Blooming where you are not Planted

Blooming where you are not Planted

Pastor Dr. Dongzathawng

Devotional # 26( vol 4)

Fellowship of Thirsty Souls and Hungry Hearts

Thirsty Souls te:

Shillong vangkhua tavang ninou tum kuan Huikhi si laang hiai hiai apat in Chibai leh  shalom!

Mangpan tunin na ki ginlou pi in thil hoi tah khat na lampi ah hing na koisah ta hen!!

Tuni Topic: “Blooming where you are not Planted”

Text: “Because the Loves his people, he has made you their king”

( 2 Chro. 2:11)

Introduction:

1) Tulai ka tapa summer break ni 9 jou a lut kia ta. Ka tanu aneu pen break lai tah. Alianpen tuni test jou ding. Break kipan ding.

2).P. Sejawl a pate camp ading return ticket la hah seng a man tampi ana hi man.

3).Ka laptop( mc book pro) kisiet in thil tampi nongkai sah himai. Tulai athah lei na ding ha pang a pang.. fuh thei nai lou.

4) Manipur forest reserve toh kisai dai deu ta. I thumna Pasian in ngaikhia. Thum tou jel vai. Kani lei bol bol ding in Pasian in A gam a ahing ten sah na ding a thum thum ding hijeel.

5) Hun awng nei chiang ki suh hal na ding in Rev Sholal sermon ngai jel.

Pasian thugen siam gam ah tam seng seng ngai ding ki thei seng non lou.

6). USA politics jong ngainop huai sem sem.

Trump popular sem sem Biden pen keeng bai bang in kibai bai ta.

7) inn a ka umpi nu uh pai ta buaina kal ah buai sem sem. Ahiin anopna jong um veve. Ahing ngaipoimaw khat leh ni i um khah jen jen leh Hing thumpi vua le..

Topic ah lut ta vai:

USA lut chiil lai in bank account hon ve ngai a. Pass book ah lim design tuam tuam um a, ka pass book ading in theme “ bloom where you are planted” chi ka teel hi. USA umsung a ka ki tu na/ suanna mun a gah khiah ding chi khu ka tup ahi. Pasian hepina toh ka ga suang tou jel hi.

Ahin kum hunkhop jou in koi ga nei malah gam keu gamdai a um ka bang hi. Homeless vahthap vahvai pa ka suah deh tah hi. Ka ga nei lou dan dan leh kei ma jong mang thai ding bang ka in ka ning ki hel ta hi. Pasian in 2008 October jaan in thupi tah in hing houpi a, hing vil hi.

A tomlam a gen in khovel pumpi a gam hausa leh thupi pen USA mun ah kei jawngkhal leh ning kitel a shi deh  tah in bangma nei lou in inn lam kang juan kia hi. Pasian in  ka paah leh ka ga suang na ding a hun ang guatsah jat bei ta chi ahing thei sah hi. 

Ang ki suan lou na mun a kava ga nei som tei tei leh ang guat pa leh ka mipi te kipah lou ding hi.

I Bible chang teel :“Because the LORD Loves his people, he has made you their king” chi hi. 2009 a inn kang tun in ka  poimaw dan, ka mipi ten ang tahsap dan ka mu khia hi. American te or American hattuam ten ang poimawlou dan leh i gam in ang poimaw dam ki khie seng seng hi.

Tuni tan a i gam a  Pasian nasem ding a hing kipekhia Pasian kouna tang tah tah te khu study bawl lei i gam, i lei i mipi te veina thupi mama nei kawm a pastor na sep hing teel te ahi uhi. Vei na thupi tah nei masa lou in koima Pasian nasem in kipia thei lou hi. Tua veina khu Pasian piah ahi. Tuachiin Commitment saangpi leh sacrifice tampi toh Pasian nasep ana teel uh ahi.

Tulai USA pai ut jieh a Theology line a kipia, Govt job mujou lou jieh a pastor beh chia hing ki pia te, ahi lou leh age over  ta bangma kinepna um non lou Bible beh ki jil leh pastor aki hi thei khah leh ahilou  leh gui thei kham thei apat ki siam hoi thei khah leh chia Bible jir etc chite khu nidang lai i mi masa te hunlai in ana um ngei him him lou hi. 

