I have many people in this city

I have many people in this city
Pastor Dr. Dongza Thawng
Devitiona # 133( vol 3)
Fellowship of Thirsty Souls and Hungry Hearts

Thirsty souls member te Kumthah chibai chi pan pam vai e! I dam chiat i hoi chiat na uh maw? Tuni khu nang ading a Pasian in thiltha khat ahing musah ni hi ta hen aw!

Tulai message gel ut mama topic jong tampi lungsim ah um. Topic geldia igen sa tampi jong pending in um. Hinanleh geldoh theilou in ka um hi.

Thai  i.e. 12/ 01/22 ah inlam Juan ding. Hing na thumpi vo! Jing ah Rtpcr test ding ngap la huai vawt.

1 Cor 18:9,10: Now the Lord spoke to Paul in the night by a vision,  "Do not be afraid, but speak, and do not keep silent for I am with you, and no one will attack you to hurt you for I have many people in this city. 

Paul In Corinth city ang bulu ding chuh Van (it takes Heaven) apan ngai ding hi. Ajieh pen Corinth city khu angkom na toh kibang a ki gente ahi. Sodomite khu homo/tokohuh toh aki bang aki koi bang a corinthianzomai akichi leh sex bawl vai china in ki thei hi. Scholar John Pollock in Gospel in corinth city a jung a khaw  thei leh leitung pumpi ah bang mun bang khuapi ah jong a jung khotheilou na ding umsihva chi hial hi.

Paul hichibang khopi khua alut in thomhau mama ding hi. Abul lam i et leh Paul in doudaltu te jiehin lungthah in “nasisan na tung uah umta hen. Na tung uah ka siang” ( v 6) chi tan pha tung in nutsia som hi. Hinanleh jaan in Pasian in Corinth khuo a it dan leh Corinth city a hattuam thupi tah phusawm ahi dan gensah in thuchiam thupi tah toh hanthon hi. Aban pen gen da tavai. 

1997 a Imphal a pastor ding a sawl a ka um lai in himi Bible Pasian in hing pia hi. Ka lut tung in hagau lam a gammial leh jinmang kulpi sa mama ahi. Hinanleh kum 3 jou in Pasian in mi tampi tuni tan a ka ki-it pi ding “ mi tampi ka nei” achi te hing pia hi. Pasian in Imphal a ami neite abanban in hing musah hi. Nikum Dec 05 in himi Bible chang toh hing houpi kia hi.

Hinanleh tutung in vang thakhat in ka saangthei pai sih hi. Taanglai Abraham te bang in Pasian kaki interact pi phot hi.

Mangpa himi Bible chang kei ading in adih sih hi. Ahi nang mi tampi na nei ma ding hi. Hinanleh ken koi ma ka nei sih hi. Khat zong ka nei sih hi” Chiin Pasian ka buan hi. Ajiehpen achang chiang mi khat jong neilou bangin ki thomhau hi.

Kam siam leh pua dang in chuh mi tampi inei mai thei hi. Ahiin atah tah chiang imi neilou dan kilang jel hi. Leitung a mikhat jong ei adia gensah leh pang ding  inei lou hun um hi. Rombo movie a”I am an expendable” chi kammal khu lung sim ah hing kilang hi. Nidang ah hithu houlim vai.

Paul in Rome suangkul ah “Asia a um jousian hing nusia hi. Kei mai in ka um hi. Koi ma kei dia ding  khat zong a um sih”  chiin 2 Tim ah ki hasiet ngutngut hi. Jeremiah leh Elizah ten jong hibang tangkhatna tuah uhi.

Kei jong tulai weather vot leh gloomy toh hibang dinmun ka tuah hi. I ji ita te mai ei lam bang hi. Achang ah khu jong hilou nalai. Jesu maimai ilam a pang bang hi. Tuajong achang a ahilou bang in ki ngai tua nalai hi. I lom leh gual, i hattuam pi, i ji ita, i unaute chilou Pasian na ngawn ei lam a pang nonlou bang hinkhua ki tuah hi. Atuah nailou ten theisiam theilou ding a, atuahkhasa ten dih sa ding hi.

