THE GIFT OF PAIN -part 1
THE GIFT OF PAIN -part 1
Pastor Dr. Dongza Thawng
Devotional no. 65 ( Vol 3)
Fellowship of Thirsty Souls and Hungry Hearts
Simtute, Mangpa lungmuanna na tung ah um ta hen! Mangpa ni Jingpha! Tuni khu nang adinga Pasian in thilhoi tah ahing tunsah ni hita hen!
“This message is dedicated to all covid 19 victims” Tuni Message khu Covid 19 vei kha teng teng tung ah Dedicate i bawl hi: Simtute lai ah Covid 19 vei kha teng anuai ah signal hing pia vawle.
Kei zong corona ana vei man ka ve leh. Khoi a ka la, bang chih ni a ka vei pat ka thei jou sih hi.
Ka sep ngai ma sem a ka umlai in ka smell ana bei hi. Ka silgim jah theina ana bei hi. Kei a pen a hat lou mama a, Mild mama ana hikha hi. Hinanleh kal 2 ka kikhum a tu in zong ka chau na lai hi. Severe tah a thuah te hamsat ding dan ka ngai tua leh enkawltu nei lou a kikhumte hepi huai ta lua hi.
Ka kikhum sung in ka ta nu Jemima in niteng in poster leh drawing hing pia hi. A neupen Rimoi in kot biang ah hing houpi jel hi. Ka tapa Levi in thums-up hing bawl jel hi.
Ka taten ka kim a um a miss uh toh ken zong ama uh toh kithua ka miss khu hamsa pen hi. Inkuante support lou a thuahjou ding chi hilou hi.
A lamdang leh ahing hatsah pen ahileh ka ji in hing muang top hi. “A dam hita teh. Na laibu sim ut man a ki khum hi teh. Hing pot khia tan. Corona hisih teh” chiin hing houhou hi. Ang laulou dan, ang ning bawllou dan ka gei lah ah hangsan tah in hing um a, tamvei pi ka naw khia hi. “Aw hibang hi e maw nupa kichi” chi ka mu khia hi.
Tuate khu ang suh hatna ding a agen maimai zong hilou in. A lungsim tahtah toh agen ahi. Ama pen 100% original ahia, Bawl tawm leh kamsiem neilou himhim ahi. Tuabang a hing muanna in ka emotional hing boost up (su hat) mama hi.
Ka damkuan lam in Pharmacy ah Test kit va lei in avelvel in hing test hi. A lungsim taina tan in hing test hi. Avelvel a negative result ka mu nung in zong hing test phapha nalai hi. Kei gintatna dingin. Kei lungsim ang jawna ding in.
Tu in Covid kichi chi vei kha pa… himi natna bang ahi theipa Pastor khat ka hi mai a wounded healerte lah ah pangkha ding ka hita mai a hibang a gualzawna hing pia Christ min thupita hen!
Tu in I topic uh THE GIFT OF PAIN chi pansan in houlimta vai ele. British Missionary Sergeant minthang Paul Brand leh Philip Yancey laibu bawl khawm “the GIft of Pain” leh “The Image of God” chite ipan san ding uhi.
Amasa in Medical Doctor a Pasian gingta loute lamdang sa ing. Mihing tahsah ki siam dan neukhat i sim maimaite'n zong Pasian khutbawl lamdang dan hamtheilou in hing umsah jel hi. Tualeh Scientist te'n Pasian umlou achi thei uh lamdang ka satalua hi.
Singkungte, pahpete, haichite, leinuai a thilte, Tuinuai a thil leh ganhingte, Ahsi leh Hate, Nisa leh Vantung lam a thilte, Tuipi leh Huikhua a thil umte neunoukhat i theite'n zong lamdang sahna in hing dimsah hi.
Kou theologiante sang in Medical Dr te leh scientist ten a lungsim uh ahon ngeingei uleh Pasian thupina practical in mu jaw ding uhi. Kou theologiante'n a theory a ka jil uh pen ama uh te'n a practical in tham thei, muthei in jil uhi. Ahiin tuni hilamte gen nailou in ki sumphot vai.
Hibang a Pasian thilsiam lamdangte thei sasa a Pasian pulah utloute imu chiang mihing lungsim vang a gilou mama hi e maw chiding in um hi.
Hitoh kisai thu teng khat toh khah phot in i topic ah lut vai: Scientist te lah ah a tungtuang pen a kigen Isaac Newton Sir in “In the absence of any other proof, the THUMB alone would convince me of God’s existence"( The GIft of Pain, 107).
