LET’S MELT DOWN THE SAINTS AND PUT THEM INTO CIRCULATIONS

LET’S MELT DOWN THE SAINTS AND PUT THEM INTO CIRCULATIONS
Pastor Dongza Thawng
Devotional No. 61 ( Vol. 3)
Fellowship of Thirsty Souls and Hungry Hearts

Thirsty soul simtute Jingpha chivai ele!

Tulai tavaang nisa suah etlawm in neu lai a bupal hong a gita te heu mang na ding a silging thei bang bang e ki bawl te gel doh huai hi. 

Hunthah nithah, ju ham va ham a hun toh ki jui a hing jattuam, thei ga louga thahthah hing piang te in Pasian thupina leh hoina langsah hi.

Tua bang jel in I pa  Pasian hepina jingkal teng in thah in tua mi in eite hing pui jel hi.

Tuni Thupi: *“LET ’S MELT DOWN THE SAINTS AND PUT THEM INTO CIRCULATIONS”*

Jannitah in *Vision Lamka* ah ka presenation pia jou ing. Ahing na *thumpi* te leh ngaina tah *a hing uappi* ka hattuam pi leh ka lawmte tung ah kipa thu hing gen ing.

June/July lai in *“Has God Given Up On Lamka”?* chi ka gen a, Tu tung in ahileh topic ahing kipia pen   *Responsibility of the church leaders..”* lam ahi. Point 4 ka genna ah tuni i topic uh khu khat ahi. Tuni himi thu kikum vai.

England a 17th century lai Puritante lamkai pa *Oliver Cromwell* lal lai  a thil tung khat gen vai:

During the reign of Oliver Cromwell (1599-1656), there was a shortage of currency in the British Empire. Representatives carefully searched the nation in hopes of finding silver to meet the emergency. After one month, the committee returned with its report. *"We have searched the Empire in vain seeking to find silver. To our dismay, we found none anywhere except in the cathedrals where the statues of the saints are made of choice silver.”* To this, Oliver Cromwell eloquently answered, *“Let’s melt down the saints and put them into circulation.”* 

Gamsung a sum um nonlou, sum sua ding sum eng lah um non lou. A um sunkhu Biah inn lianpi pi a misisa te lim ki khenna dang leh sana te mai ahi ta hi. Kumpipa tua limte khu hal tui un lan, sum sua ta un chi ahi.  Adih vawt ahi. Gamsung a neh ding um non lou, sum jat ding um non lou a tua *Biah inn cheimawi ding a lim thupi tah tah koi sang a haltui siang a mipite jat thei ding a bawl khu thilpoimaw jaw ahi.*

I gam ah biah inn a *crore a crore bei in i lam ua, project thupi pi i bawl ua, budget thupi*  pi isiam uhi. Hibang kal ah i church member te shi leh hinn kal ah khaw sa uhi. A khen *hospital a ki at ding* in sum nei lou,  akhen neh ding nei lou jing a ann tang ding bei ta, *Biah inn kai man lou jen a sum va* sui,( Hattuam ten biah inn kai thasie chia ki el hou nalai), a khen *tate fee* ding neu lou jieh a chi maw man a ju jua( ju jua chia ki nawsua kia),a khen a ann ngawl sang a *kani lei a kuan*( Kani lei bawl jia ki el hou kia), a khen suhna ding theilou a beidong kisa seng *ana ki khai lum man ta.*  Khenkhat ahileh lungkham kisa seng a *lungkham lungjin* ajaan deu khah leh chia ju neu khat a chep leh addict suah( Hattuam ten ki pampai kia). 

Hite pen a *hoi ahisih,  excuse zong hi kha* va. Pasian ginna tawm jong hina. Gentena igen ahi. Ahiin i *hattuam ua hibang din mun um ahilam ithei pha sih ua zong itheisawm sih* uhi.  

Biah inn ah a *pawdang* in iki khawm ua, a pawdang ngen in iki thua uhi. Hibang a i hattuam mi bang din mun a ding, bang chi dan a hibang din mun hing tung chi khual sang in awi maw leh mawpai ( *condemning and judemental* ) in i pampai uhi. 