Pasian achangchiang chiang a atate tung a thil loupi abawl som chiang ikim ipam inai a mi um jousie pualam a sawl khia hi. Abraham mial nuai ah ihmu sah hi. Dr in operation room ah mi a utut chiin hanlut ngeilou hi. Hinanleh himi Bible chang ka mu jou ha khat nung in abanban in Pasian in “mi kanei” achi hi abanban in hing mu sah hi:

1) Nikum in lockdown a thomhau tah a Christma mang ding a ka um lai un ka nu (sungnu) lametlou in kou kung ah hing jin a nop tah in Christmas hun ka jang uhi.

Tukum jong innlam lah pai lou thomhau tah in himi hun vot leh hun daai mang ding chia ka um lai in Rev Hauzalian Manlun in ka chialna hing pomsah in Dec 21 apat in ka inn uah hing um in, tuni tan nop tah in kaki fellowship uhi. Angel khat ka inn ua hing busa abang hi. Pasian in ami nei te hing piata hi. Pasian mi neih  # 1. 

2). Tutung camp mun 2 a ka conduct na lam in financially ka broke uhi. Loan kalah leh jong ka ki ching sih uhi. Christmas hun khu dry tah in ka um uhi. Ahiin hibang kal ah Kum 20 val paita a Imphal a kasep lai a ka naupang it mama leh mailam a kaki suanpi mama Kim (amin full gen da mai vang) tu in officer hita a ama’n  lametlou in hing surprise hi.  Pasian mineih # 2.

3). Inlam pai chiang a Gari hing heh pi ding in ha khat lam ka thum charcharta uhi.  Ahin khoi a hing kipan ding gen theilou hi. Tunai kalkhat vel pai pan in amuan huai leh siam mama Shillong leh Lamka kal tai gige kou pai ding hun chet a inlam pai sawm ka tupa pa Lamboi (Hausuanlam) in flight ticket a la som ni Chet in ka call kha a hing ut jenjen hi. Ama toh Lamka juan ding a jing a pai ding hi ta. Pasian mi nei # 3 hita.

4). Tutung Inn lam pai chiang a Children Winter Bible Camp conduct kia ka som ua ajieh pen ka tate vacation sung moh um ding ka ut sih hi. Naupang tamlou 20-30 vel ka huam som uhi.

Kal khat jong pai nailou in * Dr Blessing* ( not real name) in himi Camp sponsor ding in fund teng hing thotta hi. Pasian mi koisa te # 4 hita. 

Aban awlawl a hing kilangtou jel ding…

Ha khat pai ta a Mangpa'n mi tampi ka nei achi a ken “Mangpa ahima nang mi tampi nanei maithei nanleh ken khat zong nei sing” chia ka ki nialna uh khu Pasian in *”En in koi dih jaw ei” chiin hing en sah hi.  "Kum 20 paita a Imphal city a hing pui pan tu in zong kang nusia nai sih a ka thugensa khat zong peel nai lou" chi dan in hing ha muan hi. Abanban in tukum sung Pasiam in ami neite ka lampi ah hing lang sah ding chi ka ki nem hi.

Tualeh tukum a ka Bible chang teel Khu kum 20 val pai ta a Imphal ka lut ding lai a hing hou pi khat ahi. Pasian thuchiam 2 toh imphal city ka lut hi:

Isai 58: 8 The glory of the Lord shall be your rear guard.

Tangval nou Bible jil jouthah pan thomhau tah a imphal khopi a milian-milalte inn chin ka ve chiangin Pasian thupina in hing pui kawikawi in hing tuam khum leh ka ut hi. Tua khu ka thumna ahi. Pasian in athu juaulou in hing tangtung sah hi.

Tunin nang gingtu tukum na ban na et chiang a lunglau leh  thomhau na hi mai thei… Mangpan tukum athupina toh hing kitonpi in hing pui ta hen! Athupina in hing tuamkhum ta hen! Ama minei te abanban in na lampi ah hing kilang sah ta hen. Na poi maw hun in hing ki lang chetchet ding hi!(kei tuah dan in ei ma mi nei ichite khu i poimaw i ki lamet hun in mang siang ua..  Pasian in ama a ate khu hing kilang sah jel hi).

Shalom Topa Thupha!

Next ah Expendable