Christ Vs Na Candidate pa

Christ Vs Na Candidate pa 

Pastor Dr. Dongzathawng

Devotional # 4( vol 4)

Fellowship of Thirsty Souls and Hungry Hearts 

Thirsty souls member te Jingpha! 

Tuni khu nang ading in kisuh halni, silthah khat muni in Mangpa'n hing siamsahta hen!

Tuni Thupi: Christ Vs Na Candidate pa 

Introduction:

Tuni ka tapa school thahjou, a nau pen anu in va thah. Kei free deu in um thei ing. Thawveng tahin himi msg gel thei din um vang lah ing. Tulai Hui pen allergic hat mama. Russia te buai mama. Gam neu khat ni 12 abei bei vang un jouthei lou uh. Tank tampi Kyiv bulu ding a hing kuante khoi tah tung siang ki thei ta lou.  Russia te genereal 2/3 shita. A jet fighter tampi uh kikapmkhia khia. Ukrain a gingtute thumna Pasian in dawng. Vanlam apat bomb guajuh bang a ju a Russia te galvan kap thu jong ki ja hi.

Thumpi jel vai. 

USA president chau sengseng jieh a hibang gal um ahi. Tun jong Russia te oil khah somlou. Cuba leh Iran te oil pou DEAL neipi sawm in houpipi hi. Puteeh seng leader a nei un USA te leh EU chau sah mama hi.

Hattuam leh nam in jong leader thupuhna siam theilou, launa dim, leader luhlul inei chiang mipi te ki thuah dildel hi.

Tutung Ukraine gal khu USA president chauh (incompetent) dan etsahna hoi pen ahi.

Election toh kisai kidong phot vai:

Amasa in gingtu piangthah Jesu nungjui te tutung election toh kisai ah thu neukhat ki dong vai???

1. Tutung MLA election na in koi pen na support a koi pen na jui ei? Koi pen na vote ei?
2. Vote 1 val na khia ei?
3. Nang min lou thei sasa in na khia kha ei?
4. Na family sung ah vote 1 val khia, amin lou a khia a um ei? Na phalsah ei?
5. Candidate te apat in sum tawm leh tam leh na ne kha ei?
6. Nang hattuam Lamkai khat kilomlou tah in na gamtang in, na hamkha ei?
7. Nang hattuam lamkai khat election buai in na buai ei? Na belamte'n “ki lawm maw e” achi thei ding in na um ei?
8. Na hattuam leh na gingtu pi te musit thei leh jatatna beisah ding khop in na gam ta ei?

Hiteng hoi tah a na dawn theilou leh Pasian toh na kaal saupi sukha ding a, na inn sung leh na hattuam jong baa sah in liamsah ding hi. Athupi pen in na hagau hinkhua sawtpi hing gawta sah in, hing chau sah ding hi.

Tuin itopic ah lut vai. Jesus Vs na Candidate pa?

2021 in USA presidential election in America Evangelical / conservative mi million 70 val te Trump panpi sengseng in thumthum uhi. Adiah in mipi 50,000 val in capital hill a thumna Franklin Graham te leh pastor dang te saina prayer rally avialvial in nei uhi. 

Pastor tampi in biahinn a ahattuam te toh athumpi ban uah ateam in ama office ah va thumpi uhi. Tualeh prophetic preacher tampi in jong Trump kai ding in puang uhi. Atawp in leitung vote khiahna lah a corrupt penpen jang in Joe Biden hing kai hi. Joe Biden pen USA president genlou eilah a MDC ading a jong dei huai non lou khop a chitlou ahi. Adeina ding achitna mongmong bei ahi ta hi. Tehseng a buai ahi ta hi. 

Ahiin hibang mi bolthei Trump khenkhia mawh hi.

Hitung tang ah keima in ka mu khiah khu i gam vaihom ding leader idei seng leh ha gup a, ha thumpi seng lou ding ahi. Ajiehpen i dei seng a i ha thumpi seng jieh in a kai ding lai kailou daih ding hi. Donald Trump khu evangelical ten a gup ua aha thumpi seng jieh ua chinglou ahi. Ajieh hing gen vang.

Ka taten computer or phone ang ha nget seng chiang un ka pia ut sih hi. Tua adei seng na pen tah uh khu ka dei sih hi.

Sum leh pai dei seng te Pasia in pelou hi. Lamkai hi ut seng te kailou uhi. Pasian thu gen kilop sengte Pasian in janglou hi.

