What is Not the secret of Samson?

"What is Not the secret of Samson?"

Pastor Dr Dongzathawng

Devotional # 20 ( Vol 4).

Fellowship of Thirsty Souls and Hungry Hearts

Thirsty Souls simtute Mangpa NI Jingmawng pha chivai eile!

I dam Chiat na uh maw?

Tuni khu nang ading a nihoi mama khat Mangpan hing suah sah ta hen!

Pentecost Day Chibai!

TUNI TOPIC: "What is Not the secret of Samson?"

Text: So Delilah said to Samson, “ Tell me the secret of your great strength and how you can be tied up and subdued” (Judges 16:6)

“He woke from his sleep and thought, ‘I will go out as before and shake myself free”. But He did not know that the LORD had left him.” Judges 16:20

Introduction:

Pasian thu SAMSON Thuguh HILOU khu Bang e? Chi a ilut ma in thuma pui i gam tanchin neu khat houlim jel vai. Khuma in kei Monday apat sungkhua in lupna ka ngah hi. Drift 2 vei ka kikhai a, tujing kal in zong ka chau nalai hi. Biah inn zong kai jou nai lou ding dan ka hi. Sungkhaw gim huai dan dan ka thei vawt hi. Tuin zong jawi sasa ka hing gel hi. Chim huai seng seng tou tou, lup lup zong gim huai hi.

Tulai the Secret of CCPur laibu ka en en a thupi na mai Jen e. Shillong pumpi a eimi te himi laibu leiding a ka toh toh hang in ekjuah ka bang hi. Hibang a ei lah ngawi ngawi apat a mi lawching, mi manpha, mi fel hing piang doh te tanchin sim ding hijat um zong sim sawm lou te ihi. Ka sim khah sa Rev Thangngur tanchin mai mai zong WORTH buying hita. SP Sangliana tanchin bang a thupi e aw. A min a MOVIE 3 hial kibawl pan tanchin bang thei be ut huai hi. Tanchin manpha, thil manpha khuat khiah khiah ding tampi um hi. Waking Robert tanchin khu koi scholar teng gel san in Thanggure tupa gel pen ah thu ki phual tampi ki mu hi. Ih Coleman uh lungsim siet dan ka thei khia hi. I gam pumpi hing buaisah hi. Ki nam khenna, ki pawl khenna haichi I gam a hipa hing tu hidi dan aveleh. Himi sim kha ten lei tei tei vo. 

Hibang very very resourcefully book khu tuni tanin eimi Shllong pumpi ah mi 2 in hing lei Ngam pan hi. A value thei lou mama uhi. Da huai vawt.

Tualeh himi lekhabu jattuamna khu kum 10 val project ahi a, nam tuam tuam, ham tuam tuam khen lou a CCPur apiang jou sie huam a ki bawl ahi. A pualam zong hunkhop ki hal hi. A bawl ten kum 10 val leh sum tampi lut a bawl, a mipi ten  himi goumanpha hoi dan thei nai lou.

Alangkhat ah Dr Mark Haokip tungtang a mipite a ki bil daw daw lai in leh thawmhau leh lungthah tah a i um lai in Aizawl apa tin ZORO ten thusuo khautah hing sua uhi. Lungmuan huai in tha nga huai mama hi. Keimu dan in khawl sawt sawt, kinim nim lou a MIzonisation i buaipi kin uh hoisa ing. I Maban ding uh lampi dang um mong mong sih, A um leh lah athei ten hing ngaitua kin uhen! Ken vang thei sing. 

Hibang a Dr Mark toh kisai a ibildaw lai in Ei Zo suante sung mama a  nam leader tuam tuam eg Hmar group leh Thandou group in  CM pu, (eite hing soisah pa-i pu pa gamteng hing dugaw sah pa) maipha en in,  kipapina  va bawl uh.  CM pa bawl a inkuan khat apa amu louna uh ni 10 ching hita. Alangkhat ah tua eite hing soisah pa va kipapi a amai pha va en man pawl tuam tuam um veve. Bangchi a, bang hun a, bang Jieh a chi zong va sui pei sing. Ka gen ut chuh lamdang sa vawt sing.  Hibang chiin dan eimi te ngeina in koi mai vai.  JIngchiang in adang khat ing kap ding a, akap lou te ina lam jel mai ding uhi. Akap te ama uh guah in kap kap va un, thuah thuah va un, Adang ten igal et jel ding uhi. Tuachiang adang khat ing kap jel ding ua, ing thuah ding ua, akap lou ten ana gal et in, ina kipapi jel mai ding hi.  

Eimte pi ka et et leh British sepai tomnou khat in India gam lian pi ang op khum thei bang ihi. Ajieh pen Great Britain apat  sepai tampi angpui uh ngai lou hi( 10000 vel chouh chi uhi). India te sum pie leh india te ma that ding a a ut ut in jang thei uhi. Jalllianwalabarg Massacre huaise taha General Dyer in mi vantang 1300 thau in hut lum hi. Tua khu  Sapkang khat in India mi hujat a hut lup hilou hi. India sepai te ma  sum toh agoi a  tha lup  sah china ahi.

