Hun nukhia silte zilna: Daniel mengmu Hapta 70 te
WAY2GOD
Thuhunlui sung a, apoimaw mama Khrist Jesu tungtang leh ang peimasang a siltung dingte chiantah a genlawhna tam Daniel bung 9 na ah imuthei uhi. Tampen Jesu hing pei masang a Israelte tung a bang siltung ding e chi genna zong ahi. Tuaziahin Daniel in Israelte gitlouna ziahin Pasian maipha asui a thumsahna/thungetsahna/ngaidamngetsahna toh ma apan hi. Tualaitah in vansawltaah, Gabriel, in Daniel kung ah Israelte mabaan ding (mailam a asiltuah ding te uh) mengmuna tungtawn in ahilta hi.
Hapta 70 te kikhennen dan
Chang 24 na in tambang in a gen hi. Amipiih Israelte leh Jerusalem khopi a ding in hapta 70 sekhiatsah/guatlawhsah ahita hi chi imuthei hi. Tam hapta 70 pen sethum in akhennenthei a, tuate ahi leh hapta 7, hapta 62, leh hapta 7 ahi. Hapta masa leh nina (hapta 7 + hapta 62 = hapta 69) gom in hapta 69 apha hi. Tam hapta 69 pen Persia lengte lah a khat, leng Artaxerxes in Nehemiah kung a Jerusalem tunding ding toh kisai a, in hapta 69 abeichet a zong atangtungta hi. Theidia poimaw khat ahi leh hapta 1 khu kum 7 ahi a, tualeh kum khat khu ni 360 a sim ahi (ni 365 chia simlou ding ahi). Aziahpen Israel te kum sim dan in kum 1 khu ni 360 ahi.
Athupiah apat Jesu ki pampai tandong
Jerusalem tundin kia na ding a thupot/thupiahna 4 apha hi
1). Thupiah masa, Cyrus 538 BCE (2 Chr.36:22-23; Ezra 1:1-4; 6:1-5)
2). Thupiah nina, Darius in Cyrus thupia a namdet (Ezra 6:6-12).
3). Thupiah thumna, Artaxerxes (Ezra 7:11-26).
4). Thupiah lina, Artaxerxes in Nehemiah thupia 445 B.C (see Neh. 2:1-8).
Tam bang thupia lite lah a Atopna pa Artaxerxes thupia apat Jesu kipampaitan (Jerusalem thupitah a alut ni in nual in a um hi, tuani khu a kipampai ni ahi - theisiam thei na din Palm Sunday Ni) in hapta 69 abeita hi. Tuazou ni 5 vel zou in akipampaina muthei in cross dawn ah i gitlouna teng puah in ang sita hi.
1). Thupiah masa, Cyrus 538 BCE (2 Chr.36:22-23; Ezra 1:1-4; 6:1-5)
2). Thupiah nina, Darius in Cyrus thupia a namdet (Ezra 6:6-12).
3). Thupiah thumna, Artaxerxes (Ezra 7:11-26).
4). Thupiah lina, Artaxerxes in Nehemiah thupia 445 B.C (see Neh. 2:1-8).
Tam bang thupia lite lah a Atopna pa Artaxerxes thupia apat Jesu kipampaitan (Jerusalem thupitah a alut ni in nual in a um hi, tuani khu a kipampai ni ahi - theisiam thei na din Palm Sunday Ni) in hapta 69 abeita hi. Tuazou ni 5 vel zou in akipampaina muthei in cross dawn ah i gitlouna teng puah in ang sita hi.
Israelte kum sim dan
Israel ten kumkhat (1 year = 360 days) khu ni 360 chin a sim uhi.
Tam mangmuna in a siltupte ahi leh hip-guh in a hip thei ding hi. Tuate ahileh chang 24 na in agen bang in 1) “Tawnkhelna suhbeina ding in” 2) “Khelnate tawpna bawl na dingin,” 3) “gitlouna ziah a kilepna bolna dingin,” 4) “Kumtawn dihtatna laahlutna dingin,” 5) “Mengmuna leh genlawhna khakhumna ding in,” and 6) “Mun siangthoupen sathau nuna ding in.” chi teng ahi.
