Mangpa Thuchiam a Muang

Mangpa Thuchiam a Muang
WAY2GOD

Tangteel: Tualeh Pasian in amit ua pat hitui zousie asia sieng pieh ding hi; tualeh shina a um nawn sih dinga, lunggimna leh kaana leh natna zong a um nawn sih ding hi; aziehpen sil masate, zousie abeita hi,” achi ka za hi. - Kihilna 21:4

Leitung ah lungtang natna leh tahsa gimna i hinkhua beitohdong in i tuahtou den ding uhi. Hinanleh i Mangpa ang peikiah hun chiangin lungtang leh tahsa a gimna tuah zousiahte tung ah Pasian in a henepna aluankhum ding a tuachi'n daahna mittui luang zousiahte a siahhul piah ding hi. 

Koi mittui ahi diai? Lungkham chinteng leh daahna ziah a mittui luang zousiahte mittui ahi diai? Tamna Mangpa Jesu'n a henep dingte leh mittui asiahhul piah dingte ahi leh Jesu khu Hundamtu leh Mangpa a pom a Jesu min a thuah jousiate ahi ding uhi. Tamnah hutdamloute agen kha sih hi. 

Tuaziahin, hutdamtate a dingin Pasian thu jui leh hinpih ziah a hahsatna i thuahte uh khatvei chianga i nopsatna ding uh ahizaw hi chi'n i Mangpa'n ang hanchiamta hi. Sil bangkim Mangpa deidan a paipi ziah a genthei-hahsat i thuahna u khu ei a ding a hamphatna ang piantheina ding a i Mangpa'n deisahtah a ang lemguatpiah ahi zaw hi. 

Mangpa'n ang deisahna bang a nop-le-da i tuahzousiahte uh kinepna liantah neipum a tuahtou thei zel di'n i Mangpa ah ki-lankhe vai. 

Thuumna: Mangpa aw, nop-le-daah ka tuah a zong nangma kamchiam a kinepna dettah neipum a kapaijomthei na ding in Jesu min in kang ki-lan hi. Amen!