TOPA MAH THU DONGZAW NI

TOPA MAH THU DONGZAW NI
Nisim Manna

𝘽𝙪𝙡𝙥𝙝𝙪𝙝: "𝘼𝙢𝙖𝙪𝙩𝙚 𝙞𝙣, 𝙥𝙝𝙪𝙣 𝙨𝙪𝙖𝙪-𝙨𝙪𝙖𝙪-𝙞𝙣 𝙖 𝙥𝙖𝙪 𝙢𝙪𝙖𝙡𝙢𝙪𝙖𝙡 𝙫𝙖𝙣𝙠𝙖𝙝 𝙩𝙝𝙚𝙞𝙩𝙚 𝙡𝙚𝙝 𝙖𝙞𝙨𝙖𝙣 𝙩𝙝𝙚𝙞𝙩𝙚 𝙠𝙞𝙖𝙣𝙜𝙖𝙝 𝙩𝙝𝙪 𝙙𝙤𝙣𝙜 𝙪𝙣. 𝙈𝙞𝙝𝙞𝙣𝙜𝙩𝙚' 𝙩𝙝𝙪 𝙥𝙚𝙣 𝙢𝙞𝙨𝙞𝙩𝙚 𝙙𝙤𝙩 𝙙𝙞𝙣𝙜 𝙢𝙖𝙝 𝙝𝙞𝙡𝙤 𝙖𝙝𝙞 𝙝𝙞𝙖𝙢?" 𝙝𝙤𝙣𝙜 𝙘𝙞 𝙙𝙞𝙣𝙜 𝙪𝙝 𝙝𝙞. 𝙏𝙤𝙥𝙖 𝙞𝙣 𝙣𝙤𝙩𝙚 𝙝𝙤𝙣𝙜 𝙝𝙞𝙡𝙝 𝙩𝙝𝙪𝙩𝙚 𝙣𝙜𝙖𝙞 𝙪𝙣. 𝘼𝙞𝙨𝙖𝙣𝙩𝙚 𝙩𝙝𝙪 𝙣𝙜𝙖𝙞 𝙠𝙚𝙞 𝙪𝙣..... 𝙖 𝙩𝙝𝙪𝙜𝙚𝙣𝙩𝙚 𝙪𝙝 𝙖 𝙠𝙞𝙢𝙖𝙣𝙣𝙖 𝙤𝙢𝙡𝙤 𝙝𝙞, 𝙘𝙞-𝙞𝙣 𝙙𝙖𝙬𝙣𝙜 𝙪𝙣. 𝙄𝙨𝙖𝙞𝙖𝙝 8:19&20

Khristiante lakah zong horoscope, khutlam etna, aisan theite cih bang muangin a um ki-om lai hi. Hihte pen mawhna ahih banah zong lauhuai hi. Pasian in Isaiah kiangah amah (Pasian) cihloh na dang khatpeuh muangin tuate tungah a kingate pilhuai lo ahihna na gen hi. Tua manin i Lai Siangtho bulphuh ah vankah theite leh aisan theite pen a phun suau-suau-in a pau mualmualte' ci-in a muantaklohna uh kiciamteh hi. Tuate sangin Topa hong hilh thute tungah upna leh muanna i ngak ding hong kihilh hi. 

Mihingte'n mailam hun ding kithei nuam a, a taktak in Pasian in i mailam hun ding hong theihsak loh pen ei adingin a hoihzaw hi gige hi. Pasian in hong theihsakloh pen amah tungah i kingak ding a deihna zong ahi hi. Bang hang hiam cih leh Pasian pen a theihna kicing a, na khempeuh thei hi (1Jn.3:20). Tua manin tuni in na dangte khempeuh sangin Topa mah muang-in amah tungah i theihnopte dongzaw dingin ki-ap ni. Bang hang hiam cih leh ama hong gente thumaan hi a, a gen bangin tangtung takpi hi. Topa mah dong tangtang ni. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐤𝐚 𝐦𝐚𝐢𝐥𝐚𝐦 𝐡𝐮𝐧 𝐝𝐢𝐧𝐠 𝐧𝐚 𝐤𝐡𝐮𝐭 𝐬𝐮𝐧𝐠𝐚𝐡 𝐨𝐦 𝐚𝐡𝐢𝐡 𝐦𝐚𝐧𝐢𝐧 𝐧𝐚𝐧𝐠𝐦𝐚 𝐭𝐮𝐧𝐠𝐚𝐡 𝐭𝐡𝐮 𝐤𝐨𝐧𝐠 𝐝𝐨𝐭 𝐭𝐚𝐧𝐠𝐭𝐚𝐧𝐠 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!