Just Reflection: Thu Vantang

Just Reflection: Thu Vantang

Just Reflection: Thu Vantang
Dr Dongza Thawng
Fellowship of Thirsty Souls n Hungry Hearts


Thirsty Souls member te Christmas leh kumthah kikal chibai!

Mangpa'n tuni khu na ngahngah na tuptup na thumthum na a tangtun ni hisah ta hen!

Shillong vot mama ei. Hih jong blanket a ki tuama kang gel hi ei!

Kithujahlou na sawtta a kang gel himhim hi.

1). Ka Jiribam progm uh nop mama hi. Pasian mi khat, Pasian toh nai tah a ki ton mi Rev Haozalian toh ki thua ka hijieh in Pasian umpi na ka tang uhi. Thugen siam aw ngai chite poimaw nonlou hi. Pasian in a suahpa ang pawl a, adang teng in ajar ka jou uh himai hi.

Jingkal khuomial 3AM chia thumna kipan ta ahi chiang ka room uh Pasian Hagau in hing ve mai hi.

2). Rev Haozalian, ka siapa, hagau lam a ka master pa toh Jiribam apat in Date Dec 21 in Gari in Shillong ka juan uhi. Ajiehpen ka Vanleng uh minute 15 vel in ka vai gei uhi. Nop tah in Pasian puina toh Shillong 8pm vel in ka tung uhi. Lamkal ah hun nop dahkal 7/8 vel ka hing mang uhi.

Ka nutsia uh Sejang khuo te ka ngai uhi.

3). Christmas hun in Rev Haozalian in sermon 3 tah hing gen sah a hattuam te ka tai mama uhi.  Kumthah chiang jong hagau ann toh hing vah kia ding hi. 

4). Tulai hagau lama ka hamphat dan Christmas jou apat jing kal lam teng 12 noon tan ka siapa toh Shillong a park tuamtuam ah thumna leh ki houlimna fellowship hun in ka jang uhi. Nitah lam jong jaan sawtpi pi kahoulim uhi. Ama jing kal 3/4 am vel apat thum panta. A room ahun jousie Pasian toh ki pawlna jang ahi ciangin kou a inn nei te ka hampha mama uhi.

Jacob in this is the gate of Heaven achi bang ka in uh khu Van tung mite hing lam lhahna mun suah sah hi.

5). Tulai Christmas lai tah sum lam a ka kang kilkel vang un hagau lam ah Ka Jin pa uh misiangthoute jiah in ka dim mama uhi.

Jingkal apat jan sawt tan Pasian thu leh sweet fellowship na hun in kabeisah uhi. Pasian thu ban ah Hun lui lai thu tampi ka houlim ua, i gam tan chin leh Ei society a Pasian mite leh Khovel pumpi a Pasian mijatte leh laibu tuamtuam leh author te thu ka houlim ua angai tu ding umlou phial in ka houlim uhi. 

Tualeh chiamnuina hun tampi ka jang uhi. Ka ki chiamnui ua ka nuinui uhi.

6). Tulai laibu sim nop kasa diah hi. Tuma in inlam ah ka tapa Ebenezer Thangzolian in Ravi Zecharias laibu Has Christianity Failed You? ang pia a ka sim ngal a nop sa seng in himi topic apat Sermon outline khat ka siam khia hi. Khatvei ka seminar na ah ka genjouta hi. Ravi ka sim nopna hing thah kia in Tuajou in Ravi ama kum 20 val paita a ka na sim sa Can Man Live Without God? Ka sim jou kia hi.  Nop lomlom!

Aban kasa sim sa ma Cries  of the Heart sim kal ka ngah la mama lai in OM books a ka va mu laibu lui Osald J Smith gel The Man God Uses copy um teng ka lei bei hi. Mi gift  di himhim in. Tu in himi ka sim phot hi. Pianthah tung lai kithang mama kana simkhahlou ahi. Jannin chapter 1 jou in khitui hing pot sah ta hi.

Tualeh Ravi ama Why Jesus? chi ka va mu kia a sim kal ka ngah la hi.Cries of the Heart jong sim uttalua ta.

7). Tulai sermon jong ka gen ut sia. Message jong ka gel pei sih a, article tuam tuam pending te jong ka buaipi ngap sih.

Sung gil lam ah depression ka nei hi. 

Alang khat ah Reverend pu toh ka ki thua nop kasa mama a. Ama hing jintung lou leh tutung pen ka family uh ka hom mama ding uhi. 

Christmas lunglen hun khu aman Pasian thu toh hing dim sah hi.

Tualeh tulai laibu sim lam nop kasa mama hi. 

Alangkhat ah adang bangma ka ngap sih hi. A vot toh. Ka lungsim lam liap hi. Ka sunglam hinna kapkap jel hi. (sobbing) Shillong weather toh kibang chet hi. 

JK.Chesterton thu gen When Belief in God is difficult chia message ina gel sa bang in achang ah Pasian ngah leh muan khu hamsa bang hi. Ama Dawnna khu ki naw vawtlou hi. Tua ahi abuai huai na.

Ahiin ahoina te sim lei Amin phatphat thei ahi. Tuami ahi tuni ka bol som uh. Pasian hoina point 1000 suikhiah som ding. Kipah na le thomhau na, phatna leh kahna, pahtoina leh hasietna khu tulai ka hindan ahi. Keijong ki thei jou sing.

8) Jannin katate toh et ding Home Alone movie part 1 apat 6 tan kava download sah hi. Hite family time a et kal ka ngah la hi. 

9) Tuni Reverend pu lamkai nitah 1pm tan family fasting kom a thanks giving day ka jat som uhi. Ama gen dan in kum bul apat tuni tan kipa thu genna ding point 1000 (100 hilou) suikhiah thei ding chi hi. Thanop huai e. A utut hing pangvo.

10) Atopna ding in ka nu inlam ah dam lou chi kaja a hoilam chu hita…adam siang na ding in hing thumpi vo.

Kei jong hibang hun nop kajou lai a Setan in khua hun liap bang a ka lungsim agn liapsahna pat a khuavah kang tunna ding in hing thumpi vo.

Christmas leh kumlui bei ding hi ta, kum thah in thilthang leh ki nepna thah angtut na ding in thum vai!

Mangpa Hagau Siang in himi message sim tahlou apat in kei bang a lungsim kapkap leh Pasian ngai te henepna dingin van jat neu khat hing suahsah ta hen!


Shalom Topa Thupha!






No comments

Powered by Blogger.