Eigam zong mailam ah DR Mark bang bang dang te man ding in Manipur police ngai non lou dinga, Martyr 9 te hut lum ding in phaijang police te ngai non lou ding hi. Ajieh pen ahat hat lam maipha en ing kitu ta ding uhi. Phaijang mite singtang a hing kal a gam ang lahsah uh ngai non lou ding hi. Ajieh pen eimi te mama Ama un ahing jang ta ding uhi. Sum leh mimal hamphat na ding et na Jieh a  I nam, I gam , Ihina ki Juah jung jung ding ihi ta hi.  Hilam hunsah vai. Pastor gen ding in val sim ta. I lungthah na sang giep.

Himi ahi the true colour of Zo people of Manipur.  

Hunsah vai, simlei vai gen gen lei lungthahna ding tam seng.

Tu in I topic ah lut ta vai: what is not the secret of Samson and what is the secret of Caleb chi ahi. 

What is not Samson’s scret?

Joseph Prince in alaibu “the Prayer of Protection” ah “In all the portrayal of Samson, he is always depicted as a massive and muscular man. He could have been small and scrawny, but endued with the supernatural power and might from God” (138) chiin Ana gen hi.

Agen umjie khu Bible a Samson mihat pa lim ding  i ngaitua chiang, Salian ding, tha hoi ding, gum mel ding, apa apa mel ding in ki ngai tua hi. Adih ahi. Mi neu ding, mi Gawng ding in ki ngai tua ngai lou ma hi.  Himipa gel dan a chuh Samson khuchi Lawm Lawm a hatmel, gum mel lou mai thei hi. Mi neu, mi Gawng, mi van tang nang leh kei bang mai ma i zong hi thei hi.

 I thei ding khu Samson hatna thuguh khu atha hoi masal hoi hi lou hi. Pasian Hagau Siangthou in hatna toh athop ahi jaw hi. Tuami a keptup siam na ding in kichiamna khat um hi. Tua pen a sam asau sah ding. Koima ahil lou ding ahi.

Samson boldoh jat khu mihing bawl ding malah tulai JCB in zong ajaw lou ding khop ahi. Gente nan Hebron kulpi Gate bot khia a, taang vum ah va koi hi. Humpi bahnei khat kel nou bang a bottel jou hi. Fox( Si-al)  300 man in amei ua meisel toh khankhawm jou hi, sepai 1000 donkey Sagu mai jang in  that jou hi. A shii ding kuan in  mi 5000 lam kikhopna theina buidling sawn puh jou hi. 

Hibang bawl jou ding khu thalet leh thahoi jieh hinonlou hi. Thahoi leh let Jieh in chuh mi 2/3 jaw nop na ven. Ahia Samson bawl tan bawl jou na ding in mihing tahsa hoi leh let  kheel lam ahi ta hi.  

Brucelee in a muscles khu thupi bawl in a hoi thei Bang in kem hoi hi. Ajiehpen a tahsa khu a thuguh himai hi. Tulai actress leh actor leh sport star ten a tahsa uh hoideu in kem hoi ua, neh kisum uhi. Ajieh pen Atahsa etlawmna, leh hatna jousie khu a muthei, atahsa pum uah um himai hi. Ki lang siang ahi. Thuguh tuam nei lou uhi. A tahsa akep siamlai sia uh mel hoi ding, hat ding hi Mai hi. Samson apan tua bang hilou hi. Muthei leh pualam ah um mong mong lou hi. Hih ahi akibatlouna uh. 

Tunia I gen ut khu Samson hatna khu a tha a, amel ahi sih hi. Pasian Hagau in a um pi ahi. Ahiin achatvai jieh a Pasian Hagau in ang nutsia jou in  ama zong midang toh aki khietna um non lou hi. Naupang khat in kai mai mai jou ta hi. A kilamdangna khu Pasian Hagau umpin ahi.Tuami ahi jaw hi a thuguh. A samsau  khu a chiemtena ahi .

Tuin Samson thuguh Hilou khu bang ahiei chi i thei ta maw? Pualam et leh tahsa etlawmna hi mong mong lou ahi.

 Tulai ei Lamka ten ingai sang uh: thugen te pastor te zong et Lawm ding, smart ding, sap ham siam ding, lasah zong siam nalai ding, talent nei ding chite i ngol pi uh ahi.

 Pualam et a ki Lawm, ngai saang huai, muan huai ding chi khu i et lai un Paul in Conrinth te kung ah “I came to you in weakness and fear, and with much trembling. so that your faith might not rest on men's wisdom, but on God's power.” (1 Corinthians 2 :1).

Corinth hattuam ten Paul thugen amu dan uh: 

“His letters are weighty and forceful, but in person he is unimpressive and his

speaking amounts to nothing.” (2 Corinth 10:10). Hia “nothing” pen  mundang ah “worthless” kichi nalai hi. 

