WAKE UP SONS and DAUGHTERS OF THE SOIL
WAKE UP SONS and DAUGHTERS OF THE SOIL
Pastor Dr. Dongza Thawng
Devotional No, 58 ( Vol 3)
Fellowship of Thirsty Souls and Hungry Hearts
Thirsty Souls Member te Happy FRIDAY!
"Where there is no vision, the people perish” - Proverb 29:18
Tuni Friday Jingkal hing musah Pasian min phat in um ta hen!
An Unhurried Life Geltu Alan Fadling in "God begins, without our help, his creative day.. God calls us to enjoy and share and develop the work he initiated. Creation and covenant are sheer grace and there to greet us every morning” (110) chi hi.
“The Hebrew mindset saw the day beginning with rest, not with work”( 110)
Adiah in tuni Friday Jingkal khu kipah huai diah hi. Sapte’n Friday khu nopsa seng in “Everyday a Friday” chi laibu tanpha um hi. Friday anop jieh khu monday apat na sem char char in Friday khu ani topni ahi. Maban a ni 2 off day in hing ngah china ahi. Tuni tah apat nasem lou a kitawl dam ding ahita hi.
Keizong tuni kipah vawt ing. Tate school kai tukal ading in ani tawpni ahi. Friday nitah teng in family movie etna ka nei uhi. Gospel sese hilou hi. Jackie Chan leh action, hindi, cartoon, comedy chi umlou in family a ka enjoy thei penpen ding uh ka teel ua nop tah in hun ka mang uhi. Tualeh tuni Khuainou KG 2 offer ka mu kia hi.
Tuni khu ni poimaw ahi. Lamka a ECT ah Dr Jangkholam Haokip te, Rev Dr Lalrosiemte, Rev Chungthang te lamkai na in tunin ECT hall ah pastor, missionary leh church leader mi lui (veteran) leh lianpi pi te tunin igam sung din mun, i maban a election ding toh kisai ah ki kupna leh thum khawm na nei ding uhi.
I gam sung hagau lam a i pate uh, kum tampi gua leh nisa ana thuah, I Zogam gammial gospel toh ana phu, Jin mang galdou a kum tampi ana pangte, tuni a retired hun uh, a kitawldam hun un,, ki tawldam theilou in, ei a tu atate maban ding a et chiang un, lungjin huai sa in, um maimai theilou in, hing kipan thah uhi. Toumun a adivsor maimai a pan hithei nonlou, “Kipatkhiah ngaita, bang e khat bawlngaita. Gal etet chi hinonlou” chiiin i nam paidan pen a etet chiang un datthei nonlou, chi jat huai, mulkimhuai, lungjin huai sa in hing kipan khia ahi uhi.
I nam lamkai kichite, UGs hi in, kumpi lam a palai ding a i teelte hileh nampi kuang atawl dan uh et chiang un i pai dan, i direction uh chijathuai sa uhi. Koi siampi, koi pastor, koi crusade speaker, koi retired pastor, koi missionary chi um nonlou in hing kipan khia, in hing au khia in, hing ding khia uhi.
Tunia ECT chapel hall a meeting na khu kipah huai leh thanop huai gualnop dan a meeting hilou a, maban ding khualna, shi leh hinn kal a um i gam leh i hina humbitna ding a Hagau lam gam a, hagau lam thu, Van gam lam thu mai gengen a hun mangten hing pot khia a, i gam leh i nam, i hina leh i maban humbitna ding a hing kipan khiate ahi uhi.
Janni tah in Delhi based Vision Lamka ten Zoom a thumkhawmna nei uh a, Jing ah ama uh saina in Zoom meeting thupi tah um kia ding hi. Alangkhat ah Mang Taithul in lamkai tuamtuam interview in, i gam lungjin huai dan mipite awareness pia hi.
I gam dinmun, i maban lungjin huai dan, tulai tah a i nam lamkai kichite leh mipite thakheel a i palai neite uh tung ah lungtun lou dan leh i Lamka khuopi ua kolte/vaite tamdan leh adang thiltampite i et vengveng chiang mipite leh maban mu lamkai te um maimai theinonlou hi. Aning aning ah sou luplup in bawl theithei kibawl dan hita leh kilawm hi. Ahoi hi. Hibang a i gam leh, ihina leh i maban, i khangsawnte ding I ngaipoimaw lou theilou ahi.
