VOW NEVER TO DEFEND YOURSELF

VOW NEVER TO DEFEND YOURSELF

Pastor Dr Dawngzathang

Devotional # 35 ( Vol 4)

Fellowship of Thirsty Souls and Hungry Hearts

Thirsty souls simtute Mangpa lungmuanna na tung uah umta hen!

TUNI TOPIC: “VOW NEVER TO DEFEND YOURSELF..”

TEXT; “But Jesus made no reply, not even to a single charge-to the great amazement of the governor” (Mat.27:14)

“Who is blind but my servant, and deaf like the messenger  I send?..You have seen many things, but you pay no attention; your ears are open, but you do not listen”( Isaiah 42:19,20)

Introduction:

Tuni Lamka Zuan a leng kheding hita ing. Hing na thumpi vaw le! Jing nitah apat in Sunday tan Sajik Tampak Bible Church ah Seminar-cum-crusade. Tua chiang 11th Oct Nitah apat 14th ni taah tan Manti Pukhri Retreat House ah Pate Camp. Noute thumna poimaw mama mai ing. Puja holiday lai tah a ka family te nusia ding ka hi.

Tulai ka presentation leh ka tate school thahleh lahleh jiehin message kang gel man tasih hi.

Khat leh ni ahing dopdopte jieh in kipah veve ing. Message jong i gellou na a sawt seng chiang gelding zong kithei sih. Apatna ding jong ki buai simta. Abang Abang hitaleh Mangpa’n tuni khu nang ading in thilthah leh thil lamdang ahoi mama khat na tung a ahing tunsah ni hita hen!

Topic ah lut vai:

Tozer in alaibu A Cloud By Day A Fire by Night ah  thu khautah khat a gen a tua khu Tuni I topic ding in ka hing la hi. “Vow never to defend your self, and then keep that vow for the rest of your life” chi hi ta Jen hi.

Gingtu hinkhuo a I buaina tamjaw khu I ki defend hamham sawm khu ahi. Nu pa kal ah zong buaina tampi khu ei leh ei ki defend khawl sanlei bei mama ding hi. Defend ichi chiang ei ma dihna suhlat sawm teitei. Mi'n hing theisiam or hing pom kha sih va chia ei leh ei ki suhlat sawm teitei chi khu ahi. 

I Mangpa Jesus khu vaihawmte mai a adin in bangma genlo top hi. A dihna hi'n, ahoina hi'n , a ki ngohnate dih in, dih sih leh dawinglou top hi. Kei mu dan in Genthsemani huan a shisan kai jen a thumna khu Pasian in a dawn sah hiva ka chi hi. A hamlou khu eite hinna ahi. A ma siammaw kitanna khu eite siam tanna ahi. 

Khujiehin Isaiah laibu  i simna ah “Ka suahpa khu mittaw bang ahi. Mu na pi mu lou ki nei, ja na pi ja lou ki pang. Thei na pi thei lou kipang. Chi ahi. Eite ahi leh imulou itheilou i jahlou tanpha gen sawm te ihi.  

Tulai China te ding a Apostle Paul bang tuh a Pasian mi jat Watchman NEE tanchin ka sim kia hi. Ka Piangthah tung lai in tampi ka na sim a, kum tampi ka sim non sih hi. Nanleh tulai in ka sim thah kia hi. Tu in A tanchin ka simjouta a, maban ah The Secrets of Whatch Man Nee chi ka sim kia sawm ngal hi. 

WatchMan NEE Pasian na a sep tung lai in CRUCIFIED LIFE chi a hin sawm na lam in ha pan sengseng in khat vei mi te mai hilou in hattuam te leh leader te, asep pi te in thil khat a ma dihlouna hilou khat ah ngawh in, minsia hi. Ama leh ama khetbeh hinkhua leh thoukia hinkhua a hin utna jiehin adih na gen loutop in um hi. Kum 6 sung thuah vevaw hi.  Hattuam leader te tanpha in han ua, hilchetna ngen uhi. Hinanleh adihna ki defendlou top in thuah hi. Hibanga a thuah jou na jiehin kum 6 jou in ana sepna ah Pasian in revival toh REWARD bawl maijen hi.  Kamteng khat a Siamna gen mai leh veng ding hina pi. I Mangpa Jesu hinna leh mel ki koppi ut seng in thuah top hi. Aw Pasian in NEE ajat ding ma hi e chi ka phoh hi. Kum 6 sung tuabang a thuahjou in revival tung mai jen hi. 

