Over Flowing Joy - Kipahna luanglet

Over Flowing Joy - Kipahna luanglet

Over Flowing Joy - Kipahna luanglet
Pastor Dr Dongzathawng
Devotioinal # 37 ( Vol 4)
Fellowship of Thirsty Souls and Hungry Hearts


Thirsty soul simtute Telecom Quarter Wangkhei, Imphal apat in Pasian hepina naleh lungmuanna na tung uah tung ta hen!

Tuni Topic: “ Over Flowing Joy”

Introduction:
Date 6 in Shlliong ka nu sia a, Date 7 apat Sajik Tampak  ZCBC numei pawl toh camp leh seminar nop tah in ka nei uhi.

Date 10 in Imphal ka juan ua, Imphal ah ECA Imphal Area Pate-Camp Janni Date 14 in ka jou uhi. 
Janni tah Date 14 nitah biahinn kaijou in Tele com Qtr Wangkhei a, Upa Paukhanthang te qtr a private room ah nop tah leh thawveng tah in ka ki tawldam uhi. Upa nu U Bawinu in Pasian misiangthou leh Angel te ki vaidawn bang Chet  in eina vaidawn uhi. Mangpa’n upa te innsung vangbuahta hen aw!

Tu jingkal in nop tah a ihmu jou in ka devotion ka chai a ka kakipahna a luang a luang in gen ding theilou in thirsty soul ah neu khat hing gel buh khia ka ut hi. 

Topic ah lut ta vai:

Text: 
1). Psalm 119:171: “May my lips OVERFLOW WITH PRAISE”
2). Psalm 23: 5: “My cup OVERFLOWS”
3). 2 Cor 4:15: “So that the grace that is reaching more and more people may cause THANKSGIVING TO OVERFLOW to the glory of God”
4) 2 Cor 8:2: “In the midst of a very severe trial, their OVERFLOWING JOY and their extreme poverty welled up in rich generosity” 
5). 2 Cor. 9: 12: “ The service that you peRform is not only supplying the needs of the LORD’s people but is also OVERFLOWING IN MANY EXPRESSION OF THANKS TO GOD”
6). Colossians 2; 7: “Rooted and built up in him, strengthened in the faith as you were taught, and  OVERFLOWING WITH THANKFULNESS” 

Tutung ka gospel nasep na jieh a ka kalsuanna uh Pasian hoina leh ana sep te:  “LAMDANG E!  MAH E!”  Chi ding tampi ka phukha uhi. Gintat loulou Pasian in hing piang sah hi. Tuate ka ngaitua chiangin tujingkal ka devotion na ah ka kipahna a luangin a luanglet a Pasian biah lou ngal bawl ding dang umlou hi.

Nidanglai a India a missionary khat luipi pang ah aluang ashi sa in kimu khu ka ngaitua kia hi. Hia missionary pa koi ma keplou, koima etkollou a shi chuh hingei ding hi. A diary book a agel nukhia pen a et uleh “ I am overwhelmed with God’s goodness” chi kigial mu uhi. Overwhelmed thumal in agen khu “avuh avuh khum, atuam a tuam khum, kam teng gentheilou khop a Pasian hoina jieh a am phial chi ding ahi.

Dr Kh Khaizakham leh Nu Ting in  Pa Kham kum 74 birthday ni un gari 2 a inn mai uah hing ki khawl hi. Nupa 1 hing lut in “he pa hia Gari Chabi Na birth day gift” chiin Lakh 18 lam bei Car Thah lihleh va pia uhi. Pa Kham in agen na ah “ka nu pa un lamdang sa seng in bangma gending theilou in ka moh um uhi.” Chiin gen hi.

Pasian hoina, Pasian Phatna ang dimlet a, ang luankhiah chiang in kamteng in thumal nei noulou hi. Himun ah WORSHIP hing piang doh hi.

