Pray for laborers to the Lord of the harvest

Pray for laborers to the Lord of the harvest

Pastor Dr. Dongzathawng

Devotional #  146 ( Vol 3)

Fellowship of Thirsty Souls and Hungry Hearts

Sumchimvum vangkhua, 

Singngat taang apat in Shalom!!

I dam chiatna uh maw! Mangpan tuni nang ading a kipahna ni gualzawlna ni hing hisah ta hen!

Mat 9:37,38: "Then saith he unto his disciples, The harvest truly is plenteous, but the laborers are few; Pray ye, therefore, the Lord of the harvest, that he will send forth laborers into his harvest."

Khompi Jan 20 apat 23 tan Sachih Tampak ah ka chai ua janni nitah in Lamka kang tung uhi. Kei driver penpen gari kham chitah in ka kham uhi. Ka inkuan in ka joi siang uhi.

Tutung ka khompi uh banga nop kasah a um de aw ?? chi thei ahi. Thu gen na hun khat zong ka tang sih a, a hing deisah pastor 2 vel in a hun ahing ot sawm ua nanleh ka la sih hi. Mangpan hibang a atan ding hamphatna hing pia sawnte Mangpan gualzawl ta hen!

Ahiin hun tanglou ka hi jiehin ka ji leh numei pawl in Bible leh la kidem na nop tah leh thawvengtah a mattheina ding un full time a naupangte ching in ka ki volunteer hi. Sun hun Council kaal chiangin sunni tumtum in ka tate leh a loite luidung ah ka ki mawl pi a, agei uah ka lai ka sim ahi. Ka tate'n nop asah dandan uh aw. Ka-et chiang ka lungkim ngutngut mai hi. Nitah chiang biahinn kai jou chiangin tumphual sep in 2AM tantan ka houlim ua ka chiammui uhi.

Mihing geel a Tunna inn noplou tah Dispensary namsia leh mi sina mun leh apkai, bathroom block khat a um ding a Guat a ka umlai un Pasian in kou ading in munnop tah hing na siamsah hi.

Ka ji'n tunpite khu koi dang hilou in ka hattuampi ka it family kinaipi pente ahi nalai uhi. Tutung kakipah na pente ahileh:

1. Sun chiang ka tate'n ang kipah sah a luipangte ah ka ki mawlpi hi.
2. Hun awng dang teng nisalum awi kawm in laisimna'n ka jang a. Tulai Ravi Zecharias a kum 15 lam peita ka sim sate ka sim kia hi. “Has christianity failed you? “ Sim jou. “Can man without God" simjou in tu in “Cries of The Hearts” ka sim lai tah ahi. Ka tate ki mawl en  kawm in himi laibute ah kaki diah hi (dipping) 
3. Jaan chiang lomte toh Meipang ah houlim leh chiammui in jansaw toupi hunnuam tah ka mang jel uhi. Leitung a hibang kheel a hunnop ei singtangpa ading in a umthei diai chi ding khop ahi. Family camping pai ka himai uhi.
4. Tam point lina ahi leh tutung i topic uh ahi. Ka lompa pastor Khup (Kamliankhup) in Saturday nitah (22/01/22) in sermon a nei a awlawl in damdam thu hing gen ahi. A thugen jousie in mi khoih hi. Pasian hagau in umpi in thu loupi tahtah genlou na pi athu gen simple tah te'n mi vut in ka thei hi.

Tua a  thu genna a ka na thei ngailou ka mu thah khat tuni i topic uh ahi. 

Gingtu khat kahina toh Ka kim ka pam  hagau mang simsenglou nisim naisim a got mun juante ka mu a, tamsengin puahnat dan jong ka theinon sih hi. Lah puahnat ding, hutkhiah ding a guat ihi ngal uhi. Hinanleh a law didan ka thei sih a ka moh galet thaw uhi.

Thei dandan a crusade leh campte bol a mite chial khu i septheipen ahi.  Hinanleh hagau mang hijat joujai khu hutkhiah jousenglou ahi dan ka gel chiang Mahni ki oimaw nan idim hi. Ahin tutung a Rev Khup sermon a ka thil mu khiah in ka puah gih hing jang sah hi.

I Mangpa Jesu'n “khua dah un len loujaute envawi un! Bute min in kuai siangta hi” chi hi. 

Hi in agen khu isim leh gingtute moh umumlou a kipat khiah thildang buaipilou a manlang thei pen a bulah kipat ding hileh kilom hi. Bang ding a moh tou? Bang ding a moh um? Kuankhiah hunta… kipat hunta..hi. Kinawta lawta hi… hunte tuibangin pai jungjung, koima ngahlou hi.

Ahiin aban isim leh hia atung a gingtu tampiin ki nawtah a ibawl khu bawl ding hing chilou hi. Bulah ding tam a kuai siangta chi imu leh i bawl ding a I Mangpa'n ang gensah khu “Kuan un lan manlang in bute va la un” chi hilou in “Pray for labourers to the Lord of the Harvesvest” chi hijaw hi.

