NANG ZAA'(RANK) BANG HIAM?

NANG ZAA'(RANK) BANG HIAM?

NANG ZAA'(RANK) BANG HIAM?

Nisim Manna 


𝘽𝙪𝙡𝙥𝙝𝙪𝙝: 𝙏𝙪𝙖 𝙘𝙞𝙖𝙣𝙜𝙞𝙣 𝙎𝙖𝙢𝙪𝙚𝙡 𝙞𝙣," 𝙏𝙤𝙥𝙖 𝙞𝙣 𝙢𝙚𝙞𝙝𝙖𝙡 𝙗𝙞𝙖𝙠𝙣𝙖𝙩𝙚 𝙡𝙚𝙝 𝙗𝙞𝙖𝙠 𝙥𝙞𝙖𝙠𝙣𝙖𝙩𝙚, 𝙏𝙤𝙥𝙖' 𝙩𝙝𝙪 𝙢𝙖𝙣 𝙙𝙞𝙣𝙜 𝙯𝙖𝙝𝙞𝙣 𝙙𝙚𝙞𝙝 𝙖𝙝𝙞 𝙝𝙞𝙖𝙢? 𝙀𝙣 𝙞𝙣, 𝙗𝙞𝙖𝙠 𝙥𝙞𝙖𝙠𝙣𝙖 𝙨𝙖𝙣𝙜𝙞𝙣 𝙩𝙝𝙪 𝙢𝙖𝙣' 𝙙𝙞𝙣𝙜 𝙝𝙤𝙞𝙝 𝙯𝙖𝙬 𝙖, 𝙩𝙪𝙪𝙩𝙖𝙡 𝙩𝙝𝙖𝙪𝙩𝙚 𝙨𝙖𝙣𝙜𝙞𝙣 𝙩𝙝𝙪 𝙣𝙜𝙖𝙞𝙝 𝙙𝙞𝙣𝙜 𝙝𝙤𝙞𝙝 𝙯𝙖𝙬 𝙝𝙞. 𝙎𝙖𝙢𝙪𝙚𝙡 𝙈𝙖𝙨𝙖 15:22

Topa in kumpi Sawl kiangah Amalek mite va do-a, mihing hi-in ganhingte hita leh khat zong siit lo-in that khin dingin thupia-a (v.2&3), ahi zongin Sawl in tua bangin zuilo hi! A galdona pan Sawl hong ciah ciangin Samuel in na dawn-a, ganhing a hamna za ahih manin Sawl kiangah tua a zak ganhing a hamte dong hi. Tua ciangin Sawl in tua aham gante pen Topa tungah biak piakna dingin ganhing limci pente ciahpih ahih thu gen hi. Tua ciangin Samuel in Sawl kiangah biakpiakna sangin thu man ding hoih zaw ahih thu na gen hi. 

Tuni in eite adingin Pasian pen i 'Galkap Mangpa' ahi hi. Galkap Mangpa in ama nuai-ate tungah thu a piak ciangin, tua a thupiaknate in amau hoihsak bangin tua Galkap Mangpa' thupiak mawk khek theih hilo hi. Galkap Mangpa in a thupiaknate pen deihna om a thupiak hi-a, amah leh amah a kigentel kisam lo a, a nuai a omte in thumang takin a sepkhiat ding ahi hi. Ahi zongin Sawl in a gamtatna tawh Pasian sangin a zaa' lianzaw bangin kikoih hi! Tua manin Pasian a tungah hehin a kumpi hihna nolh hi. Tuni in nang zong Sawl khialh bangin na khialh lohna dingin Galkap Mangpa' thupiak bangbang semkhia a zui dingin ki-ap in. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐛𝐢𝐚𝐤𝐩𝐢𝐚𝐤𝐧𝐚 𝐬𝐚𝐧𝐠𝐢𝐧 𝐧𝐚𝐧𝐠𝐦𝐚 𝐭𝐡𝐮' 𝐦𝐚𝐧 𝐝𝐢𝐧𝐠 𝐝𝐞𝐢𝐡 𝐳𝐚𝐰 𝐧𝐚 𝐡𝐢𝐡𝐧𝐚 𝐭𝐡𝐞𝐢 𝐚, 𝐧𝐚𝐧𝐠𝐦𝐚 𝐭𝐡𝐮 𝐭𝐚𝐰𝐡 𝐤𝐢𝐭𝐮𝐚𝐤𝐢𝐧 𝐤𝐚 𝐧𝐮𝐧𝐭𝐚𝐤 𝐳𝐚𝐰𝐡 𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









No comments

Powered by Blogger.