AND DAVID RETURNED HOME TO BLESS HIS FAMILY
AND DAVID RETURNED HOME TO BLESS HIS FAMILY (1 Chro. 16:43)
Devotional # 62 ( vol 3)
Fellowship of Thirsty Souls and Hungry Hearts
Simtute Lamka Khuopi apat Jingpha leh Topa Thupha!
Lamka Zo khopi nop mama e. Ahiin vutvai leh buannnoi in alua dim khopi ahi. DC pa leh local MLA ten Gari atai chiang ua a mit uh ahah uleh chu mu mama va uh.
Ka conference uleh seminar ka chai ta uhi. Pasian hing nusia lou in hing dinpi in amite hing pawl hi chi kan a ki pahna ding ka thei sih hi.
Hibang buannoi leh vutvai lah ah Heaven on Earth hung musah pa Pasian min thupi ta hen.
Hih seminar uap ding a Imphal apat niteng hing taiveng veng a niteng a hing keh jel Dr Muankim in mitampi inspire hi. Tua leh Lamka area apat hing uap ka it mama lomte tung ah tung ah ka kipahna lian hi.
Tunin Zotaang lam juan in ka kuan ding uhi.
Date 6 ( saturday) apat in Imphal ah ka ki mang ding ua, Date 8 ah Shillong vangkhua juan in ka leng ta ding hi. Thumpi tute tung ah kipah thu gen ing.
Hing thumpi tou jel un aw le.
Tuni ih text ua Tuachin David khu a family te bless ding in a inn ah aki le ta hi chi ahi.
Pate na office a ki khah tah leh na ji na ta blessing ding in kile kia ta in. Nu te na vai na chai tah leh inn lam del ta in.
Pu Mang Taithul in pu Nehkhomang Neihsiel a interview na ah pu Neihsiel in ka office work him him ka pension tan in zong in lam ah ka pua sih hi. Ka office thu him him jong ja gen sih chi hi. Ka tapa in " he pa nang officer maw?" Ang chi a chi hi.
Ei gam officer tam pi te khu ki officer sah in a office file leh laptop bag ki fuh sah deu mai a inn a khai lut a , inn tun chiang a ki nasem sah deu mai a um te ihi.
Robin Sharma in offiice kai a gim tah a inn juan te inn tun kuan a parking a minute 15 vel hing tawl dam a FRESH tah a inn sung lut hoi hi chi hi. Gim tah a innsung lut lou ding chi hi.
Aw ei loi pai dan toh ki khia e maw. Ei lah gim lou pipi jong inn lut chia ki gim sah a iji in ang na duat tei tei na ding a ki gim sah te ihi( kei na bah uleh).
I taten apa sunni tum a a tan khah lou uh khu nitah ang tun chiang un a gim sa, a tawlsa pa a mu jel uh FAIR lou hi.
A tha leh lungsim fresh teng office leh church leh society a midangte pia siang in inn a aji leh atate atha leh lungsim joisa LEFT OVER a pia khu taten They deserve better than that.. chi thei vai.
Pastor te jong church progm, committee, actvities teng a ih fresh tah a ki jang in inn tun chiang a tha jawisa, mood flop sa, inn tun khu FAIR lou hi.
David in kumpi a hina toh amite thupi tah a worship na a makai jou in inn lam del vingveng in a inkuan te bless hi.
Nu te pate hattuam leh office leh khawtang vai a, i nate i chai tah leh ding in Inn lam juan veng veng tavai. I ji i taten thawm hau tah i blessing ding ngah uhi.
Ahiin i gam a inn tung lou pa leh nu tate khu Pasian ana hepi ta hen!
Tumalam in the waiting son chi igen ta uhi.
Ka tapa in inn mai varanda ang na ngah dan i gen hi.
Tunin ta in jot hun thei chi hinon lou in nu in jot hun thei. Pa inn jong chaang thei i poimaw ta uhi.
Ajieh pen David a gal kuan lai in Aji atate anutsia na mun Jiglag khua melmaten ana bulu in ana hal ua. Aji atate ana kai mang uhi.
Pasian in nam leh gam adinga gaal kuan David khu nua kia sah in a family gal sat ding in han khia hi.
Kumpipa adia gal asat sang in aji ata adia gal asat ding Pasian in poimaw sa jaw hiding hi.
Tunin nu, te pate nam leh society leh hattuam buai a i buai lai un i ji, i tate ana ki bulu in sal in melma in ana kai mang ta hi.
I gam a Pa hangsan te inn lam a ki le kia a i innkuan chiat humbit hun ta. Innlam del hun ta. Pa Hangsan te in lam del hun ta hi.
Pastor leh speaker te mipi tampi hagau ann a navah lai in na inn mun a na ji nataten hagau mujou lou in kial in vul uhi. Nang a pa, a nu in lah na ann neiteng midang te vahna nei siang tachin a maw!
Na ji na tate ading khen jou non lou. Na khen sun khu akhiingsa, mi neh sa neh thei non lou ann khiing vot dehduh hi ta hi.
Tunin i nasep, i vai te i chai tah leh inn lam del tavai. Midang te i bless bang in i family te jong i blessing ngai in hing na ngah uhi.
Nang office na jahnuai a na file te khu thupina in ngai non sin. Na office ah nusia in. Fresh tah in na inn kot lut sawm in. kipah tah a hing na lam dawn ding na ji na taten pa nui mel leh fresh deserve uhi.
Pa lungthah pa mai muat pa mood flop sa mu chim ta uhi.
"and David returned home to bless his family"
Mangpan himi message mawl tah jang in hing houpi ta hen!
Shalom!
No comments