AN SEP BANGIN HONG KISEP LAITAK

AN SEP BANGIN HONG KISEP LAITAK
Nisim Manna

Bulphuh: Tua ciangin Topa in, "Simon, Simon aw! En in, Satan in an sep bangin nang hong sepkhia nuamin hong sawn hi. Ahih hangin na upna na khahsuahloh na ding thu kong ngetsak zo hi. Kei lamah nong kilehkik ciangin na sanggamte na hanthawn in," a ci hi. Luka 22:31&332 (ZSV)

Hih thu pen Jesu leh a nungzuite in nekkhawmna nunung a bawlna ah Piter in amah a nial ding thu Jesu'n a genna ahi hi. Hih munah theih dinga kisam thu thum om hi:

1) 𝙎𝙖𝙩𝙖𝙣 𝙞𝙣 𝙖𝙣 𝙨𝙚𝙥 𝙗𝙖𝙣𝙜𝙞𝙣 𝙝𝙤𝙣𝙜 𝙨𝙚𝙥𝙠𝙝𝙞𝙖 𝙣𝙪𝙖𝙢𝙞𝙣 𝙝𝙤𝙣𝙜 𝙨𝙖𝙬𝙢 𝙝𝙞: An a kisep ciangin a vaite a kisepkhiat bangin Satan in ama nasepna a nawngkai sak thei dingte tungah khemna, ze-etna tuamtuam tawh Jesu zuihna panin sepkhiat hong sawm tawntung hi. Tua manin Satan thang-ah i awkkhak lohna dingin pilvang mahmah ni. 

2) 𝙐𝙥𝙣𝙖 𝙞 𝙠𝙝𝙖𝙠𝙨𝙪𝙖𝙝 𝙡𝙤𝙝 𝙣𝙖𝙙𝙞𝙣𝙜 𝙏𝙤𝙥𝙖'𝙣 𝙩𝙝𝙪 𝙝𝙤𝙣𝙜 𝙣𝙜𝙚𝙩𝙨𝙖𝙠: Jesu nungzuite adingin a tha-ngahhuai mahmah in Satan in an sep bangin hong sepkhiat sawmin khemna leh ze-etna tuamtuam i tuah laitak i Topa in i nawk zawhna ding thu hong ngetsak hi. Tua manin i Topa tha tawh kizo ding hi cih i mangngilh het loh ding ahi hi. 

3) 𝙈𝙞𝙙𝙖𝙣𝙜𝙩𝙚 𝙝𝙖𝙣𝙩𝙝𝙖𝙬𝙣 𝙙𝙞𝙣𝙜: Satan in an sep bangin hong sepkhia nuamin khemna leh ze-etna tuamtuam tawh hong bawlna tungah i Topa min tawh gualzawhna i ngah ciang, tua i tuahkhak thute tungtawnin midangte hanthawn-a, teci a pang dingin i Topa in hong deih in hong lamen hi. Ei tungtawnin midangte in zong Satan tungah gualzawhna a ngah ding i Topa in deih hi. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐒𝐚𝐭𝐚𝐧 𝐢𝐧 𝐚𝐧 𝐬𝐞𝐩 𝐛𝐚𝐧𝐠𝐢𝐧 𝐡𝐨𝐧𝐠 𝐬𝐞𝐩 𝐥𝐚𝐢𝐭𝐚𝐤 𝐤𝐚 𝐮𝐩𝐧𝐚 𝐤𝐡𝐚𝐡𝐬𝐮𝐚𝐡 𝐥𝐨-𝐢𝐧 𝐧𝐚𝐧𝐠𝐦𝐚 𝐦𝐢𝐧 𝐭𝐚𝐰𝐡 𝐤𝐚 𝐧𝐚𝐰𝐤 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!