*Hattuam khat ah mei thai khat* serious tah  a dam lou in hattuam te kung ah panpi ngen uhi. A  ki opression na ding in lakh lam a poimaw hi. Hinanleh  hattuam ten  ingaina dan, hattuam kivai hawm na dan in chiin Rs 1000/ in ve uhi. Sawt lou in tu anu hing shi ta hi. Tua meithai nu tanau te khat in *“I hattuam in sum Crore khat val i nei uh chia na gen te uh lah bang chi ta?”* chia adoh leh a finance pan *“tuate khu I Biah inn thah lam na ding leh i biah inn toh kisai a poimawna emergency  ading a ki koi ahi”* chi san hi. Unaute hi tangthu pen 50% atah 50%  kang phuah tawm ahi. *Ahiin hichi dan deu ngen ahi i hattuam ki vai hawm* dan.

I hattuam lian mama, fund tam mama, budget thupi mama,projectte thupi mama in *ahivang a* i member te operation na ding nei lou jia a si, atate school fee um lou a school kai jou lou a chavai, khamthei bawi. Khamthei angnbawl chiang a hattuam ten hitlist a koi tou paipai jel. Ajing suan ding nei lou jieh a Kani lei a kuan. A tapa  gamtuam a laisim a achomna a sum bat tamseng in interest toh, ju a juah ngaita.  Ahilou leh a sum bat a thangbat samseng in a inn alou te bei, lungkia leh kingaisie in ju dawn daw. 

Kumpipa *Oliver Cromwell* gendan hileh i gam a sum ding a um nonlou lai a Biah inn a thupi  tah a Misisate lim thupi tah a tah a,  et lom tah a koi khu bang ding lah? *Tua milimte et a gilva ding lah hilou a?*

Biah inn bawlbawl in a biah in a kikhawm ding te gam mang sah, vah mang sah biah inn kai thei lou ding din mun ah um sah sah lei I biah inn a koite ki khawm ta ding? London kigen bang a cinima hall leh dawl bawlnading a i bawlsah sah ata diei le? 

*Speaker* te zong i pulpit te lah i conference thupi tah tah te apat a hing kum suh in liangvai genthei, tangkhat leh thawm hau te kung ah I Mangpa Jesu bang in i hun va pia vai. . 

*Church leader leh pastor* te zong ih office te potsan in ki hawmjah( meltdawn) in daikilkom a i belam  vahmangte, ling lah khau lah a awhte va kan khia vai. 

I unau Hanglam ( Mayanmar) lam a  audio  a thugen khat in *“I biah inn ua touna te thupi mama in , I tate laijilna school a touna te hoilou seng hi. Ki bangsah vai.”* achi ka thei hi. 

Tunin i biah inn te hoi thei mama, I hattuam office te thupi thei mama. I hattuam account us sum tam mama. Ahivang i biah inn mai a *nala namsie* vawt. I Biah inn jotna *lampi gari* taina thei zong hinonlou, I hattuam member te inn Delhi lah a *slum bang*, I hattuam member te nehding nei lou a khut daw, sil leh teen ding nei lou *tuipaan kai bang a naat vawt*…Hite bang law ta ding?

*Ka Bible ka et leh* Pasian thu in Pasian sum som a khat khu *Levi te, mikhualte, pa nei loute, meithaite kung a hawm sah ding chi hi*( *Deut 26: 12*)*.

Himi pi Old Testament aveleh na chi mai thei. Ahileh Hattuam hun ah *Acts bung 6* isim leh Hattuam ten meithai te angaisah lou jieh in buaina piang chi sim hi. Hattuam ten *“daily distribution of food”* chi kimu hi. Hattuam sung a Pasian tate tasam leh gilkiel te khu hattuam in ana mawpua mama uhi.

*Philip Yancey* in alaibu The JESUS I NEVER KNEW ah *“When Jesus  departed, he left the keys of the kingdom in our fumbling hands.”* Umjie khu I Mangpa Van akal tou in aman hattuam te thunei na mai hilou in mawpuahna hing nusia hi. *“Where is God when it hurts?”* ( 233) chi ding hinon lou in *“Where is the Church when it hurts?”* chi ahi ta hi. 

