THESE ARE THE ONES I LOOK ON WITH FAVOUR

THESE ARE THE ONES I LOOK ON WITH FAVOUR
Pastor Dr Dongzathawng

Devotional # 49 ( Vol 4)
Fellowship of Thirsty Souls and Hungry Hearts

Thirsty souls simtute ittah te!

I dam chiatna uh maw?  Shilong Vangkhuo vot ngiu ngieu apat in Jingkal pha! Pasian hepina jingkal teng ah thah jingin na hinna hing nousah in hinghal sah ta hen!" Tuni khu nang leh na inkuan te ading in kipahni hing hisah ta hen!

Text: “These are the ones I look on with favor: Those who are humble and contrite in spirit, and who tremble at my word” - Isaiah 66:2

INTRODUCTION: 
2022 kum bei kuan lam in ka inn sung uah thil a asial a sial ajat jat aban ban in hingtung hi. 2022 kum  hing mu da sah ut phial hi. Khujieh in kum tha 2023 ngah la mama na pi alit in ka lin uhi.

Hinanleh Pasian in hing na kipah sah ut seng seng a hibang lung jinna, guam kuah, leh  mial lah hing tawn sah masa ana hi hi.

January 20 nitah in Pasian in NEW BABY BOY hing pia hi. Tu in Ta nu 2 tapa 2 te PA ka suahta hi. THUPINA MANGPA KA PIA HI. Mihing ngaituana leh duthusam in abat lou Pasian hoina phat phat chilou gending um non lou hi. Taanglai "Naomi bang a kaana leh lusuun suunna pa tin gualnop gualnop hun hita hi.

Pasianin tapa ahingpia jieh a ka phat phat lai un.. janni ka tanu neu pen Rimoi *admission  test* 2022 November lai a kibawl khu a result ka va et leh  ana suah in select ana hi na lai hi. Ka pa ta un kipah sengin a mun a ki dom ua, ka diang diang uhi. *Pine Mount School pen ahoi mai hilou a, fee um lou* hinalai hi.  Tualeh a u-nu kaina ahi sawn sawn hi.

Pasian in atate thupi deu a akipah sah ding chiang in jan mial, tuipi leh mei kuang lah  ah pui masa hi chi avel vel in ka thei tha hi.

TOPIC AH LUT TA VAI
Pasian in Deisahna toh A Et Jing te koite adiai? Or Pasian in gualzawl ding leh a van jat ding a sui sui te koi to bang te adiai”

Apaisa Mangpa ni in sermon ding ka hi. Hospital apat biah inn a sermon a kuan ding khu ka bawl ngai chi hilou hi.  Tuamai hilou in lungsim hing gih sah thil tuam tuam inhing vuh hi. Ka hagau jong thou doh thei lou in op den hi.  Abang bang hileh chiin ka loiten  theisiamna toh  inn a va giah ding in hing sawl uhi. 

Inn ka tun in Ka tahsa leh ka lungsim nang bial bual seng ahi chiang ka kisil khia a, ka tate  inna nai nou a,  KFC a thil neu nou nou neh sahin ka va ki hui ha hi. Ka tate toh ka ki thua a, ama uh kipah na in thupi leh lamdang tah in ka tha hing thousah in, awl awl in kang hal khia hi. Naupang toh hun jat khawm in magic um hi chi ka thei thah thah hi.  

Nitah jaan lam in ka sermon ding kang pan thei ta hi.
Jingkal matah in ka buaipi kia in atawp in ka projection toh ready in Biah inn ka juanthei ham ham hi.
Pulpit a ki ngam la leh chau kisa tah ka tou lai in ka BIBLE ka va phet leh Isaiah  66:2 ah direct ka mit ah hing kilang hi. Adang jong mu lou in hi Bible chang mai in ka hinna sungnung lam ah hing lut in ka hagau hing kai thou hi.

These are the ones I look on with favor: Those who are humble and contrite in spirit, and who tremble at my word.”* Aw Pasian houpina aw jah jel nop hi na mai jen e! Tua chiin aban ah himi belap na in adang khat hing ki kou kie hi. 

