Leitung a Gal Lian Pen
𝐁𝐮𝐥𝐩𝐡𝐮𝐡: "𝙽𝚊𝚗𝚐𝚖𝚊 𝚝𝚞𝚗𝚐 𝚖𝚊𝚑𝚖𝚊𝚑-𝚊𝚑 𝚔𝚑𝚒𝚊𝚕-𝚒𝚗, 𝚗𝚊 𝚖𝚞𝚑𝚗𝚊-𝚊𝚑 𝚊 𝚜𝚒𝚊 𝚔𝚊 𝚐𝚊𝚖𝚝𝚊 𝚔𝚑𝚒𝚗 𝚑𝚒. 𝚃𝚞𝚊 𝚊𝚑𝚒𝚑 𝚌𝚒𝚊𝚗𝚐𝚒𝚗 𝚗𝚊 𝚝𝚑𝚞 𝚐𝚎𝚗𝚗𝚊 𝚊𝚑 𝚗𝚊𝚗𝚐 𝚗𝚊 𝚝𝚊𝚗𝚐 𝚊, 𝚝𝚑𝚞 𝚗𝚘𝚗𝚐 𝚔𝚑𝚎𝚗𝚗𝚊-𝚊𝚑 𝚙𝚊𝚞𝚗𝚊 𝚍𝚒𝚗𝚐 𝚋𝚊𝚗𝚐𝚖𝚊𝚑 𝚘𝚖𝚕𝚘 𝚑𝚒. " 𝙻𝚊𝚝𝚎 51:4
David in a tuucinna ah humpinelkai ahi a, vompi ahi zongin a khut bek tawh a that zo pa hi. Hih khangno David mah in a lian mahmah Goliath kuamah in a ngaplohpa zo hi. Galdo dingin a kuan nak leh zawhloh a neilopa hinapi amah kizo lo hi! David pen gamsa lauhuai hi-in a galte in a thah zawhlohpa hinapi ama lungsim ki-uk zawhlohna in lungkhamna lianpi piangsak hi. Hih thu pen David bek hilo in mi khempeuh tungah zong maan hi. Tuni a leitung pumpi a pulnatna khat ahih leh eimahmah pen i gal ahih lam kiphawklohna ahi hi. Mi tampi in a buaina pen uh na' tuamtuam ahih kei leh mi tuamtuam ngawh thei uh a, a taktakin a buaina pen amau hang mah ahi hi. A taktakin eimahmah in lungsim khensatna kinei-in a kigamta hizaw hi. Tua manin i buaina pen midangte hang hilo in eima thukhensatna hang hizaw hi.
David tungtawn in sin ding i nei hi. David ahih leh kiniamkhiat-in a mawhna kiphawk hi. David in kuamah ngawh lo-in, amahmah kimawhsak hi. Amahmah Pasian lamah hong tai ciangin maisakna ngah hi. Pasian kiangah a tai mite a milui ngeina uh bei-in, mithak ngeina nei ta uh hi (2 Kor. 5:17). Mithak ngeina tawh na nuntak nop-a, leitunga gal lianpen na zawh nop leh Pasian kiangah tai in.
𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐥𝐞𝐢𝐭𝐮𝐧𝐠𝐚 𝐠𝐚𝐥 𝐥𝐢𝐚𝐧𝐩𝐞𝐧 𝐤𝐞𝐢𝐦𝐚 𝐦𝐢𝐦𝐚𝐥 𝐥𝐮𝐧𝐠𝐬𝐢𝐦 𝐤𝐚 𝐤𝐢-𝐮𝐤 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐡𝐨𝐧𝐠 𝐡𝐮𝐡 𝐢𝐧. 𝐉𝐞𝐬𝐮 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!
No comments