Tambang siltupte ahoithei mama hi, aziahpen a hoiloulam teng beisah a, ahoilam teng tunding ding ahiziahin, Tuathamlou in tu in zong a tangtung a umta a tuate ahi leh, iMangpa Jesu'n ang it zaal in i mawna teng pua in Cross ah ang sawpsiangta hi (Rom.3:25; Heb.2:17) thamlouin mailam hun ah zong atahtah a tangtung nalai ding a um ziah in i ngaahla uhi.
Hapta 70 te lah a atawpna pen
Hapta 70 te pen sethum suah seni masate a tangtung ta a, tu'n sethumna, hapta tawpna pen (hapta 1) tangtung ngeingei nalai ding ahi. Tampen ang tangtun hun ding ahi leh vaan a Pa Pasian chouh in athei hi. Hinanleh eihil/eimusah dan in misiangthoute khopkhawm hunhun khu (Rapture) hapta topna (70th week) kipat hun ahi mai ding hi. Tam hun pen tribulation period (7 years) zong akichi hi. Tu'n eite pen Jesu kipampai kum apat gingtute ang ki khopkhawm hunhun (tribulation kipat tan) masang a hing leh damnalai te ihi uhi. tam hun pen "Pasian hepina hun" "Hattuam hun" zong akichi hi.
Daniel mengmunate ziahin Antichrist khu koi ahiai, bangchibang a gamtang ding ahiai chi itheikhethei uhi. Aziahpen chang 27 na in tambangin a gen hi, "Tualeh aman mi tampite toh thuhun kiptah hapta khat sunga ding a bawl ding a, tualeh hapta kimlai ah atawpsah ding hi" achi dungzui in Antichrist kichi pa in kum 7 (Jacob gimthuah hun) kum thum leh a kim achin chiang in ama leh ama Pasian bang a ki bawl in um van tua hun chiang in Israel toh akizopna uh atansah ta ding a, tuzoutah chaing in 666 ang hawmpanta ding a, ala utloute tung ah hiamngam tah in agamtang ding hi. Tam hun pen ahuaisiat ding dan leitung a sil ana tungkhate toh tekaah gual ahi sih hi.
Kithoina leh sillat
Tam pen Jerusalem temple thumna kilam zou a kithoina umkia ding leh
akisuhbei ding magenlawhna ahi. Jerusalem temple (first temple – Solomon
hunlai in, 957 BCE vel a lamzo ahi tualeh Solomon temple zong akichi hi.
Tampen 586 BCE kum a ki susia ahi; Tualeh second temple pen 516 BCE kum a
kilam zou ahi a, AD 70 kum a Rome ten asuhsiat uh ahi. Daniel’s hunlai ahi
a, 586 BCE kum a ki susia ahi) tam Jerusalem temple nina pen AD 70 a
suhsiat ahita hi. Tuabaan ah Temple thumna pen Jacob gimthuana hun sung a
zatman ding ahiziah in Rapture masang or Rapture zou vel ah a kilamtha kia
ding hi. Aziahpen antichrist in kithoinate a khawlsah ding ahiziah in -
Daniel 9:27.
Thukhupsitna
Daniel hapta 70 te ahi leh ledohdan tuamtuam in akiletdoh a, hinanleh tuni'n eiten dispensational leh pre-millennial view te paidan, eite pomdan zong ahi ziahin tuabang in iletdoh uhi. iMangpa a thupina toh eite pui ding a ang kilat hun ding ingaahla uhi (1 Thes. 4:13-18). Tam khu Rapture hun akichi a, Pasian in pha asat leh akiah chiangin tam Rapture tungtang gen va ui.
Simtu tengteng Mangpan theisiamna hing pechiat ta hen.
No comments