Setan Kana Biah Dan

Setan Kana Biah Dan
Suanlyan Tungnung

SIL LAMDANG: 
Ka lawipa kung a nikhat dendrite hiip ding a kava haw leh table khat ahing ladoh a, STAR lim ang giel hi. Khumjou in ken khum star ka gitkuol (circle) khum hi. Ka lawipan keel lugu khat atung ah ahing koi a, phui ahing samta hi. Khumjou in power neima bang in inntung ahing gingsah a, TV khu remote umlou in ahing heng jatjat a, tualeh innsung a cycle khu koima doplou in ahing kaangsah (lift up) ta hi. Kei zau sengseng in zu-inn ah katai ta hi.

KA INNKUANTE: 

Lamka a lotary kithanlai ahia, kapa’n kanu zawl asaisan hi. Inn ahingtun chiengin kanu zu ateekham a, khumjou chieng in nungah heelding in akuan jel hi. Ka U numei leh kanau toh boarding ah ahing koi ua, innsung thu bangma kapa’n ahing theisah sih hi. Inn katunkia un kanu leh kapa ana kikhenta uhi. Kapa’n jitha ahing neita hi. Khumbepin kanei-kalam teng uh abei jungjung a, a pasal masa toh atate lah khamthei bawl ahijieh un hamsa kasa mama hi. Kalungkham jieh in shiding maimai kalung ah a um a, ohlup ding, tem a kidawtlup ding ahilouleh inntung or tui a tawmlut ding chivel ka ut hi. Hinanleh kappa tung a ka lungthahna phuba kalah utjieh in ka hinna kala sih hi. Lungnopdeu nading in khamthei RP, ALZOLAM, NITRO chite kane panta hi. Zudawn jong kahing panta hi. Hichikawm in Pawl IX ah laisim ka topsanta hi.

KA KIPATDAN: 

Inn alah nuam kisalou, painading dang lah kineilou ahichieng in ken zong ka lawmpa bawlbang in kenjong sign kagiel a, setan kung ah thumna kaneita hi. Khumbep in power kahing nei a, nuam kasa mama hi. Khum hunlai (2004) in Lamka ah Setan a kithoina chite akithei naisih a, mi 3 maimai kahi uhi. Lamka a midang a umding vang theising.

Hichibang a kabawl jel jieh un, ka lungtang uah hagau sienglou ahing teengta hi. Kapat chiillai un ka ut hunhun un kabia ua, hinanleh ahing sawt deudeu leh kasung ua hagau sienglou in ahing control ta hi. Kithoina(sacrifice) hunding leh munding ahing hiljel hi. Kahing tam deudeu un meeng (cat) leh ahsi(star) tungtawn in ka kihou jel uhi. Ka power utoh meeng kasawl uleh ka member pite kung ah ava pai a, lekha ava lawkhia ei ahilouleh memberte’n meeng mittang ana etchieng un ahun ding leh amun ding athei jel uhi. Abultung lai in ganhing sisan in kaki thoijel ua, hinanleh ahing sawt deudeu phet in kouma sisan angaita hi.

KA KITHOI DAN UH: 

Atangpi in havaah nuoi jan nai 12 vel in ka kithoi uhi. Ka kithoiding chieng un circle in kading ua, ka khutngawng (wrist) uh ka atkeeh ua, heengkuang khat ah ka sisan uh ka kholkhawm uhi. A leader pan ama sisan a sunjou chieng in phui ahing sam a, kithoina mun ah athee thaang hi. Khumjou chieng in ka biehpa uh Setan khu mihing bang in ahing kilang hi. A meel ahoi mama a, pasal ahi. Ka kithoi kia ding chieng un khut at ngainawnlou in, sisan bawm kakhut ngawng ua kadaw uleh sisan ahing pawt mai a, amathu in adam jel mai hi. Ka kithoijou chieng un Setan in ahing vangbuah a, POWER HOILOU ahing pia hi. Power ahing piehte genda maivai, a selam a mang umthei va uteh. Setan in ahing vangbuohjou chieng in zudawn, khamthei kikap/atang neeh leh numei-pasal kipawlthangna kaha bawl mama uhi. Khum khu hanmual maimai a bawlthei ahisih a, inn ajong kabawl uhi. Nang zi – nang ta chi umlou in, a ut-ut in a ut-ut a luppi mai hi. A thanghuoi mama chilou gending katheisih hi. Tualeh kabiehpa uh Setan injong ka member numei siengthou (first timers) uh a luppi jel hi. Tambang a umjieh a naupai a umleh anau khu kithoina in kanei jel uhi. Khumjieh in khat veivei lamka ah naungeeh sisa namu jel uhi.

KA MEMBER PIHTE: 

Tulai in Lamka ah member katam mama uhi. Setan biajong a gilou pawl leh a hoideu pawl ka um ua, kei a gilou penpente lah a leader kahi. Ka memberte anaupangpen kum 8 bang ahi. Tu-le-tu in Lamka khosung ah group 10 vel ka um ua, member 2000 vel bang umding in ka gingta hi. Manipur pumpi ah group 50 bang phading in ka gingta hi. Ka memberte lah uah hattuam a Upa, mahajon hausa tahtah, lekhasiam tahtah, college leh high school naupang, inn nupi leh papi atam mama hi. Khosung a mihoi mama nachite ujong ka member uh atam a, tualeh na gingtatlou uh nungah teirol zong atam mama hi. Khenkhat koukung a hingpanglou hinanleh setan kung a kithoi a um hi. Khumte lah ah reverendte leh officer lien tahtahte jong apang a um hi. Tualeh satanic hinailou, hagau hoilou in ajui tampi a um hi. Phattuomna sang a sietna atunding jieh in ka lamkaite hi in member dangte min kagen utsih hi. Na hing theisiem uh kang ngen hi.