Mihing te'n leader hi in, thil khat poupou idei seng chiang IDOLATARY  suah a 10 commandment a 3 na ah kipuh hiau hi.

Van / thil jong idei seng chiang dihlou hi. Israel ten Sa du seng in piching ngen kap in ki kou uhi. Atawp in Pasian in pia hi. Ahin aneh lai lai un law khia in,  mitampi in shiloh hi. Hibang a thil deiseng a kaana  khu Pasian thu in LUST chi jaw hi.

Ka tate thil khat adei seng chia ka pia utlou jieh khu a Dei seng nalai tah jiah uh ahi. Thil idei seng chiang ki siat pi hi. Thil khat dei seng khu jau huai hi.

Tangval khat in numei adei seng chia angai tuana bei in rap in that thei hi. Or gu mang hi. Himi khu love hilou in Lust or Eros ahi.

Thil dei seng, mihing khat dei seng khu milim pasien hing suah thei hi. Bange milim pasien? Thil hiin in, mihing hileh Christ mun lua phot phot khu milim pasien ahi.

Tutung na mijui pa na candidate pa khu hoi in muanhuai mai thei hi. Ahiin na ha muan seng a,na deisah seng a, na ha pan seng nalam in na Gumpa na tanpa Christ tanpha thupi selou in na candidate pa khu Christ na suah sahta hi.

Khujieh in Pasian in kei khu “jealouse God” “ Pasian thangsiet hat” ka hi chi pan nang hapan seng jieh a alawchin sahlou ding ahita hi.

Donald Trump khu evangelical ten dei seng in, muang seng ua khujiah in America it Pasian in Trump khenkhia in tual ah um sah hi. Christ munlua , Pasian sang a angai saang ua a muan lou na ding in Pasian in Trunp khu kaang nou in puteeh jat thei nonlou khat jang in kaikhia hi.

Na candidate jui pa khu fit in  hoi mama hi. Kai leh nang ading a a phattuam ding dan khu Maltong (phei sam bia) or Guul khawi te na bang mai ding hi.

Ahiin nang hing it a ahinna toh hing tan,  hing lei Jesu Christ in nang ahing taan ding thangsie vawt hi. Pasian in midang in na hinna alua ding phallou hi.

Na candidate pa fel in hoi tawh nanleh ama sang a na kinaih pi, na biah, na honpa, na hinna, na bangkim a na bangkim, na jatat joh ding, na chitahna leh na gin umna na piah ding khat um hi. Tua khu Jesu Christ ahi.

Jesu lungkim sah leh ama maipha mu khu ma hinna a poimaw pen khu ahi. Ahiin tunia na candidate pan Jesu mun ang luata hi. Khujieh in Jesu toh na kaal saupi na suh dih ding hing um ding hi.

Umjie khu na candidate pa na gup seng jieh in na hero leh na hinkhua a poimaw jaw pa, Christ dei lou ding thil tampi na bawl ta hi. Christ in aphalsah val tan na kheel ta hi. Ama min sietna ding leh Ama lung natna ding tan jong thei sasa in na bol ta hi.

Peter bangin Ama na kilep san ta a, amin ha juah in na juah ta hi. Ajiehpen na hero tahtah Jesu sang in na candidate pa na hero in na teel jaw ta hi.

Tunin na Pasian khu na candidate pa ang kaisah thei khah leh chi maimai in na vanjat khat bang mai mai in na nei ta hi

Jesu khu na guppa Candidate pa kaisah na ding in na poimaw giap ta hi.

I theisiam sem na ding in: nikhat na ji toh party or school reunion na khat ah na pai khom uhi. Amun na tuntun un na ji in alom lui te mu in nop sa seng in nang um na lam jong thei nonlou in ne in dawn ta hi. A ex-pa toh kimu in room tuam lam ah ki khum mang ta uhi. Nang pen na ngen in thawmhau leh chim leh maijum deu mai in aning khat ah hing nusia hi. Ahileh jan sawt jou in inn na pai hun in na ngen in inn na juan hi.

Jingkal in na ji khu a lom ten na gate bul ah hing thah uhi. 

Tu in na ji khu bang na law diai chi khu....Aban gen da tavai.

Gingtu te aw ngai un! Christ  toh cross a ipianthah ni a ki jop leh ki teeng a ki chiamna nei te ihi. Baptisma tanni a khawvel mai a Christ lam apang ka hi ta chia ki puanna nei tate ihi.