2016 in amai ua i tangval hangsan 9 te luang ki jam kawm kawm in zong ina taimang ua, i nua ngatsan ua, i tummang siang kiata uhi. I tate luang 9 in hing thousah jou nailou, Hing gawmjou nailou, Hing jausah jou nailou hi. A luang uh i mai a umum lai in zong i bawlngei ma bawl kia in, ki lep mang in, i lungput neu ma i pua kia ua, i nambing, i ham i pau leh eima interest ma i chi i kia uh hi. Matyr 9 te chiin a statue te uh lim kilah pi ding a hoi maimai din mun kheel i tung sih uhi.
Tu kum 5 jou in Chance khat mu kia hilei kilawm hi. I Siampi ten i nam pai dan, i lampi jui uh a et chiang un hing en jou nonlou. Ama uh sep ding zong hilou, ama uh toh kisai jong hilou, ama uh line zong hilou na pi “Do and Die” lungtang pua hileh kilawm in hing kipankhia mawh uhi. Tunia meeting ding hing ki sawm dan ka et leh movement thupi tah khat hing piangkhia leh kilawm ka sa hi. I milui, i nu i pa uh pastor retired chia i thei phah nonloute un tunin front line ah ahin na uh phal a hing ki lui a, hing makai ding hileh kilawm ka sa hi.
I nam makai, i palai teelte'n asep ding uh sem uleh tunia siampi siangthou Van lam leh Hagau lam thu hing tangkoupi a, tangtawn hinna lampi a hing pui dingte tunia nam leh gam thu, election thu a ang kisahla uh ngai vawtlou ding hia maw!
Christians in Public kichi whatsapp group ah ka pang kha a, tua mun a pastor adiah a veteran te hamdan leh sousang dan ka et leh hasiet huai sa a, chi mul thaw huai kasa hi. Kum 30 sung a I nam toh kisai, I nam din mun toh kisai, i nam lamkai, i political leader kichi ten ahing puidan uh, tu dinmun a ahing tut dan uh, lungkim leh huntawh sa hi uleh hibang in hing thou khia lou hial ding uh hia maw ka chi hi.
1970s apat tu 2020s tan a tahsa inten loute'n development lam hilou a, nam toh kisai a i status uh a kikheel, a masawn bang a um tai chi khu mi mawl pen in zong i thei theih uhi. Eg 6 Schedule kichi ka neu lai a CDSU ten ana gengen uh tuni tan a ki nei nailou dan ahi. Tunin kum hijat politics isai nung ua aniam pen 6 schedule zong a tang nai lou ihi uhi. *Gen ding bei a kichai vawt chilou gen ding dan umlou hi. Tuabang ahileh khoitah e khat adihlou china ahi. Tua adihlou pen i bawlphatlou leh a ngeingei hi tawntung ding china ahi.
Tunia koi group, koi movement hileh zong ithei ding ua ka dei, i pilvang ua, i ki veenna ding ua ka dei leh, ka na jausah pen khu:
NAGA 100 a ki meeting leh IDEA khat piang, KUKI (Non-Naga) Mi 3 A ki khop leh IDEA 4 piang chi khu ahi. Midangte hing gen khum ahi.
Himi ki thutuahlou na hagau in hing veve non da taleh. Himi ki tuahlouan a hagau in ih meeting nate uh hing ve dan in, munnei da ta leh, Mimal koima himi hagau in hing vop da ta leh chi ngutngut ing.
I ngaidan teng kibang kimlou maithei, i tupdan, i saidan jattuam maithei, Ei ham kibatpi leader hi seselou mai thei.. abang abang hita leh zong i nam leh mipi ading a hoi ahi pou leh aneu neute, ngaidan leh dei bih nengnengte mang hil in i maban ding khualna in mimal leh nambing interestte theilou ki pang in mailam nawt phot vai.
Tuabang lungsim neu hun khu beita hi. Tua hun lai khu i paisuah ta, ki nusia ta, ki kheel ta, hun paisa hita chiin puan khum ta vai.
WW 2 lai a Germany a Hitler leh Nazi ten Jews te abanban a ang zial lai ua, church te ana ki kaang koi dan leh ana gal et dan uh attitude en zual vai:
And I did not speak out
Then they came for the trade unionists
And I did not speak out
Because I was not a trade unionist.
Because I was not a Jew
Then they came for me
And there was no one left
To Speak for me.
-Pastor Martin Niemoller
Tuni i message pen thirsty souls chi ding a hagau lam hiseng lou hi. Ahiin Lamka a ECT a ka pastor pi leh hagau lam a milui te ka support etsahna leh kei zong ka umna ah thei tawp in ka na pang chi etsahna a hibang thuteng ka hing kup ahi.
Mangpan tunia ki khawm te leh I gam, i hina, i maban gel khawh a thum leh ki pawl khawm te hing pui jel ta hen!
Shalom Zogam!
Topa Thupha
No comments