Member katam nading un mi kahem jel uhi. Amasa’n kalawm bawl ua, a innsung ua buaina leh lungkhamna ahing tuah chieng un, numei ahileh numei ma kasawl ua, khamthei lam ah kaheilut uhi. Khamthei bawllou member nempitah zong kanei uhi. Atangpi in innsung hoilou (broken family) apat ngen ahideu uhi. Khenkhat ikhristian biehna paidan a hagau umlou chi a hinglut zong a um veve hi. Tualeh khenkhat Korea pai utjieh, exam a pass utjieh, sum deijieh, leitung a ahinkhuo uh ning kiteljieh etc in ahing lut uhi. Mijawl nading in khamthei leh sex kaha jah pen uhi.

KI VAIPUOH DAN: 

Kaki vaipuoh dan uh atuom mama hi. Group khat in lamkai King leh Queen akinei a, anuoi ah leader a um a, tualeh member leh missionaryte ahi uhi. Ka group leaderte uh atamzaw training ding a Manipur pawlam a apotdoh laitah uh ahi. Tulai in Manipur Zone 6 in aki khen hi.

1. Lanva lui apat abanlam leh waterfall area lamteng
2. Thangching taang area
3. Khobon area (silchar toh gamgi lam)
4. Chandel/Sugnu area
5. Saidan tang nunglam area
6. Dam area leh lamka town area.

Setan biehdan leh Pasian biehdan in kibahlouna tampi anei hi. Kou Setan kabieh chieng un sisan suo angai sese hi. Tualeh sacrifice bawljou chieng a athanghuoi tah a hinkho man ukhu ahi. Hun tomnou khat kipah nanlei, hamuonna akinei sih hi. Sawt ibieh deudeu chieng in kipana a umsih deudeu a, eima hinkhuo aki ning hi. Setan in adeipen shiding ahi jieh in, isi nading lampi ngentang ah ahing paipi hi. Tualeh ilungsim a sia-le-pha theina khat apil kiaukuau hi.

HAGAU KIDOUNA AHI: 

Tambang setan biehna khu thagum a khaamkhawl theiding ahisih hi. Min ahing hawl chieng in theina khat akinei a, kihem mang mansih leizong ahing mulou ding ua umtheina power akinei hi. Sat-le-gawt a phading ahisih a, delmang ding inzong itheilou atam mama jieh in ahithei sih ding hi. Koima ameelput, a kicheidan leh a hamdan apat Setan bie chi akithei sih ding hi. Keijong Setan biehna lam a LEADER kahi vang in,Bieh inn hoitah a kai gige khat leh inn a mi thumang mama khat kahi. Tualeh, tulai a hanmual a kithoite zong aki pantha pan ahi uhi. A dihtahte kithoi chiengin koiman ahing manjou sih ding a, ahing mujou sih ding uhi. A lampi umsun a kathei ahileh ita-leh-naute kepching a, Pasian kung a kilat gige ding ahi. Thumna leh Bible loungal adang adouna ding kathei sih hi.

LAMKA MABAAN DING: 

Tulai in Lamka ah GUULPI POWER hatna nuoi ahi a, hinanleh DRAGON POWER kichi khat Lamkate’n ahaan/sam uhi. Tualeh tunai mama in Mizoram apatsa’n King leh Queen, Setan power hattah nei mi Lamkate ngetna dungjui in ahing lut uhi. Lamka a kithoina bawl atamzawte dei SHITHEILOUNA ahi. Kabieh uh Setan in kou sisan maimai ahawmthawta a, naupang sisan adeita hi. Shitheilouna vang musih va un, hinanleh mihing sisan toh akithoi pouma uleh Lamka abuoiding hi. Na taneute uh hoitah in ana kem un, kithoina ding in ahing kithasah ding hi. Mipil-misiem tampi um ahijieh un, tamten igam ah thuneina hingtang leh igam ngaingam ahuoisih ding hi. Atup uleh angiim thupipen uh- khanglaite suhsiet deudeu ding in, khamthei leh sex a pui ding, hattuam suhsiet ding, mishi tamsah deudeu ding, ki-itna leh kingainatna tawmsah deudeu ding chi ahi. Hattuam ah ahing lutpanta uhi, adou ding dan ana siemmai vai. Hagau lam kidouna ahijieh in Bible ma pansan a nei in, thumna toh Pasian thahatna muongin dou vai. Ahilou leh igam a sietna hingtung ding ngaingam ahisih ding hi.

THUCHAH: 

Ken aphattuamlou dan kathei in Pastor leh thummi pawlkhat panpina toh ka hinna, ka hagau leh ka tahsa bangkim Pasian khut ah October 2011 in ka pekheta hi. Tu a ka target ahileh kalawi-kagualte atamthei pen Pasian hing lam a puilut ding ahi. Hinanleh a ngaituana uh dawi mangpa’n a control jieh in a hamsa mama hi. A ut hun uh minute 1 le 2 sungkhel ahisih a, adangteng ama uh utna hitalou in Setan controlna nuai ah ahingta uhi.

“My dear friends please come to the Almighty God and find eternal peace. He is the only One who can give you what you are searching for. I searched for peace, riches, power and wealth by practicing satanic sacrifices like you all does now and I am not proud to be one of the pioneer in that field. If you happen to read this appeal, please come to God. For He is ready and just to forgive our sins. I also appeal to all to help us free my friends who are still in the clutch of Satan. I am forming a group called PENIEL GROUP. If anybody is interested to help us in the fight, please let us know through the writer of this article. Thank you all”.

(Based on the interview with an ex-satanic worship practitioner leader who had accepted Jesus Christ as his Savior and Redeemer)