Pasian in Solomon kung ah ka mite ka it jieh leu leu in nang leader or kumpi in ka hing guat ahi chi hi( 2 Chro 11:2) 

Pasian in atatsa amipi te, a belam te a it jieh in lamkai, belampu pia hi. Umjie khu mipi te jieh in leader hing um hi. Belam te jieh in belampu hing um hi. Nang pastor  a nang pan thei or leader na hijieh khu Pasian in a mipite a it jieh ahi.

Ka Bible jil B.Th. ka jir lai in summer break chiang ka hattuam uh bial teng ka fang jel a, ang na it mama uhi. Ajieh pen khangtha bible jir umlou tebang ahi. M.Th ka chai in kei mai master degree nei ka hia ang poimaw dan dan uh ka hattuam miten.

Tunia igam pastor masa lam te enlai mipi te poimaw jieh a chit leh chit lou um lou a louthei lou ngen a sem ahi uhi. Pasian in mipite a it jieh in pastor, preacher leh leader ana pia hi. Tuni igam ih preacher nei te: Dr Khaizakham apat aban ban in en lei  Pasian in hing it nalai leh a hing ngaisah mama nalai china ahi.

Pasian in a belampu or a jawlnei ding a kou chiang a mipi leh amun khu a umsa ngen ahi.  Amun leh ami in a poimaw seng jieh a, Pasian in leader hing siamkhia hi jaw hi. Eg Mosi. Tunia pastor hing suah sah leader hing suah sah preacher hing suah sah na mipi te khu mawh nelsiah sin.

Ahia tunia i topic uh “Blooming in where you are not planted”  chi khu toh atung a Bible chang en khawm lei: Eg Pasian in Lamka leh Manipur a amipi te it seng in ama uh Puitu ding a kei ahing guat a , thau ahing nu pa khu America ka tun chiang teng denna ding ngai tua in, “ kaikuang ka lii  thuh “ chiin tum mang in kei Belampu ding a thau hing nu tute, hitan ka tunna ding a hing thumpi leh hing na thuap te thei pha lou mai hilou in sim maw in uang deu ham in ama uh te hasie sah ngoh ngoi leng a vang phat huai diai? 

Ahing poimaw mama te nusia in Pasian ahing guat lou,ahing koi lou na mun a paah leh gasuang sawm leng Pasian in amipi te khual jieh a ahing kou doh a, training hing pia pa’n bang chiin a ngai diai? Hitoh kisai a khang kihilna neih thei leader hunkhop ipiLnw ding in Pasian in hing koisah ta hi.

Tim Gustafson kichi pan Our Daily Bread ah “ But sometimes we try to BLOOM where God  does not intend us to be” Pasian in ahing suan/ koi lou na mun a paah leh gaa nei sawm khu lem Lou hi. I poimaw lou, ang ki poimaw lou, na mun a va ga nei som in midang te ki subuai hi.

Pasian in a na sem dia aguat leh a kou te khu  asepna ding mun chet guatsa in koi sa in ngah sah hi.Tua mun chet a pah ding leh ga ding in guat hi. Tim in agen jel na ah: “A weed is any plant that grows where you dont want it” chi nalai hi.

Ki fel sah in ha pang mama iki sah lai in Pasian in ahing suan( planted) louna mun a va ga sawm ihi ding jau huai hi. Ei hapan mama iki sah lai in midang te ading a weeds ( ling leh khau) ihi ding jau huai hi. Ei iki poimaw sah mama lai a mi dang te ading a natna, buaina tuntu, mi nin huai, i nung lam a hing ki ning mama, hing ki huphul mama hikhah ding jau buai hi.

Adiah in commitee member leh post tuam tuam a ki kaang koi sawm lou a ha pang a pang cha cha te khu “ misplaced weed” hi ut jel hi. America a i family toh nop a settle a ki deikhop mama a i um lai in ei pen Imi isa ang poi mama te, thau hing nu te, ahing na thumpi leh ahing kineppi, te tu in hasie in kap kap uh mai thei hi.

Ahilou leh imipi ei hing tung ding ten ang poimaw lai tah in eima ding ki khual in eh nutsia a nusia in nop tah in christian  NGO thupi tah a sem in, bureaucrats te standard a hing nan lei Tim gen bang a “ resembled a  misplaced weed”  ihi khah ding jau huai hi. 