Ajiehpen Aman hattuam te khu ama mun ah  ama ngaipoimaw te semsuah ding in ngansie na pia ta hi. Ahilou leh hattuam te tungtawn in  aman  nasem ta hi.  Pasian khoi ah um? Bang ding a hibang genthei ta ga, liang vai, dam lou te hepi lou ade aw chia i mawsah lai in, Aman *“Ka hattuam te mawpuahna ding a ka nutsia ahita hi”*

*"Hattuamte tung tawn a tua mi genthei te ka buaipi ahi ta hi. Hattuam te through a ka sep ahi ta” chi dan ahi ta hi. KHujieh in *Pasian khoi a um?* chisang  *“Hattuamte bang bawl hita?”* chi ding dan ahit ahi. 

*Where are Angeles?*  chi ding hinonlou in *where are believers?*where is Gods people?* chi ding ahi ta hi. 

 Angel te ngai se se lou a bawl thei tam ta hi. Pasian Vansolsiang te et te a ngah ngah sang in  gingtuten a *sakhau uh soh in a sum bom uh hong u leh bailam jaw ta*  hi. 

Pasian in van a *Anngel te ang sawl ding hinonlou in nang leh ken i sakhau isoh ding ahi ta hi*. 

Hospital a i hattuam mi ICU a um or  ki at ding pa khu thumpipi ding, Angel te ngah ngah ding hinonlou in I sumbom i hon ding hi jaw, I hattuam sumbuh a   kholte i haltui ua, sum i suah sah ua, i hom jah khong kin kin ding uh hijaw hi. 

Pasian ta gingtu a hattiuam mi chimaw a hospital a beidong tah a um lai a eiten *buidling building, project project chia ingaisah lou leh *Pasian in apanpi thei lou, apanpi ut lou hilou in Pasian in mawpuahna piah ten Pasian deidan a recourse te jang lou, paisah lou ahi jaw uhi.*

Khual jin ding kisa in la, na tate nusia ding. Ama uh jat khop ding sum  ki ching set nusia in na muan mama  mi khat khut , a enkoltu ding na koi a, ama khut ah sum teng na nusia hi.

Ahiin na tate in a buai chin un nang hing phone  in a tahsap te uh hing gen gen leh thil dih adiai? *"A enkol tu pa kung ah ana  la ve"  na chi chiang na tapa in *" ang pia ut lou pi"* chiin nata ten ann bang ana ngawl uleh bang chiin na geel diai??

Tunin ei Christ hattuam te khu Pasian ngaipoimaw, Pasian in isep ding ua ahing nutsia pen sem khalou a, ama  ngaipoi maw lou lam lam a ama resource te jang jang i suah ta uhi. *Pasian khoi ah hinon lou in Hattuam te bang chi ta? Ahiloulhe Pasian Angel te khoi ah? chi hinon lou in Gingtu te bang chi ta?* chi ding ahi ta hi. 

Tunin I *Mangpa Jesu Van akal nua a eite ama sep ban te sem ding a hattuam ama tahsate ahing ngansiana ah ama ngaipoimaw te bang tan in isem na uai?*  Jesun a it mama meithai taga, ne lou ta lou, liangvai tasam te ama hattuam te ingaisah lou leh angaisah tu ding um lou hi. Tuachiang Hattuam lutang Jesu khu lung kim lou ding hi.

Hattuam te biah inn a teeng den, biah inn a kot kikhah khum den lou in potkhia in ki hom jah in khotaang leh goljing kal leh  inn chin ah pai in Jesu itna va lang sah vai.

Biah inn i gou thupi tah imoh koi te uh  la khia in sum sua in Pasian in a it ami te ading in hawm jah sah vai.

Ahilou leh thei lou kal in Jesu hing pai ta leh tuni i khol khom uh property leh bank account a sum a crore crore a i koi te ANTI-christ ading a hoi tah  saving sah i suah ding uhi.

I fund nei te uh Pasian gam nasepna  jat ding maw or  I moh kholkhol ding uh?

Mihing maw siam ding building? En bol thei na pi (or Pasian in hing pia ta na pi)Pasian ngah ngah ding?

Gingtu ten ih unau tasam leh chimaw te ei a piah som lou in Pasian Angel te ngah ngah ding maw?

*Lets meltdown the saints and put them into circulations* "chi khu iki pat hun ta hi.

Mangpa'n simtute theisiam na hing pia hen!

Topa Thupha!

Next ah: Who is an evangelical christian? Or what is an evangelical christian  looks like?