EI MAHMAH KIPIA MASA PHOT NI

EI MAHMAH KIPIA MASA PHOT NI
Nisim Manna

Bulphuh: Amaute pen Topa tungah kipia masa uh a, tua ciangin Pasian' deihna bangin kote tungah zong a hong kipia uh ahi hi. Korin Nihna 8:5

Khristiante in kammal i zak mun mahmahte lakah "𝙥𝙞𝙖𝙠𝙠𝙝𝙞𝙖𝙩𝙣𝙖" zong khat hiding hi. Pawlkhat bangin kiza cim mai ding hi. Pasian in ama hong hotkhiat lungdamna thu a pulak ding, a pawlpi akem dingin vantung mite bang nazang hileh 𝙥𝙞𝙖𝙠𝙠𝙝𝙞𝙖𝙩𝙣𝙖 kisam lo ding hi. Ahi zongin vantung mite na zang lo in mihingte mah hong zang ahihna ah thu-umte adingin Pasian' gam nasepna dingin 𝙥𝙞𝙖𝙠𝙠𝙝𝙞𝙖𝙩𝙣𝙖 pen a kisam khat hi a, tua manin Pasian i itna zahzah i 𝙥𝙞𝙖𝙠𝙠𝙝𝙞𝙖𝙩𝙣𝙖 ah kimu thei hi. Tua bang ahih kawmin i Lai Siangtho bulphuh in hong theihsak a thupi mahmah ahih leh: Pasian in i sum leh paiite sangin ei mahmah hong deih masa zaw hi. Pasian in 𝙥𝙞𝙖𝙠𝙠𝙝𝙞𝙖𝙩𝙣𝙖𝙩𝙚 i luima ei mahmah hingtangin ama tungah i kipiak masak ding hong deihin hong lamen hi (Rom 12:1).

Khristian tampite in amau nuntakna Pasian' tungah kipiak masak sangin sum leh paii 𝙥𝙞𝙖𝙠𝙠𝙝𝙞𝙖𝙩𝙣𝙖 tawh Pasian' maipha ngah sawm uh hi. Tampite in a mawh gamtatna uh 𝙥𝙞𝙖𝙠𝙠𝙝𝙞𝙖𝙩𝙣𝙖 tawh liahkhuh sawmin Pasian a lungkim ding sakha uh hi. Pasian pen sum leh paiite tawh khem lungdam theih dingte hilo hi. Pasian in i sum leh paiite sangin i lungsim 𝙖𝙢𝙖𝙝 i kipiakkhiat masak deih deihzaw hi. Tua ahih manin tuni in Pasian' maipha i ngahnop takpi a, i nasepna ah matut-gualzawhna i ngahnop takpi leh ei mahmah i Pasian tungah kiluikhia masa ni!

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐤𝐚 𝐥𝐮𝐧𝐠𝐬𝐢𝐦, 𝐤𝐚 𝐩𝐮𝐦𝐩𝐢 𝐧𝐚𝐧𝐠𝐦𝐚 𝐭𝐮𝐧𝐠𝐚𝐡 𝐧𝐚𝐧𝐠𝐦𝐚 𝐝𝐞𝐢𝐡𝐧𝐚 𝐛𝐚𝐧𝐠𝐚 𝐧𝐨𝐧𝐠 𝐳𝐚𝐭 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!