Topa Itna in Ei Leltak Zong Hong Ban Hi

𝗧𝗢𝗣𝗔 𝗜𝗧𝗡𝗔 𝗜𝗡 𝗘𝗜 𝗟𝗘𝗟 𝗧𝗔𝗞 𝗭𝗢𝗡𝗚 𝗛𝗢𝗡𝗚 𝗕𝗔𝗡 𝗛𝗜!
Nisim Manna

𝘽𝙪𝙡𝙥𝙝𝙪𝙝: 𝘼𝙝𝙞 𝙯𝙤𝙣𝙜𝙞𝙣 𝙢𝙞𝙢𝙖𝙬𝙝 𝙞 𝙝𝙞𝙝 𝙡𝙖𝙞𝙩𝙖𝙠 𝙢𝙖𝙝𝙞𝙣 𝙚𝙞𝙩𝙚 𝙩𝙖𝙣𝙜𝙖 𝙆𝙝𝙧𝙞𝙨 𝙝𝙤𝙣𝙜 𝙨𝙞𝙝𝙣𝙖 𝙩𝙖𝙬𝙝 𝙋𝙖𝙨𝙞𝙖𝙣 𝙞𝙣 𝙚𝙞𝙩𝙚 𝙝𝙤𝙣𝙜 𝙞𝙩𝙣𝙖 𝙝𝙤𝙣𝙜 𝙠𝙞𝙡𝙖𝙣𝙜𝙨𝙖𝙠 𝙝𝙞. 𝙍𝙤𝙢 5:8 (𝙕𝙎𝙑)

Jesu in, "A lawmte adingin a nuntakna a pia itna sangin a lianzaw itna kuamah in a nei kei hi," (Jn.15:13) na ci a, tua sangin i Lai Siangtho bulphuh in a gen pen lian-uap zaw hi. Eite mimawh i hih laitak mahin eite tanga si dingin Pasian in Khris hong sawl hizen hi! Jesu Khris pen a namteelte ading bek ahih kei leh mi hoihte ading beka hong pai hilo-in leitung mi khempeuh mawhna zong a maina dinga hong pai-in, hong si ahi hi (1Jn.2:2).

Jesu Khris itna i sanma nangawn in amah eite adingin hong kipia khinta hi. Leitung mi tampi in Khris hong itna thupi simlo ding cih theikhin napi amah in a itna lakin hong si veve hi! Hih bang lawmlawm a i Topa hong itna bangzah in lian ahi hiam! Thupi lua hi! Paul in, "Tua Pasian (Jesu Khris) in mi khempeuh Honpa hi a, a diakdiak in a um mite ading ahi hi," (1Tim.4:10) na ci hi. Hih zahta in ittaklote hong it a, hehpih taklote hong hehpihpa pen na Honpa in na sangta hiam? Na san nei kei leh limtakin Topa hong itna ngaihsutin na san ding i kideihsak hi. Topa pen Honpa in a sang khin sate zong na nuntakna in Topa a pahtawi theihna dingin ki-ap in.

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐚𝐧𝐠𝐦𝐚 𝐧𝐨𝐧𝐠 𝐢𝐭𝐧𝐚 𝐢𝐧 𝐤𝐞𝐢 𝐥𝐞𝐥 𝐭𝐚𝐤 𝐳𝐨𝐧𝐠 𝐡𝐨𝐧𝐠 𝐛𝐚𝐧 𝐚𝐡𝐢𝐡 𝐦𝐚𝐧𝐢𝐧 𝐥𝐮𝐧𝐠𝐝𝐚𝐦 𝐤𝐨𝐧𝐠𝐤𝐨 𝐡𝐢. 𝐍𝐚𝐧𝐠𝐦𝐚 𝐧𝐨𝐧𝐠 𝐢𝐭 𝐛𝐚𝐧𝐠𝐢𝐧 𝐤𝐨𝐧𝐠 𝐢𝐭𝐭𝐡𝐮𝐤 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!