THAHATKIKNA NA KISAM HIAM?

THAHATKIKNA NA KISAM HIAM?

THAHATKIKNA NA KISAM HIAM?

Nisim Manna

𝐁𝐮𝐥𝐩𝐡𝐮𝐡: "Khangnote nangawn gim-in tawl ding a, khanglai mite a tha uh bei ding hi. Ahih hangin Topa a muang mite a tha uh dimkik ding a, muvanlai bangin kha tawh leengto-in, amaute tai napi un tawl lo ding uh a, amaute lampai napi  un gimlo ding uh hi." Isai 40:30 &31.

Hih leitung netcipna panin kuamah a tangdin zo omlo ding hi. Pasian in mihingte eibek a tangdin dingin hong bawl hilo a, ama tungah kinga dinga hong bawlte ihi hi (Jer.10:23). Tua manin Pasian kihello a nasep khatpeuh zong a mawkna ahihna i thei hi (Late 127:1). Tua bang lakah a lungdam huai thu-in i nisim nuntakna Pasian tungah nga lehang Satan in i lampi ah haksatna tuamtuam hong koihsakte tungah i kalsuan thei ding hi. I Lai Siangtho bulphuh ah Topa a 𝙢𝙪𝙖𝙣𝙜 kici pen a paubul ah a gennop pen 𝙪𝙥𝙣𝙖 hi. Tua in Topa i upna tungtawn in eite in thahatkikna a kingah thei ahi hi. 

Tua hi-a eite in khalam ah thahatna i ngah theihna dingin a kisam pen in upna ahi hi. Tua upna pen Pasian in a thu tungtawn in hong piak ahi hi (Rom 10:17). Jeremiah in, "Amah a muang khempeuh adingin Topa hoih hi," (Kahla 3:25) naci a, Amos in, "Kei hong zong un, tua hileh na nungta ding uh hi," (Amos 5:4) naci in, Jesu in, "Zong un, na zon uh leh na mu ding uh hi," (Matt.7:7) naci hi. Tua mani tuni in lungsim takpi tawh Topa zong ni (Jer.29:13), tua Topa in hong thahat sak ding hi.

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐚𝐧𝐠𝐦𝐚 𝐭𝐮𝐧𝐠𝐚𝐡 𝐧𝐢𝐬𝐢𝐦 𝐢𝐧 𝐤𝐨𝐧𝐠 𝐤𝐢𝐧𝐠𝐚𝐤 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









No comments

Powered by Blogger.