PASIAN IN HONG THEI MAH HI!

PASIAN IN HONG THEI MAH HI!
Nisim Manna

𝘽𝙪𝙡𝙥𝙝𝙪𝙝: 𝙋𝙖𝙨𝙞𝙖𝙣 𝙞𝙣 𝙖𝙢𝙖𝙪' 𝙩𝙝𝙪𝙢𝙣𝙖 𝙯𝙖-𝙞𝙣, 𝙋𝙖𝙨𝙞𝙖𝙣 𝙞𝙣 𝘼𝙗𝙧𝙖𝙝𝙖𝙢, 𝙄𝙨𝙖𝙖𝙠 𝙡𝙚𝙝 𝙅𝙖𝙠𝙤𝙗 𝙩𝙖𝙬𝙝 𝙖 𝙩𝙝𝙪𝙘𝙞𝙖𝙢𝙣𝙖 𝙥𝙝𝙖𝙬𝙠 𝙝𝙞. 𝙋𝙖𝙨𝙞𝙖𝙣 𝙞𝙣 𝙄𝙨𝙧𝙖𝙚𝙡 𝙢𝙞𝙩𝙚 𝙢𝙪 𝙖, 𝙖𝙢𝙖𝙪𝙩𝙚' 𝙤𝙢𝙯𝙞𝙖 𝙯𝙤𝙣𝙜 𝙖 𝙩𝙝𝙚𝙞 𝙝𝙞. 𝙋𝙖𝙞𝙠𝙝𝙞𝙖𝙩𝙣𝙖 2:24&25

Hih thu pen Israelte dinmun tawh et-in ki-awlmawhlohna tawh kibang hi. A hangin Israelte Izipt ah kum 400 bang nenniamna thuak uh a, Pasian in phawk takpi hileh honkhiapah ding hi, cih theih hi. Ahi zongin hih mun a kammal kizang "amaute omzia a thei hi, " cih pen a paubul ah nakpitaka hehpihna leh theihloh neilopa in a theihna, cih lam kawk hi. Hih kammal pen Pasian in a a zat ciangin, " Hih pen ka lunghihmawhpih a, amaute/ama tangin ka semkhia ding hi, " cihna hi. Tua hi a, Pasian in i haksatna hong mu-in hong theihpih-a, amah in ei adingin a hoihpen in hong sepsak ding cihna hi! A zenzen in Topa' huhna hong tunpah kei leh zong hong itloh man hilo-a, i khan ding a deihna ahih keileh Moses in a mipihte a hotkhiat bangin ei hong honkhia ding mi khatpeuh a sek laitak zong hithei hi. 

Tulaitak na dinmun haksa nasa hiam? Na thungetna Pasian in hong dawnpah loh manin lamdangsa-in lungneu in na om kha hiam? I Lai Siangtho bulphuh ah Pasian in hong mu a, na omzia hong thei hi. Tua manin na lamet beisak kenla, Topa zia na ngakzawh nadingin Topa tungah ki-ap in. Topa in hong nusia ngeilo ding hi. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐚 𝐧𝐮𝐧𝐠𝐭𝐚 𝐥𝐚𝐦𝐞𝐭𝐧𝐚 𝐧𝐞𝐢-𝐚, 𝐧𝐚𝐧𝐠𝐦𝐚 𝐳𝐢𝐚 𝐤𝐚 𝐧𝐠𝐚𝐤 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!