Mihing leh pualam et a chuh Paul pen unimpressive ahi. Aki chaivawt ahi. Tualeh amel mai hilou a aw suah leh a personality leh a preaching dan mong mong zong “lah ding um lou, jil ding um lou,” chi khu angai khie tute comment ahi. Hibang kal ah ama ma in “jau leh ling kawm in ka hing pai ua nalah uah ka um uhi “ chi nalai hi.

Ahileh tuni hing gen uale? Paul in bang asem khie ei? Roman Empire khu Gospel toh ki ling sah pa ahi. Tu in hing gen kia aw leh  Paul thuguh hi lou khu bang adiei? Ei ten ingai poimaw mama, i thuguh ding a hoi isah te uh khu aman khat zong nei non lou hi. Jong dei lou in poimaw sa lou hi. Ajieh pen Aman  athuguh kithei mama a, tua khu a hinna toh kep tup sawm jaw hi. Nang leh kei gente aman thupi sa nonlou hi.

Tunin I thuguh ding I buaipi ma in thuguh Hilou, Thuguh ding a poimaw lou te i thei khiah a, i lahkhiah a , ithupi bawl lou ngai hi. I thuguh lou i thei phot ngai hi. Na thuguh lou ding pi na pi bawl a, na hun teng na piah leh na chin tup a, na kep tup a, na humbit bit jieh a na thuguh tah tah pen mukhie thei lou na hi. 

Tunin I thuguh lou buaipi in ihun i thah teng subei sih vai. I thuguh khu sui khia in  i hinna toh humbit in  kem hoi vai. 

Warren Wiersbe thugan toh khah vai. 

“In the Christian life, weakness that knows itself to be weakness can become strength, but strength that know itself to be strength will eventually become weakness”( Too Soon To Quit, 130)

“I Chrisitan hinkhua a I hatlouna kithei a, tua mi pansan in  Pasian hatna sui sui  lei tua ihat louna khu i hatna thuguh hing suah thei hi. Hing suah ding hi.  Alang khat lam ah, I bawltheina khu ki muanpi khah a, tuami khu ithu guh dan a koih khah a, tua i hatna, ibawl theina khu I hatlouna or i manthaina  hing suah sah thei ahi” Samson in ahatna kisuan pi a, Pasian apat ahilam thei lou in, mahni tahsa dugawlna suh buchingna ding in jang hi.  Nungah toh kimawl na in jang hi. Tuajiehin ahatna khu ahatlouna hign suah mai hilouin amanthaina suah hi. 

Paul in ahatlouna khu Pasian belna in leh Pasian tung a aki pum ngahna suah sah a, tuachiin Pasian in himi mihatlou pa tung ah a silbawltheina thupi tah koi a, Roman Empire Gospel toh jou sah hi. 

I hatlouna kithei khu i thuguh hoi tah sua sah thei ahi. 

Tunia I gen ut pen khu I thuguh lou pen khu mu khia phot vai:  Bang ata diei? Iki smart sahna, i ki hamthei sahna, i ki lamkai siam sah na, I ki bible siamsah na, i ki thugen siam sah na, i aw hoi, i lasah siam, i mel hoi, i duang hoi, i dam theina,  i vai hawm siamna, I Bible theina, I foreign Lawm nei te, I lai theina, I sumhau,i bank saving, I Lawm hau, i mel thei hau, i nei i gou, i inn sung background, mite hing ngasangna, mite hing jatatna, mite hing ngaina, I talent, I theina, I pilna, i experience, i lawchinna, i tate lawchinna,  leh adang dang te  hi mai thei hi. 

Hiteng teng khu tanglai  JACOB bang a i shi sah a, Cross a I KHET-LUP sah ngai ding hi. Hite i thuguh ihisah jieh in hite kepbitna ding in ih hunteng i tha teng i pia hi. Tuajiehin i Thuguh tah tah jong i thei jou non sih hi.  Hite FAKE secret ngen ahi. Himi fake thuguh teng khu i Koina mun siangthou apat a hing lah khiah a, ing phou khiah a, ing suah khiah chiang I thuguh tah tah hing ki sui thei pan ding hi.

I van gil tah tah i sui tah tah ciang a i van dang teng i hing  suah khia bang ding ahi.

A next a pomaw khu I thuguh tah tah bang ahi chi I jonkhiah Ngai hi. 

Tua a poimaw lou khu ithu guh in koi sih vai in  I thuguh tahtah bang ahiai chi mukhia in tua khu i hinna phal in kemtup, chin tup sawm vai.

Na thuguh tah tah khu ki phual phual phot ahi na mu louding in. Adang teng asiang tahtah ta chi athei ma in na thuguh tah tah khu hing ki lang lou ding hi. Aman hing na en gige hi. Nainou a um jong hithei hi. Ahilou leh gamlapi leh thuuh tah a kiphual jong hi thei hi.

Mangpa’n tuni i thuguh lou te mu khie thei ding in I Hagau mit hing vahsah ta hen!

Topa Thupha!

Next ah “The secret of Caleb?”