NA IDOL BANG HI HIAM?

NA IDOL BANG HI HIAM?
Nisim Manna 

𝘽𝙪𝙡𝙥𝙝𝙪𝙝: 𝙏𝙪𝙖 𝙖𝙝𝙞𝙝 𝙘𝙞𝙖𝙣𝙜𝙞𝙣 𝙣𝙤𝙩𝙚 𝙝𝙤𝙞𝙝 𝙩𝙖𝙠𝙞𝙣 𝙠𝙞𝙙𝙖𝙬𝙢 𝙪𝙣..... 𝙣𝙤𝙩𝙚 𝙖𝙙𝙞𝙣𝙜𝙞𝙣 𝙡𝙞𝙢 𝙠𝙝𝙖𝙩 𝙥𝙚𝙪𝙝𝙥𝙚𝙪𝙝.... 𝙖 𝙠𝙞𝙨𝙚𝙚𝙠 𝙢𝙞𝙡𝙞𝙢 𝙗𝙖𝙬𝙡𝙣𝙖 𝙩𝙖𝙬𝙝 𝙖 𝙨𝙞𝙖-𝙞𝙣 𝙣𝙖 𝙜𝙖𝙢𝙩𝙖𝙩 𝙠𝙝𝙖𝙠 𝙡𝙤𝙝𝙣𝙖 𝙙𝙞𝙣𝙜𝙪𝙣 𝙠𝙞𝙙𝙖𝙬𝙢 𝙪𝙣. 𝙏𝙝𝙪𝙝𝙞𝙡𝙝𝙠𝙞𝙠𝙣𝙖 4:15-18

Hih thu pen Pasian in Moses tungtawnin a mite in milim biak loh ding thu a hilhkholhna ahi hi. Milim biakna i gen ciangin bawltawm milim mai-ah kun a biakna in i koih a, ei tawh kisai kei zong ci kha ding hihang. Milim (idol) i cih bang hi hiam i cih leh Pasian sangin na dang khatpeuh, mi khatpeuh thupi sak zawkna ahi hi. Tua ahih leh Pasian sangin i nuntakna ah manpha i sakpen, i lungsim hong la pen ei adingin i milim (idol) cihna ahi hi. 

Tua bang ahih leh tuhun adingin Khristiante lakah milim(idol) nei ihihna bangci kitheih ding hiam cih leh ei leh ei i kidot ding lite(4) in:(1) Ka hun tamzaw koi-ah ka zang hiam? (2) Ka sumte bang lamah ka zang hiam? (3) Nuam ka sak pen bang hihiam? (4) Ka lungsim ah bang ka ngaihsun tam pen hiam? Hih dotnate na kidawnna ah Pasian cihloh na dang, midang in a luah leh tua pen nang adingin na milim(idol) cihna ahi hi. 

I Lai Siangtho ah Pasian in amah bek biak ding, amah bek a thupi pen, amasa pen ah koih tawntung dingin hong hilh hi. Tua manin tuni-in na hihna bangbang tawh Topa bekmah a lianpen, a thupi penin na koih theihna dingin ki-ap in. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐚𝐧𝐠 𝐛𝐞𝐤 𝐦𝐚𝐡 𝐤𝐚 𝐥𝐮𝐧𝐠𝐬𝐢𝐦 𝐚𝐡 𝐚 𝐥𝐢𝐚𝐧𝐩𝐞𝐧 𝐢𝐧 𝐤𝐨𝐧𝐠 𝐤𝐨𝐢𝐡 𝐭𝐚𝐰𝐧𝐭𝐮𝐧𝐠 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!