Scientist te pa Isaac Newton in thildang tengteng umlou leh zong mihing khutpi maimai apat in Pasian um chi ka gingta ding” chi himai hi. Unaute khutjung maimai kisiam dan apat in Pasian thupina mu thei dan ahi. Awl lam chiang hite gen ta vai.
Paul Brand in operation bawl chiang a Khutpi (Thump) aman phat dan gen hi.
Tutung covid toh kisai a jingkal khat ka Coffee nam hat mama, nam kang jahlou phet in, thildang tampi ka nam a, ka jathei tasih hi. Himi khu covid proof na hoi pen khat ahi. Hitang, khu, khawsih, naptui, tahsa pum na, lutang na chite khu thil tuamtuam jieh hi thei hi. Ahin thil nam jahna bei kichi chi covid chilou in vang mama hi.
Pasian in ahing piah thil nam i jahtheilou chiang i tahsa a ding a hoilou hui hoilou, thil gimsiete zong namnam, hip lutlut ding in ii tahsa sung lam ading a sietna tampi zong dal thei nonlou ding chi na ahi.
Paul Brand gen dan in miphah( lepers) ten apoimaw pen uh khu naa sah theina ahi. Nasa thei nonlou in a theiloukal in atahsah teng uh ana kisie bei uhi chi hi.
Gentena neu khat en vai:
1) Naupang khat a khut teng si kaiin, a khut bei deh ta hi. Ahi vang in anatlam theilou in ki mawlmawl hi.
2). Pasal khat a lupna gei a candle de in laisim hi. Alaisim kawm in ihmu den kha hi. Ama ihmu in a khut pen mei in ana kaang kaang ta hi. Hinanleh mei in akah lam theilou in a khut tampi ana kaang sie hi.
3). Leper vei dang khat pen a keng ju (rat) in a ihmut kal in nehsah a jingkal in saupi ana ne doh hi. Hinanleh a damlou pan theilou hi.
4). NBA basket bawl player minthang khat ki su liam kha in pain killer toh kikap hi. Tuachiin kimawl kia hi. Tomkhat jou in mipi te kikou uhi. Ajieh pen ama kisu liam kia hi. Hinanleh anat lam theilou in gum deu in kimawlmawl nalai hi. Atop in tual ah puah top hi. Hinanleh aman anatlam thei nailou hi. A keeng gu khu damsung a kimawl thei nonlou ding in ana tawng man ta hi.
Hia atung a pat a i gen sawm khu PAIN (natna) kichi mi hing in a theilou chiangin i sietna ding leh i siet lam zong kitheilou in a damthei nonlou ding in kisie den jel hi.
Paul Brand thugen te neukhat tahlang vai:
“Leprosy destroys pain nerves, making the body devastatingly vulnerable to injury” (the Images of God, 229).
Phah natna buaihuai na khu nah sahtheina nei nerve khu kisia in tua in tahsa tung a liamna huaise pen hing tung ding zong theinonlou uhi. “Since he had no warning systems of pain, any sharp or hot object could harm him” (The Images of God, 238).
A tahsah a silsie tung ding gensahtu warning um nonlou ahi jiehin sil hiam, sil sa ama susie thei dingte zong theinonlou uhi.
"If I were to choose between pain and nothing, I would choose pain”- William Faukner ( the Gift of Pain, 118). Nahsahna leh bangmalou teel ding hileng naah sahtheina ka tel ding chi hi.
“I feel as If I have lost all my freedom, Dr Brand, how can I ever be free without PAIN” a patient at Vellore ( 131). Na nasah theilou leh saltang bang na hi. Freedom bei tobang na hi. Ajiehpen natahsa ading a hoi leh hoilou na theijou nonsih hi.
“Pain is not the enemy, but the loyal scout announcing the enemy” (187). Naah sahna in ei ading a jauhuai te thangkou bang in hing thei sah hi. Naah sahna in i tahsa ading a thil jauhuai um chi hing theisah hi. Naah sah theina khu i melma hilou in ei panpitu ahi.
“For the first time, I understand how leprosy victims could look with envy upon those of us who feel pain” ( 11). Phah natna veite'n eite naa satheite hing eng mama uhi chi ahi.
“IF I held in my hands, the power to eliminate physical pain from the world, I would not exercise it”( 219). “Leitung a tahsa naa sahthei na teng suhmang theina nei leng ka su mang sih ding hi” chi ahi. Ajiehpen naa sahtheina teng ki labei leh naa thuah manlou a shibei ding ihi uhi.