Atung a Bible changte enlei tuabang overflowing  joy khu ang moh um hilou in, Genthei na apat hing phuldoh ahi. Overlfowing kipahna mu na ding in  a haichi khu gentheina ahi. Gentheina hai chi kitu khu kipahna luanglet in hing ga khia hi. Ahin hunsawt maithei a, a haichi tu khu gimhuai in, kha ngiingeei maithei hi. Janmial Saupi jawt hun um ding hi. 

Tutung ka campte uh a ding in ni Tampi, dahkal tampi ka kisakhawl hi. Adia in Imphal Area a pen pastor pa Rev Henkhosei Touthang in kum 2 ma apat ana vision leh thumna ahita hi. Tuabang ma a , mitampi in Pasian mai a ana lat jieh uh ahi.

Sajik a ka hun jat uh zong kum tampi nunga Rev Muante toh ka ki thua kia na uh ahi.  Nop kasa seng ua jing kal 1/2 AM ma in ka lum khawl sih uhi. Ka houlim ka houlim mai uhi.

Imphal Area camp pen ah organiserte a ki lam et na sang un mi hing tam jaw a accommodation buai uhi. Kipat tunglam in thil lemchanglou tampi um hi. Speaker te jong thuah jouna training lahtou ngai jel hi. 

A Hiin Pa-te khum jatjat Pasian thu ngai ut a, a ki thuman dan uh, a hapan dan uh, a ki ngainiem dan uh ka mu chiang jaan ka ihmu khahlou chiang ka mit ha in kilang den uhi: Pastor retired, officer retired, nam lamkailian, kho hausa jatat um tahtah, pualam a jatat huai seng houpi Ngam lou dingte ahi uhi. Tuate Pasian thu ngai utna jieh a ,  ki ngainiem leh thumang tah a Boys dormitory bang a ki lemlou tah a, lupna hall leh toilet noplou tahte ang ki adjust thei uh khu thupi in lamdang hi. Pasian min Thupi sah uhi!

Camper te ka mit ha ah ka mu den a, ka lungsim khu Mantri Pukhri Retreat Centre ah um den nalai hi. Hibang te ka ngai tua chiang in a tung a Bible chang te abanban in hing ki lou in keimah ah tui kikap khia bang in hing kikap khia solhsolh hi. 

Kipahna luang let.. Pasian hoina in ahing vuhkhum, ahing tuamkhum chi khu na tuah ngai tai na christian hinkhuo ah?

Hibang te khu a hing moh um hilou in. Gentheina mittui naptui toh  haichi ki tu khu hing pou khia, hing pah khia, hing ga khia ahi. Ahing na thumpi leh ahing ngai poimaw sah Pasian misiang thoute jieh ahi. Mangpan ama uh te koikoi chi thei a, ken ka thei sih. (Tamlou vang suai lou a hing thumpi chi  ka thei mama hi). Pasian in ama uh tung ah zong a hinkhuo uah kipahna luanglet hinkhua tung sah ta hen!

Tusun in zong Upa te inn ah Nuam tah in Pasian toh ki pawl in Pasian hoina leh Kipahna luang let leh phul souhsouh te jieh a Paisan biahna in hun ka mang sawm uhi. 

Pilgrim’s Progress a Christian Khualjin gimtah a lampi a khawlmun Nuam -Palace Beautiful, Delectable Mountains, Country of Beulah,  the shepherds hills etc chite a ki khawldam malam ka bang uhi.

Pasian in Sajik a Pastor Rev Muan leh pastor nu Mary, Imphal Area pastor Rev Henkhosei Touthang leh aloinu Pastor nu Nengboi leh ka gal sat pi Artist Lhingneichong, Hoineng, leh speaker pa Kham leh, helper Gogou leh Gute leh  camp a ka ki mu pi ka lawm thah , ka mit ha a hing ki langlang a ngai huai, a it huai Pasian mite tung ah Pasian lungmuanna leh lemna in vaihom ta hen!

Mangpa’n tuni simtu te  kipahna luanglet toh hing vuh dim in hing buahkhumta hen!

Topa Thupha

Shalom!



Ps. Monday ah Shillong Juan in leng ta vang. Ka ta nu birthday ni a tungding. Hing na thum pi jel  vaw le!

No comments

Powered by Blogger.