Ahun top lam in khat vei Taiwan ah va jin in  meeting anei lai un, bit tah a Pasian thu agen  lai in China Mainland gingtute lai ah gotna tung chi ja hi. Tuajieh in pai sawm teitei hi. Ajiahpen China Mainland sunga gingtute buaita chi thei hi. 

Hattuam misiangthou ten Paul kung ah Jerusalem pailou ding a jawl bang un ama zong gingtute'n  China mainland pailou phot ding in jawl uhi. Ama dawn dan khu “Nupi khat pua lam a, aum lai tahin a inn kaang leh inn sung dellou in a um thei diei? A tate inn sung ah mei in kah khum ding hileh?” Chi'n dawng hi. Ajiehpen China sung ah gingtute buai ta, gotna umta chi athei in adel in del thaw mai hi.  China Mainland a tun jou in asuangkul ah koi in um a, kum 17 Communist te suangkul ah thuah a , suangkul ma ah shiden hi. Khukaal in aji in ana sisan jawma hi.  Hibang ahi ama leh ama ki manghil a Christ khu ka hinna ahi chite hindan…

Tuni'n I hina ang kitheilou khaah ding, I sep hoi ahing ki manghil khah ding, I bawlfuh lam ahing kingaisah khahlou ding, I title ahing ki geldih sah lou ding, I back ground ahing ki nep ngai khaah ding, i experience te a hing ki zatat sahlou ding, mi toh kinial na a gual joujaw hi teitei ding, ki nial na a ham nukhiah, a thu chaina bawl hi teitei ding a i pandante uh khu I mihing lui hat mama, crucified life bang ahi jong jil nailou ka hi dan ka ki mukhia hi. 

Bangtan a Jesu ei a hing, nungta, bangtan a i mihing lui ei a hat leh hing nalai e chi thei na ding in hamsa lou hi. Mi khat in na hina khat dihlou tahin (or dih tahin) hing kou leh Bang tan in ka ki sum jou ei? Bangtan in ka thuah la ei? Bangtan in ka thangpai ei? Bang tan in ka pona ei? Bangtan in ka ki iim jou ei? Chi te ah ki measure thei pen ding hi. 

I Miing lui hat leh hat lou, Christ ei a hin leh hin lou khu biahinn a laam leh, thu gensiam leh, testimony gen siam leh, thum khomna paitam, silpiah jat te ah ki thei naisai lou ding hi.

Tozer in vang “Nang leh nang ki defend lou dingin ki chiamna bawl in la tua khu na dam sung a Jui ding in ki chiam in” chi hina lai hi. 

AW Tozer ma in Born After Midnight ah “ Let’s go off the defense” chi hi; “In the kingdom of God the secret way to lose something is to try to protect it, and the best way to keep it is to let it go” chi jiau hi.  Pasian lenggam ah thil photphot I ven tam sawm lai sia I mang sah ding ua, I ha khia or i pot sah chiangin i veng bit jaw hi chi hi.

“The Law of Keeping by surrendering and losing by defending is revealed by our LORD in this celebrated but till te understood declaration “If any man ..”(Mat 16:2a)

“I have never met a victorious Christian who won the defensive, but I have met I cannot tell how many jumpy, skilfish and thorough unhappy Christian who were burning up their energies in a vain endeavour to protect themselves”

“GIVE IT UP AND KEEP I. DEFEND IT AND LOOSE IT”

Hia atung a kigente i sim leh.. jum huai  jawjen hi.  Tunia pastor hi in preacher ki hi leh eima dih na gengen a, midang te dihlouna chiltui kai jen a gengen te… eima ki khukhum sawm teitei, eima a dihjaw , ahoijaw  ama uh a dihlou jaw chia iki self defend jelna te khu gualjou tu ihi lou na mama ahilam ki thei jel lei maw??? Himi in ikipahna teng lamanga, gualjou Gingtu hing hisah theilou hi. 

