KIPAH THUGENNA KHU PASIAN PHATNA AHI

KIPAH THUGENNA KHU PASIAN PHATNA AHI
Nisim Manna

Bulphuh: Tam gamdang mipa chilou Pasian pahtawi ding a hing kinualekia koima kimu khatalou hiven maw? achi hi. Luke 17:18 

Jesu'n phaah natna vei mi 10 a damsah a, hinanleh gamdang mipa (Samaria mipa) chouh khu Jesu kung a kinuale in akengbul ah bohkhup in kipahthu ava gen hi. Tuachi'n Jesu'n tami pa in Pasian min aphat hi, ana chi hi. Tambang thusut in a gennop pen ahi leh kipahthu genna pen Pasian phatna leh paahtawina zong ahi a, thamlou in kipahthugenna/phatna in silhoi imu zousia hing kipatna khu Pasian ahi chi ang theikhesah hi.

Kipahthu genna inei zel uh pen eima ki niamkhiat zaal hilou in, Pasian hoina liuliau (eima hoina telkhalou) ziah a silhoi imute iki pahpi etsahna baanah Pasian hoina i tangkoupi uh china ahi zaw hi. Tampen ei ah hoina khat zong umlou, hinanleh silbangkim bawltu (eite hing siamtu) Pasian khat um a, phat taah leh paahtawi taah ahi ziah a, eiten ibawl ding lawm mawng ibawl uh china ahizaw hi: Tuapen kipahthugen leh phatna ipia uh, ahoina itangkoupi uh china ahi zaw hi. 

Tuaziahin, mi koipou in Pasian hoina zaal a kipahthu genna, lungdamthu genna anei leh Pasian phat leh paahtawi china ahi mai hi. Hinanleh Pasian hoina zaalzou zingngaal a kipahthu gennlou mi khu iMangpa'n bang chi'n a ngaituahta diai?. Tuaziahin, tuni'n i Mangpa Pasian khu ahi na bangbang tangkoupi vai in, phat ding leh paahtawi ding a, akilawm bangin phatna leh paahtawina pete hi thei ding in kilankhe vai.

Ki-latkhiatna: Mangpa aw, na hina bangbang a hing tangkoupi thei ding leh paahtawina, phatna hing pethei ding in Jesu Khrist min in kang ki-lankhia hi. Amen!