NA INN AH CIAH IN!!

NA INN AH CIAH IN!!

NA INN AH CIAH IN!!

Nisim Manna 

𝘽𝙪𝙡𝙥𝙝𝙪𝙝: " 𝙉𝙖 𝙞𝙣𝙣-𝙖𝙝 𝙘𝙞𝙖𝙝 𝙞𝙣𝙡𝙖, 𝙋𝙖𝙨𝙞𝙖𝙣 𝙞𝙣 𝙣𝙖𝙣𝙜 𝙖𝙙𝙞𝙣𝙜𝙞𝙣 𝙗𝙖𝙣𝙜𝙯𝙖𝙝 𝙩𝙖𝙠𝙞𝙣 𝙣𝙖 𝙝𝙤𝙣𝙜 𝙨𝙚𝙥𝙨𝙖𝙠 𝙝𝙞𝙖𝙢, 𝙘𝙞𝙝𝙣𝙖 𝙩𝙝𝙪 𝙫𝙖 𝙜𝙚𝙣 𝙞𝙣, " 𝙘𝙞-𝙞𝙣 𝙖 𝙨𝙖𝙬𝙡𝙠𝙝𝙞𝙖 𝙝𝙞. 

Hih thu pen Jesu in dawivei mikhat, inn-ah zong omlo-in han lak khawngah a om, Dawi in a bawlsiat mipa hi a, a mipihte'n zong damkikzo nawnlo dingin a ngaihsut uh ahi hi. Hih dawiveipa sungah Dawi a honpi in lut ahih manin hat mahmah hi. Tua bang ahih laitakin Jesu in hihpa sunga Dawite hawlkhiat sakin, tuapa hong pilkikin, a puante silhin, Jesu kiangah a omna a mipite in hong muh uh ciangin lamdang sa uh hi (v.35). Tua mipa zong a damsiangna lungdam lua ahih manin amah a damsakpa Jesu tungah lungdamkohna in paina ah zuihsawm a, ahi zongin Jesu in a inn ah ciah a, teci pang dingin sawl hi, cih i thei hi. 

Mitampite hih Dawi veipa tawh kibang hi. Jesu' damsakna ngah leh lungdamlua, a nasepna (ministry)ah kizang nuam pah, gospel paipah, miteng hawmthawh, eibek a piangthak a kimu cihte a baih mahmah thu ahi hi. Jesu in a damsakpa kiangah kei hong zuilo-in na inn ah ciah inla, na inn pan kipan in, aci ahi hi. Tuni in eite'n zong Jesu hong damsakna tangthu kinei ciat ding a, tuate pansan in ama nasepna teci panna, ei inn ciat pan kipanin a banban ah khang toto ding i Topa in hong deih hi. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐨𝐧𝐠 𝐝𝐚𝐦𝐬𝐚𝐤𝐧𝐚 𝐧𝐚𝐧𝐠𝐦𝐚 𝐝𝐞𝐢𝐡𝐧𝐚 𝐛𝐚𝐧𝐠𝐢𝐧 𝐭𝐞𝐜𝐢 𝐤𝐚 𝐩𝐚𝐧 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









No comments

Powered by Blogger.