ITNA SULATNA THUPIPEN KHU HUN KIPIAHNA AHI

ITNA SULATNA THUPIPEN KHU HUN KIPIAHNA AHI
Nisim Manna

Bulphuh: Ka ittahte aw, athu maimai leh kamsiamin ki it sih vai, hinanleh nasep silbawl leh thutah in ki it zaw vai. 1 John 3:18.

Mihingte hinkhua ah, thupi leh manpha isahte tung ah hun itam pepen leng uhi. Mihingte damkum ding bikhiahsa ahiziahin ihun neisun manpha petmah hi. Sum-le-pai pen ahun bangjel a hawlmu thei zel ahi a, hinanleh hun manpha ineite pen ki-belap theilou, ki-khol theilou, ki-tutaang theilou, thamlouin ut in ut sihlei zong hunpen a liam zungzung mai hi. Tamte ziahin, mi koipou tung a hun ipiahpen manpha petmah hi.

Bangziah in adiai ichi leh i hun pen ei a ding in i hinna ahi hi. I bulphuh laisiangthou gen bangin tuni'n khat-le-khat a ding a i hun manpha iki piahtuah toh kiton in, athu leh alaa maimai a ki ittuahte hilou a, iitna gamtatna leh iitna silbawlte tawh khat-le-khat iki iitna uh sulang zo va ui.  

Tuaziahin i hunnei sun khu thupitah leh manpha tah a zat ding ahi tuakhu sil poimaw mama khat ahi. I hun neisun khu manpha tah i suahtheina ding in Moses in agen bang in "Mangpa pilna lungsim ka neitheina ding in ka damsung nite simdan hing hil in" chin eite'n zong Late 90:12 na a imu bang in Pasian kung ah ngeen vai. 

Ki-latkhiatna: Mangpa aw, ka hun nei sunsun te manphatah a ka innkuanpite leh midangte tung a ka piahthei na dingin Jesu Khrist min in kang ki-lan hi. Amen!