Ahin ihina uh mumallou dan: Gen thei hahsat ni nop ni da ni a Chrsit khu ka bangkim a bang kim chi a phat phat ding in Kum 5 ang tun sial reunion ang um chiang i Ex pa toh ikimu phot leh i pasal Jesu thei phalou jen a che ding in ama lungnat ding thei sasa a bawl ding in, a ki lawm lou teng bawl jel ding maw?? I hina bei leh mang hil jen a vote khia leh capture leh jum na bei a, i hattuam mi van taang te mai a Aginna uh kipal sah ding jong khawh sa lou liang a i candidate te  gum a pang jel ding maw?

Nang hattuam belampu in na hattuam te liamsah leh baa sah ding khop a kilomlou tah a na gamtatna in na inn sung Pasian in hing sat liam sah ding chi thei in ki ging in.

Lamka hattuam te leh gingtute ki ngai tua un: Election hun sial a i gamtatna melse leh jumhuai na ga in Kum tampi dai tou ding hi. Ni khat hattuam ann ngawl a thum mai a suhsiang ding chi hinon lou hi.

Pasian i koi dan uh, i kumpipa Christ i koi na uh etsahna ahijieh in Pasian in thei mama lamdang sa lou hi. I hina uh ahi. Khujieh in an ngawl in sai ip puan sil in thum in biahin ah lamlam ma lei zong ihihna uh aman thei mama hi. Kum 5 jou ah hing kilang jeljel hi.

Na ngaijawng nu khu nang toh na um laisie hoi in um sehsoh nanleh midang khat a smart jaw khat a mu sial in nang hing theiphalou in hing manghil jeljel leh bang na chi diai?

I gam hun doh ding leader hoi piahtaah ang sah leh sahlou Aman thei mama hi. Khujiehin i gam leader te jong ei bangbang lungsim neu ngen, corrupt ngen i nei tou jel ding hi. Jesu khu i tahsap i poimaw hing pia ding mai a i poimaw ihi lam Aman thei ta lua ding hi.

Tutung na candidate pa poimaw dan chu Jesu Chrsit sang in poimaw in thupi jaw hi. Bang jieh in? Na chi mai thei. Hilou leh Jesu Christ manghil jen leh ama lung natna ding thei sasa in na candidate pa  maipha na en dia??

Election hun chia na um dan te pi:

Na candidate pi lawchinna ding ahi pou leh Pasian thu leh Christ khu ahi hi hita hen. Asuau suah ana suah phot hen” na china hilou?

Nang gingtu or hattuam

Lamkai tutung na gamtatna in Pasian toh na kaal, na hagau hinkhu sawtpi hing baa sah, hing keu sah ding a, na inn sung jong hing khoih ding hi. 

Jaan party a khuavah tantan pang thei mi ji khat khu jingkal chia a pasal in a doplou ding dan, bang chiin kamsiam in HI SEHSOH nanleh a Pasal in kum tampi a gintat nonlou ding leh a mai apiahlou ding dan ngaitua in.

Pasian in amai ang piahlou a? Hagau Siangthou in a pawl tah ang sahlou a, I Mangpa Jesu in mikhual bang a angai chiang koi candidate chingin, koi party te patat hi in, bang sum leh pai i mu ding dim

nanleh hamsiatna hinkhua, Pasian panglou hinkhua, Pasian nutsia hinkhua chu na maban ahita hi.

Tunia apat buai pan ding na hi ta hi. Ajiehpen Chrst sangin na candidate pa na thupisah jaw ta hi. “khu chi lomlom samlou e. Biahin kai vai in, maitam bawl vai in, thum kia leh Pasian in hing thei siam na ven” na chi maithei hi. Ahiin ngai tua in. Ji angkawm hat khu a Pasal toh nupa hinkhua nuam abang chi mantheita ding uh la???

I candidate pa or leader hoi guplou ding, ha panpilou ding china hilou. Ahiin Chrsit bang liang ama mun luasah a ihinna luadim sahlou ding. Chrsit lungnatna tantan, Ama minsie sah ding tantan a I candidate pa va gup lou ding. Candidate sang a i jatat, i thupi ngai, a maipha i et ding khat um hi. Tua khu Christ ahi jing ding ahi. Kum  5 chin sial a Christ khu a laltouna apat sawnpai lou ding.

Election bang chiin thupi in buai nanleh Christ khu athupi pen ama hing phalna tantan a gamtat giap ding chi thu ahi. 

March 10 chiang : "Christ sang in ka Candidate pa thupi pen ta hen !” chia kikou ding in mansa in um

Ta vo le! 

Topa thupha’

 

Next ah ; Tahsapna toh  Gualzawl a um