America umlai in i sun lung i jaan lung khu imipi te lam ah um hi. Sermon leh message ahing pia jou sia khu Zogam a imite  ading ngen hi mai hi. Ajieh pen America ten kei hing poimaw lou a, kei panpi ngai lou uhi. Poimaw malah goup neu khat enkol ding in jong mi kichi seng ua hing en la lou uhi. Report in “10% of the population of the workd are english speaking. They have 90% of the prrachers and pastors” ki chi hi. 

Tunia USA vel pastor isep sawm leh chu: “America te aw pastor kitasam lou chi ka thei mama hi. Ahia kei ka gam ua pai kik ut non lou. USA a teng den ut. Nop ta lua, Vangam neu jaw a ki um ta. Bang chi pai kia ding.Hepitah in Nou lah ah poi maw lou sasa hinanleng  hing guang lut ham ham mai un. Lampi hing ngai tua sah ham ham mai un.Nung pai ding dan ka hi thei mama non sih” chia thum ngai ding hi. Ang phal sah lou uleh bol thei thei bol a lampi tuam tuam sui a um den tei tei ding himai ahi. Ahiin sapte mi lung lian ten ang kipapi jieh hilou in amg hepi jieh in hing um Sah dimg hi.

Ei gam ah vang i Mawpuahna tam seng in mihing 10 iki suah ut hun  tam hi. Dr Khaizakham in tu himi ka gel lai in progm january 2023 tan ading hun awmg nei non lou hi. Ajiehpen Pasian ei mi te ahing it jieh in ama hing pia a, aman jong thei tawp sua in pang hi. Apoimaw na mun a ki tu( plant)  leh ga tampi suang gingtu example hoi tah ahi.

Tuabang jel in kumpina hi in hattuam nasep hileh i bial leh i post sang in mun dang ah ki ha pan in ki ga nei jaw jel hi. Ih inn sung sang in puolam ah ki ga nei in, insung a dawisie bang pualam a angel bang kitam hi. Inn sung a Sadam Hussein pualam a Mi pha pa  title nga gige, kumpi nasepna ngai sah lou a hattuam sung a hapan a pang, thu gen avah vah  sem lou a law lala . A post a gin um lou, sum du, biah hah pa ,hattuam a upa hoi award mu jing  pa bang ki tam hi.

Pasian hing koina mun a pah khia thei lou a mundang iki sah la laisie “a misplaced weed” ki hi jing hi.

Pasian in ana sem te khu a poimawna mun ading a guat ahi. Gam sung buai chiin galdou ding in sepai ki la hen la, tua sepai te khu training foreign ah a siam sem ajat thei semna na ding in ki sawl hen la, ahiin ang  jou masa a training gam ah hing um den jel jel leh bang achi ta diei?  Mihing te ki vaihom dan in jong adih lou chii a mawl pen in jong thei hi

Ahi leh bangding a Pasian nasem ding, a galkap ding a , i gam leh Pasian gam in ang poimaw jieh a kipan khia hai a? bangding a i mi ten ang poimaw hun a nutsia a, hasie sah ngii ngei a eh nutsia a nusia a, ei ma nop sah na leh lu thawl thawlna, mun a meikhu lian en a i diang diang khu adih diei???? Ki uah sah tah a ham uah uah nalai..

I miten ang pampai a, chil ang siet khum ua, ehnuai suangpha a ang koi uleh vang en jong apostle te bang a ikeng taw a vutvai tat khum thei ahi. Khutan tung pawl jong ki um ta mai thei hi. “Ka khut ka sil ta “ “ na sisan uah ka siang ta” chia imite nutsia hun jong um thei ma hi. Ei jong ki hita mai thei. Tua tan tungte igen hilou in tunia igen te khu meikhu lian en a , thawm  let nana del kawi kawi te igen ahi.

Tualeh pastor hi in kumpi masem hilei i term sung a i post leh bial hing kipiah na mun ah pah khiah, mom Khiah, ga khiah tei tei khu i thumna leh i tup pen hi leh hoi ding hi. Imipi ten hing poimaw a hing lam en hi.

Tua Pasian leh a hattuam in ei ading leu leu bial ang piah na mun a pahkhia thei lou, ga khia doh lou a mundang a i va ga sawm leh tua khu “Misplaced weed” ki hi ding hi.

Mangpan ahing plant lou na mun a ga sawm non lou a, ahing plant na mun a kilawm tah ga khia, pah khia ding in ihinna uh hing suh dih sah ta hen’

Topa thupha

Shalom!!