Isaiah  57;15: For this is what the high and exalted One says— he who lives forever, whose name is holy: “I live in a high and holy place, but also with the one who is contrite and lowly in spirit, to revive the spirit of the lowly and to revive the heart of the contrite.”

Ama’’n a revive ding te khu hibang mite ave leh maw chi ka ,mu a, kei zong revive ngai mama, tah mama ka hilam ka ki thei a, hibang a revive ding te lai a ana pangkha chi ka ki mu a kakipahmama hi. 
Hitegel ka sermon masang a sim in aban chuh Pasian Hagau pui dandan in kapai tou thei ta hi. Sermon top in alter ka bawl a mi 10 lam in pulpit lam hing juan uhi. Mangpa min loupi ta hen!

Tunia igensawm khu achang ah Pasian in atate, asuah pa -te vul dil del, jawi dil del, gawp dil del, tual a mat in sermon ding zong ki ngap nonlou, lutang zong dawm sang jou nonlou, mai mual leh lung sim gihin koi jel hi. Ajiehpen AMan deisahna toh gualzawl ding leh van jat ding a a et kawi kawi te khu tuachi bang mi te anahi jel hi. 

kingai niem, lungsim liang vai, ki ngaisie, hatlou kisa, tasam kisa, gualel kisa, khiel kisa, siang lou kisa, ching lou kisa… te khu Pasian in deisahna toh a et te hina ding a qualification poimaw te ahi. Gualzawlna in thu pi tah a ahing vuh lai in, kipah a diang diang ding lai in zong i lung sim leh hagau ah Paisan mai a, kiniemkhiah a, mahni lung tang hasie leh ki sia ngut ngut in chit kisah lou na ngen in i dim thei hi.

Tulai bang Hattuam council,LCC, assembly leh khawmpi lai ahi. Pasian in ahattuam siang thou pui tu ding leh siam pha ding , lampi dih a pui ding in hibang lamkai deisahna mit toh en kawi kawi hi.
Chin kisa seng, ki muang mama, leader chin louding launa hagauin athop leader i tam seng ua, tuaten a vote campaign bawl, party hau kisa te i hattuam te hing pui jel ding hi. Ajieh pen aman a mipi te lai ah atung a a mi et kawikawi te mu non lou hi. Mu ma leh zong mipi te’n mu thei non lou hi.

Tunin hattuam LCC leh Pawlpoi council te ah koi kai in koi in vai hawm buai pi sing.
Mangpa’n tu khang i society kisie dil del, a hattuam china leh dam lou leh kengbaibang pua pha ding leh bawl pha ding in hibang mi en jing na lai hi. Isaiah 57 ah tua chi bang mite lai ah ka teeng ding chi hi. BIah inn hoi, office thupi, Budget tam, thu gen siam, degree hoi, USA return tam, hattuam changkaang, music siam, nam ki thutuah etc te lai ah ka teng ding chi lou hi.

 
Isaiahg 57:15 a Pasian in lah uah ka um ding, ka umpi ding achi te khu:
1). With The one who is contrite
2). Lowly in spirit
3). to revive the spirit of the lowly
4). to revive the heart of the contrite

Hibang din mun a i um khah leh aman hing REVIVE- suhal, siamtha, nou sah thah ding ia achiam te lai ah i pangkha hi. 66: 2 Pasian in deisah na toh a et kawi kawi te khu: who are humble Who is contrite in spirit Who tremble at my word Mangpa’n hibang deisah na toh a et kawi kawi, a jawn kawi kawi te lah apang kha ding in kising sa vai. Mangpa’n a um pi ding a chiam te leh suh hal ding a a thuchiam te hithei ding vutvai lah a kile kia vai!

Mangpa’n tuni mama in A Hagau Siangthou in a THU a Kammal jang in hing ve ta hen!
Topa Thupha!


next ah : Lawchinna khu Hamsietna  leh i manthaina Suah Thei hi