Ka ki pawl tawm a ka hina tahtah ka phualchip a MASK ka bul a
pulam a mite sangthei ka hina ding a ka hina phualchip mi dandan a ki
bawltawm ngailou hi, ka chimaw ka beidong, ka thomhau chiang jong ahing
ngaisah mi ka nei hi”china ahi. Hibang mun khu koi kipawlkhomna even Setanic
hileh jong min del hi. Ajiehpen himite lou in mihing ki hing joulou hi.
Hattuam ten hite inei lou leh a mumu/hinhin na ding mun uh a sui uh ngaita hi.
Tuni'n Jesu nungjui leh Christ biabia Pasian min a ki pawlkhawmte kang
challenge ut hi:
Hia atung a acceptance leh belongingness or Redemptive community hinate igente
khu Church khat
Or gingtu te ki pawl khomna leh khawvel lam a ki pawlkhawmna te ah khoipen ah
aki mu jaw ei??? Chi hing dawng un??? Church or Gingtu te ki pawlkhawmna a
hite a um nonlou a khawvel Lam a aki mu joh leh lamdang lou hi. I khanglai ten
i biahna nusia in khawlvel lam adeldel ding ma ata uhi. Even Satanic group a
jong ava sui uh ngai ta hi. Ajiehpen i church ua dirty politics, a hau a jawng
ki daidanna, ham leh pau ki khenna, pawdang biahna leh sakhua mitna
(hypocrisy) ten ama uh ginna beisah hiaihiai ta hi. I biahnate uh a homguah
ahi dan muta uhi (building te thupi nanleh)..
Redemtive community umjia ahileh a niam pen, a hing lel pen, dinmun niam
leh hamsatna topkhawh ah jong Christ jal in kinepna um a, a buah pen, a niin
pen, a huaisia pen ading in jong Jesu jiah in ki nepna leh maban um hi. Ahau
ajawng umlou, michin in “kei ka poimaw, kei jongka hina bang a hing ki pom
maihilou in hing ki poimaw, ka hatlou na hing ki theisiam, ka umlou leh
hing ki miss hing ki kan- expendable hilou (umlou leh phamawlou- a poimawna
jat ding, a poimawlou chia who cares? Chi jiau ding), ka panlou leh
hitheilou, ka bawlkhial chiang a jong hing ki pampailou, hing ki tung
ding nalai, itna leh ja ngaina, thei siamna leh khotuana in a vaihom hattuam
leh ki fellowshipna mun ahi”
Tunia hibang hina i hattuamte lai a um nonlou leh Jesun jong hing nusia a
genthei liangvai, daipam a vahvai koima ngaisahlou te lai a ding a hing na
paimang san hi ta ding hi.
Philip Yancey leh Henri Nouwen te thu gen igen gen bang in tunia i Mangpa Jesu
khu i biah in i khompi leh gingtu te kipawlna leh hattuam leader te leh nu pi
thumpawl te leh pastor ki pawlkhomte lai a um nonlou a aman a it koima dawnlou
koi man a ngai sahlou a tatsa mikhialte sui a, ama uh lah a va bual hita ding
hi.
No wonder he chose Himself to be called “friend of sinners.” I Mangpa Jesu
lungsim jui sawm in Gandhi in Outcast/ Untouchable- Harijans te khu “People of
God" ana chi hi.
Tunin hattuam te leh gingtu ki pawlkhomte Jesu i lah ua bual ut ding, ama
lungsim kipahsah ding itup leh Ama mipite ama lawmte, ama’n a it te ih it pi
a, i huampi lou leh Ama mai in ei inn te leh ei biah inn te a hing bualbual
nonlou ding hi.
Khujiah in redemptive community leh acceptance and belongingness khu hattuam
leh gingtu ki pawl khawm te'n i ngai poimaw kinlou uleh Pasian mipi te'n hing
juan in, hing bel nonlou ding ua, atawp ah Jesu mama in jong amite toh a
bualjawh theina ding in eite hing taisan ding hi.
Redemptive community susetu subuahtu pastor leh giingtu leh leader hilou in
hostile environment khu redemptive community leh acceptance and belongingness
hiding a siamdohtu Christian hiding in Pasian in hing jang ta hen.. ei mama
jong ihina a i hostility lungsim teng hing thalupsahta hen..
Jesu lungsim: redemptive community acceptance and belongingness khu Hagau
Siangthou mama in eima ah hing luadimsahta hen!
Hitan ah hun sat phot ta vai!
Mangpa'n a it, ama mi tasam te it theite umpita hen!
Hostile environment apat in redemptive community ah hing puilutta hen!
Sun pha! Hun mat nuam!
No comments