“Noute'n bulah ding a minsiangta vala siang un. Ahuntah a na lahlou uleh mawna teng na tung ua kang phut ding ahi” chilou in “kei kung ah hing ngen un. Ken alah ding dan ka thei. Ken ka bol thei” chi hijaw hi. Aw hina mah e maw! Kei hagau manglai na kisa in hattuam lamkai teng ka oimaw a ka hom thaw hi. Ka Mangpa'n tuachi dingin hing hillou hi. Ama kung a bulatu ding ngen ding in hing hil jaw hi.

Awh hivang nop jel e…Ka bol thei mama hi. Ka paina teng ah ka bol thei hi. Gingtu jousie'n role kinei thei hi. Tulehtu in Sumchinvum khua a Mou sa thana ah ka um hi. Ka gei ah Election thu ki houlim pawl jong um hi. Ahiin Louneipa kung ah hih khua hagau bu minte la ding labourers ading in ka thum hi. Gari tai kom in khua ka tot khah na chin ah bulatu ding ka thum thei hi. Bulatu nget ding ka mohpuah ahilam tuni'n ka ki theita hi. Ken bulah khu kei moh pua chiin tam sengin apat na ding theilou in lah ki oimaw kom in kana gen thei mama hi. Ki-oimaw nanleng a abul pat didan jong kathei sih hi. 

Tu in vang Louneipa kung ah bu min e chi ka thei nah leh thei sah paipai leng aman alatu ding a poimaw na mun chetchet mi nei hi.

Tuni'n nu thum mi na tanu natapa te Delhi a mun hoilou tah a khawsa leh hagau mangthang china thei leh lou neipu kung ah ngen lechin aman na ta pa na tanu hagau laina khatin ana buaipi ding sawl ding a Delhi khu Jesu toh akimu na  mun suah ding hi.

Govt office leh, khanglai te gam kimawlna mun leh suangkul sung natan leh khamthei ki bawl na leh nochi te mun niin top ah jong athumte dingin Pasian in bulatu ding nei hi. I ngen sih ua hijaw hi. Achang ah nang leh kei mama zong i thumna ga un bu la tu in hing jang thei hi.

Ikim-ipam hagau bu min lahsenglou ichi khu en lah siang dingin hing phutlou hi. Ei te thum na toh mittui toh latu ding ngen ding in hing guat jaw hi. Aman ajat ding hau mama hi. “Mangpa'n hagau mangte man ding in ka hinna hing jang in” chi sang in “Mangla-bula dang hing sawl in “chi'n thum thum lei Mangpa'n hing jang jaw ding hi. Aman a utut jang thei hi. Ama lungkhamlou hi. Hinanleh bulatu ding ngen masate mai bula ding in jang hi.

Pennsylvania khuata a  pastor (country church pastor) Dave Wlkerson in  a TV juah khia in a TV etna hun teng khu thumna in jang hi. New York a khanglai gang te ading a athumthum leh Pasian in ama ma sawl in Nicky Cruze mantu Dave Wilkerson suah hi.

Ajiehpen Ama tractor Hagau Siangthou in hamsa salou hi. Kum tampi alaw ngaina itheiloute aman ni khat thu in chai thei hi. Kum 100 jou a i gam Christian gam ah bulatu ingetnget kisam hi. I biahinnte thupi in liana, i budget te tam na pi i mipi te lai a bu min in alatu ding umlou hi. Ajiehpen ngentu himasalou in latu hithei ngeilou hi.

Pastor leh upa bulatu ading a thumlou in a hattuam leh abial uh bulahna kipahna thei kha (experience) ngeilou ding uhi. Tunin na inn sung, na pasal, na tate, na khuasung, na hattuam, na inkuan (relatives) , naloi nagualte na pawna ei? Louneipa kung ah bulatu ngen in. Lou neipan bailam tah in bulatu hoi hing sawl in hing lahsah ding hi.

“Mangpa nang, louneipa… bulahtu hoi bulatu ding hing sawl sah aw… ka it mama ka tapa ka tanu, ka pasal a umna ah bulatu ana sawl sah aw” chiin i umna phot apat in ithum thei hi.

Eg Samsung phone khat poupou lei ta lei asiat khah leh khovel pumpi a city khat poupou a samsung service khat poupou ah iva en sah thei hi”

Unaute khawvel pumpi buminta chia i veinat leh 

Step # 1: alah ding khu ei moh puah hilou. 

Step # 2: Louneipa kung a nget khu imopuah hi jaw. 

Step # 3: Louneipa'n ei direct a a latu ding a ahing guat leh mihampha ihi.

Step # 4: Ei direct a alatute lai a role nei ding eg sil piah, vaisaitu, chialtu etcte lai a ang jat leh thanuam tah in pang vai.

Mangpa'n khuadah a bulah ding minsiangte mu ding leh bulatu ahing sawlna ding a louneipa kung a ngenngen gingtu hiding in hing siamta hen!!

Topa Thupha!