Ki kholai vaahtuah - in Metropolitan city - Rev. Jonathan Nehlian
Ki Kholai Vaahtuah in Metropolitan City
Pu Pa ngeina dan in kivahtuo, kivetuo, kileengtuote ihi ua tua pen asie hilou hi hinanleh khatvei vei chiengin i kholaiva dante uh etphat akuulna um in kathei hi ajiehpen inn lam apat khopi sung inu leh ipate umlouna mun itun chiengun neukhat i zalen deu un kathei a tup neilou hinkhuo bang leh “yes man” dan a mi gen teng “no” chi thei lou banga ium chiengun tami mun a iumna sante gamla hiei hiei banga alatna chieng aum ahi. Tuajiehin tunin kholaivadan tamlou gen lei chi dan ihi. Khotang leh hattuom pen paisa san khat apang tuoh alim kibanglou hinanleh khat ahi ma bangin khotang leh hattuom pen “Two sides of the same coin” bang ahi. A kikhen theilou ahi. I khotang asiet leh hattuom lam hoi mama chi umtheilou hi. Tuamabangin hattuom lam hoimama khotang sie chi um theilou ding hi. Tunin khopi hinkhuo pen village a toh akibatlouna tampi aum hi. Adiehin hun aki nei tawm mama a adiehin sepna neite bang in hun nei tawm mama in night shift day shift or shift tuom tuom a sep akiheng lumlet chiengin hun man dan kibang zing theilou hi.
Tuajiehin kholaiva leh midang inna i haw ding chiengin tam anuoiate a phatuom kha ding hi ka chi hi:01. Kitheisah masah ngei ngei ding ahi. Eg.Mobile a phone masah or appointment lah jel
02. Eima lemtan iet banah I haw na ding mite hun lemtang et zawh ding
03. I gen dingte gen pai or i bawl dingte bawl pai ngal mai ahoi ding hi. Tou sawt lou ding ahi.
04. Anneh hun a ve lou ding ahi.
05. Opposite sex angen a aum leh haw lou ahoi ding hi.
06. Zaan sawt senga tangva lou ding ahi. Ahitheileh zawpi nei ahoi hi.
07. I lampaina, itouna leh ihawna mun inuasiet chienga ivante et phat zing ding ahi.
08. I hawna ding room/inn i lud ding chienga bell meh/kot kiu ngei ngei ding ahi
09. Aneite phalna loua ihawnamite van tham, khoi,laah chiin lou ding ahi.
10. Mi private mobile explore bawl, private diary phen tualeh 11.Guh ding lemtang aumle zong
Tamte ithei sih china hilouin ithei ua hinanleh i zuilouna hun atam ta mama hi. Gentena khat gen ta lei Chiemmui leh nuijatna dia kigen zong himaithei van Koipa e khat a examna ah atheimama khat ang suoh a tami katheisa avele chia ageldaleh a fail hi achi uhi. Tuajiehin ipu ipa apatsa kholaiva hun leh inntunhun thei mite ina hijiehun atheingeilou dan a khopi sung lud a hinkhuo ing zah chiengun mite lamdang sahna leh datmaw ina hikha leng a tuate enpha vai chi nuom dan ihi hi.Sawlkawi Paul in Philippi hattuomte kungah lai ahaah in Na umdan uleh Khrist khantan hing kituoh pouma phot hen achi hi ngaituo tham ching hi.
No comments