Tozer in “When I vow not to defend myself, I am saying that I do not have what it takes to come against the enemy. Normally, we do not want to admit this. We like to believe  tat we can handle every situationi”( A Cloud by Day and the Fire by night.56)

Ei leh ei ki defend I tawp san chiang Paisan in hing defend mai hi lou in WatchMan Nee bang in I nasepna I ministry or I hattuam ah revival dei um tah toh hing reward ding hi. Hamthei man leh, mi nei man a, or mi ten ang gen ut lou jieh a adihjaw, gualjou jaw a kingaitua a lungkim khah ding khu sil dahuai mama ahi. 

Chuck Swindoll in “God seems to reward us with good, delightful experience when we move with joy through those time when we did not get our way”( Encouage me, 163). Aw dih hina mai e.

A thu kilahlou lai a zong, miteng in amaw sah lai a zong ham joulou, pau joulou, adihna zong gen theilou a, ama hina thei khu Pasian maimai ahita,  guallel dildel gingtu pa khu Pasian in HUN NUAM LEH KIPAH HUAI MAMA toh reward kichi hi. Tuami khu bang adiei? Hagau lam bu-atna, tahsa lam gualjawlna, inn sung a lemnaleh muanna, Pasian umpina dei um tah te hiding hi. 

Tanglai Joseph in guallel leh mahni dih na gen joulou, mite mu a dihlou leh mualphou chi khu thei siam mama ding a, tuamai hilou in tuabang thuah joute hamphatna bang ahi chi zong thei mama ding ahi. Ajiehpen aga hum ngii ngeei nop tah in louta hi. 

Tuni ei gingtute iki dot ding khu bang jat tah in i siang thou ua, i dih ua, i bawl thei ua chi hilou in bang ja tah in idihna, i hoina i  im jou uai? I dih na genlou ding in Bang tan in iki sum jou uai? chi te ah i hagau din mun uh a thei siamthei pen ding hi. 

Hibang crucified life lampi jui sawm te adingin hattuam property ki tu a court ah kiheh, gam leh mual kitu a ki case, nei leh lam kitu a ki singnuai mi kitut, khut khial bankhial jong hilou i tanu nung tai neukhat zieh maimai  lemtanna la a hausat sawm a a lakhlakh teel ki gap, ki liau sah chite, leadership ki tua a pawlkhawm, lamkai hi ut a nuam a pollawng vel chite toh a mil a ki mil lou hiphot hi. Hibang ten a lampi zong zui kha nailou I hi.

Tuni'n unau bangtan vei ki defend sawmsawm nalai lah? Ki surrender in Pasian ki defend sah jaw lei i bit jawlou ding maw?

Tualeh mite mai a dihjaw, leh hoijaw, ngai sang huai jaw hi ut na leh mite deisahna leh patat i deldel lai in Pasian in hing nusia in eima leh eima ki enkol dingin hing nusia leh i bit diai le??

Pasian in a atate lai a van jat thei ding, training a piah ut, thupi tah a jat ding mi sui hi. Tuabang mite khu ama uh ki defend na tengteng sut khiah sah ding, ama uh lam a bawl theina leh ki muanna anei teng leh hoi kisah na tengteng lip khiah sah hiding… Christ min a mual phouna, minsiatna, guah tanna, guallelna, dengdel tah a umna…. Lampi jui ding mi enen hi. Lampi dang umlou hi.

Ajiehpen hibang ki sut khia utlou mi - miluhlul te toh Aman bangma semkhawm theilou ding hi. Bangma thuguh hil utlou ding hi.

Tunin iki lat na ding khu or ikichiamna ding khu tuni apat in kei leh kei ki defend nonlou ding, Pasian leh kei maimai in ka thei ding.. adang tengin bang in ngaisangin. Bang in musit in, bang ngaidan nei nan leh thupi nonlou… Pasian maimai maai en ding. Ama mai giap a siamtang ding khu i tuppen leh idelpen hileh … aban Aman hing enkoltou ta ding hi…

Tuabang Pasian teltuam, setuam gingtute lai a pang ve ding in Mangpa Hagau in hing panpi in Pasian hepina in bawl thei na hing pia ta hen!

Topa Thupha!

Shalom!

Pastor DZT

Ka van kisa ta vang..hingna thumpi vaw leh…ka gei ah ka tanu neupen in ka jinkhiah ding thiei n hing thou khia in ka Aang ah hing ki pomsah…