NA THAHATNA THUGUK BANG HIHIAM? | NANG KOICI BANGIN NA KITHEI HIAM?

NA THAHATNA THUGUK BANG HIHIAM? 

Nisim Manna 

𝘽𝙪𝙡𝙥𝙝𝙪𝙝: 𝙏𝙪𝙖 𝙘𝙞𝙖𝙣𝙜𝙞𝙣 𝙁𝙞𝙡𝙞𝙨𝙩𝙞𝙖 𝙢𝙞 𝙪𝙡𝙞𝙖𝙣𝙩𝙚 𝙩𝙪𝙖 𝙣𝙪 𝙠𝙞𝙖𝙣𝙜𝙖𝙝 𝙝𝙤𝙣𝙜 𝙥𝙖𝙞-𝙞𝙣, "𝘼𝙢𝙖𝙝 𝙝𝙤𝙣𝙜 𝙯𝙤𝙡 𝙞𝙣𝙡𝙖, 𝙖𝙢𝙖 𝙝𝙖𝙩𝙣𝙖 𝙠𝙤𝙞 𝙡𝙖𝙞-𝙖𝙝 𝙤𝙢 𝙝𝙞𝙖𝙢.... " 𝙏𝙝𝙪𝙠𝙝𝙚𝙣𝙩𝙚 16:5

Samson pen thahat a minthang ahi hi. Humpinelkai ama khut bek tawh a thatzopa hi. La khaguk bek tawh a galte mi 1000 a thatzopa hi. A galte khuapi kulh kongpi leh a khuam nihte botkhia in a puakhia zopa hi. A galte omna innpi a do khuampite luai in a innpi kicim in mi a tul a sim si hi. Hih bangin Samson thahat takpi ahih leh a thahatna koi panin a ngah hiam, cih kan tak hi. Samson thahatna pen Topa' kha ama tungah om a, tua in thahatna a piak man ahi hi. Tua thahatna pen mihing hanciamna tawh ngah tawm ahilo Pasian in Samson' nu leh pa tungtawn in a thuciamte Samson in um-in a zuihna tungtawn in a ngah thahatna ahi hi. 

Tua mah bangin eite in zong i nuntakna ah gualzawh-lawhcinna i ngahna pen ei hatna hang hi peuhmah lo hi. Bang hang hiam cih leh Pasian panin hong kipan thahatna pen thanem a kisate tungah a kicing thahatna Pasian in pia hi (2 Kor. 12:9&10). Tua manin Paul in zong ka thanem ciangin ka tha a hat hi (v.10) na ci hi. Hih thahatna thusim pen thu-umlote in theizolo in lamdang sa uh hi. Tuni in thahatna hong pia Topa tungah lungdam ko ni. Bang hang hiam cih leh Topa tung panin lungdamna kingah a, tua lungdamna in eite hong thahatsak hi (Neh.8:10)! 

 𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐭𝐡𝐚𝐧𝐞𝐦 𝐢𝐧 𝐤𝐚 𝐨𝐦 𝐥𝐚𝐢𝐭𝐚𝐤 𝐭𝐡𝐚𝐡𝐚𝐭𝐧𝐚 𝐧𝐨𝐧𝐠 𝐩𝐢𝐚𝐤 𝐦𝐚𝐧𝐢𝐧 𝐥𝐮𝐧𝐠𝐝𝐚𝐦 𝐤𝐨𝐧𝐠 𝐤𝐨 𝐡𝐢. 𝐍𝐚𝐧𝐠𝐦𝐚 𝐭𝐮𝐧𝐠𝐚𝐡 𝐤𝐨𝐧𝐠 𝐤𝐢𝐧𝐠𝐚𝐤 𝐳𝐚𝐰𝐡 𝐬𝐞𝐦 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐡𝐨𝐧𝐠 𝐡𝐮𝐡 𝐢𝐧. 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!

-----------------------

-----------------------

NANG KOICI BANGIN NA KITHEI HIAM?

Nisim Manna

Bulphuh: Topa’ vantungmi ama tungah kilang in ama kiangah, “Topa in nang hong ompih hi, a thahat a vanglianpa aw,” a ci hi.  Thukhente 6:12

Gideon pen Pasian in thahat takin a zat mikhat ahi hi. Ama makaihna tawh mi 300 bek-in a galte uh tulza tampite do in zo uh hi. Gal kido lakah a thupi pen pawl ahi hi. Tua bang hitaseleh Gideon in a bultungin a thahat lam kitheilo-in kimuanglo hi. Topa' vantungmi in a hopih masak in "Topa in nang hong ompih hi, a thahat a vanglian mipa aw, " a cih in Gideon in amah a thahat a vanglian in kitheilo hi. Pasian in amah a muh bangin Gideon kimu lo hi. A taktakin Pasian in Gideon kiangah nang pen a thahat a vanglian a cih in a thahat hipah a, ahi zongin Gideon kiphawk khalo hi.

Tua mah bangin eite zong Pasian hong piansak ihih mah bangin amah in i thahatna hong thei hi. Jesu a um khempeuh in ama sep bang sep theihna ding kamciam i nei hi. Eite in Khris sungah a kiciangtan lo thahatna kinei hi. Ei kua ihi hiam cih i kitheihna pen i thahatna taktak hizaw hi. Gideon zong a tawp in Pasian' gen thu pen maan ahihna kiphawk hi. Tua mah bangin eite zong Pasian hong gen thu pen maan hi cih i muanngam ciangin gualzawhna taktak i muding hi.

Ki-apna: Topa aw, nangma sungah a kiciangtanlo thahatna ka nehna phawk a, nangma minthanna dingin ka kalsuan zawh na dingin Jesu min in kong ki-ap hi. Amen!