BANG PAULAP NEI NA HIEI?

BANG PAULAP NEI NA HIEI?

BANG PAULAP NEI NA HIEI?

Nisim Manna


Bulphuh: Tuachi'n ken "Eh! Mangpa Pasian, ngai vawi, naupang nou ka hiziahin thu ka genthei sih," ka chi hi. Jeremiah 1:6.

Pasian in Jeremiah tungtawn a tup-le-ngiim poimawtah geellawhsa aneiziah a, apiansah ahi dan thute ahil hi. Tuakhu Israel mite tung a Pasian sawltaah Jawlnei ding ahi hi. Jeremiah pen Pasian in a Jawlnei a abawl pen lungdam mama ding i sah leh, utlou in ana lauthawng mama mai hi. Tuaziahin, Pasian siltupte bawlkhe ding a teellawhsa-guatlawhsa ahina apat in a kihepkhiat sawm zawta hi. 

Bangziahin ahiei ichi leh, Pasian in ama a dia alemgelsah dante khu Jeremiah in thupi satalua in, ama tuabang bawlkhe dingin chin kisalou hi. Tuaziah mama in ka leltah ka hi kichi in Pasian lemguatdan nial hi.  Jeremiah bang a paulap hawl dang khat ahi leh Moses ahi (Ex.4:10). Hinanleh Mangpan a paulapte uh thudonlou in, paulap bawllou ding in gen zaw hi. Aziahpen, Pasian in silbangkim abawl masang in bukitah in theichian zou a, tuachin planning a bawlzeel zaw hi.

Tuaziahin eite zong Pasian in adeibang ihi theina zaza a, talent leh gift ang piahte tawh bawl khe ding in mizousia a damsung khankhua ding uh geelkhawl zouthamta hi. Tuaziahin Pasian in i hinkhua a i siltuahte uh paulap a neilou keei a, Achi bangbang a semkhe ding in Mangpa'n hing dei in isepkhiat kaal ngaahlaah mama mai hi. Tuaziahin paulap ding hawl zaw lou in iMangpa Pasian kung ah, Mangpa aw, ka hinkhua a na lemguat dan bangtah a ka hinkhiat theina dingin theisiamnate hing guanin chi'n iMangpa buanzaw va ui. Pasian in na chounate leh na hatlanate theichian mama a, hinanleh ang lemguat dan bawldoh zou ngeingei na ding lampi zong hing guatsah zouta hi.

Unau, tuni'n iMangpa'n nang leh kei tungtawnin na lianpi-silthupi semkhenuam hizaw hi. Eite hing haan iMangpa a muanhuai a, tuaziahin ngam tah in ama lamzuan in mainawt zel vai. 


Ki-latkhiatna:Mangpa aw, nangma muanna tawh nang deisahnate ka pichin zawhna ding un Jesu min in kang ki laan hi. Amen!












No comments

Powered by Blogger.