NANG ZONG NA PAIKHE UT AMA?

NANG ZONG NA PAIKHE UT AMA?
Nisim Manna

Bulphuh: Jesu'n sawm-le-ni te siang ah, "note zong paikhe nuam na hi uh ama?" achi hi. Johan 6:67

Tampen Jesu'n mi tampite siang ah hin tawntungna thu agen lai in mipite pen gintat bang hetlou in Jesu thugen ngaikhiat sangsih in apaisan zawta uhi. Tuaziahin Jesu'n zong nungzui 12 te siang ah noute'n zong hing paisan siang ding na uh ama chi'n adong ta hi. Tampen Jesu'n hing peisan uleh achina hilou in, nungzui 12 te tanpha in paisan nan uleh Jesu pen patau leh beidong tuan teuhlou hi, nungzui umlou a nasemtheilou chih na zong hituan teuhlouh uh hi chi na hizaw hi. Bangziahin ahi diai ichi leh Jesu pen a Pa Pasian toh tanlou kei a kizom den ahiman ua lungmuang petmah ahizaw hi.

Eiten zong theihlou kaal in i lungnopna leh bitna khu Pasian tung sang in leitung a sil umte ah kikoi kha nuam mama mai hi. Tuaziahin bang ah na lungnopna na nga ei? Bit na kisahna bang ahia? Tam leitung ah Jesu Khrist sung chouhchouh a muanna leh bitna kimu giap hi. Nang tam Jesu Khrist na nei tai? Laphua siam OK Suan in: Lungnopna kiching lungnopna, Jesu sung um hi lungnopna, Na nei chiang Jesu na nei chiang, Lungnopna kiching na ngah ding hi ana chi hi. Jesu pen mi ah kisamlou, mitam-mitawm ah buailou ahi. Amah pen i ki ningchinna ahi zaw hi.  

Ki-latkhiatna: Mangpa aw, na sung ah kiptah a ka um theina ding leh leitung nate ziah a ka paikhiatlouhna ding in Jesu Khrist min in kang ki-lan hi. Amen!