“leprosy patients suffer because they feel no pain; they yearn for the demons who would alert them to impending dangers”( The Image of God, 227). Phah natna neite'n Dawi hileh zong anatna uh theisah thei ding khat ngai uhi.
Hibang a bang chidan a naah i sah thei uh e ichi leh:
Paul in agen jel na ah “Each part of the body responds to the appropriate danger that might interfere with it and thus effect the whole body"( Images, 233). I tahsa a part tuamtuam te'n atung ua thil jauhuai hing tung dingte a kivenna leh adawnna nei chiat uhi.
Paul Brand gendan in in “pain cells in your toes, heels, arches, and lateral bones are intermittently informing your brains, ease up a little. I need some rest. Every spot in your body is constantly talking to you. Even so I sit and write this the pain cells in my hips and legs are frequently asking me to shift my weight around and I reflexively obey"( Image of God, 235)
I tahsah ua part tuamtuamten amunmun a cell nei chiat ua tuaten a second chin in brain kung ah abuai nate theisah uhi.
Paul Brand gendan a hih Naa sahna in brain kung a theisahna tuamtuam a piah dan:
" Pain employs a tonal range of conversations:
1). It whispers to us in the early stages of damage. Subconsciously, we feel slight discomfort and toss and turn in bed.
2). It speaks to us as the danger increases: a hand grows tender and sore after a long stint at raking leaves.
3). And pain shouts at us when the danger becomes severe: Blisters, ulcers, and tissue damage break out, forcing us to change behavior. ( Images, 235)
I tahsa ah thil jauhuai ang tun chiang: 1) kaang nou in brain in hing thei sah hi. Eg. lupna tunga iki hei kawikawi khu signal imu jieh ahi. I tangkhap a i lu ngapna i kheel khu signal imu jieh ahi. I lungapna lam khellou in jankhovah in umlei buai ding ihi. I touchiang a i tawkham a, i taw langkhat a iki hei zong khu sign hoimama ahi.
2). Gen thaw: I lu or i taw a kham a iki heilou chiang hing na deudeu hi. Tuachiang alou theilou in i taw or i ngawng ki kheel hi.
3) Kikou: a 3 na in agen ut ahileh i mit kham sengseng i mittui bang hing pot, i keng in mei nai seng in hing peh, electric i suh khah chaing thakhat in kila khia hi. Tuivot i tot khah leh kin deu in ki la khia hi. Ling isuh khah leh kin deu in kila khia hi. Sil namsie ijah leh inah ki hum hi. Hite khu brain apat signal imu dandan in ana ki dawnbut hi.
Miphahte'n hite bawltheilou uhi. A na theilou ahijieh un a um bangin um den ua atawp ah a tahsa uh suhsiet in um hi. Thakhat a khut la khia, ki tomkhia, taikhia, ki kou khia chite umtheilou hi. A um bang in um den uhi.
Anuai a in agen som ahileh. Ei midam thei te bang ding a ikeng langkhat kikhai jel adiai? Kengbai dan a keng khat a kipai jel adiai? i Keng lang khat anat jieh in adam lam pen ki jang hi. A na lam pen in “ana khawl phot aw, Ken pua jou sing e. Nang ana pua phot aw” achi na ahi. Ahin miphahte khu keng langbai chi umlou uhi. A keng nalam in zong anat lam, a puahjoulou lam theilou in paw teitei, pai teitei hi. Tuachiin suhdam theilou in baiden hi.
“A limper’s body is compensating for damage to one leg by redirecting weight pressure to the other healthy leg, Every normal person limps occasionally. Sadly, leprosy patients do not limp, Their injured legs never get the rest needed for healing"( Images, 235).
"I thank God for the millions of sensors embedded in my skin that tell me when to shift weight in my buttock, or reposition my legs or back, or change my step when walking".( Images, 259).
Himi ka gel lai tah in ka pang langkhat ah hitter ka awi a, hinanleh ka off jel ngai hi. Ajieh pen ka vei lam keng hing sa seng jel hi. Ka lai typing kabawl na ka ngawng na, ka touna ka taw kham hi.
I tahsa, i ngawng khamthei, i taw khamthei, sa sathei, vot sathei, na sa thei, gih sathei, peh sathei, kha sathei, siip sathei, malta thah sathei, i chi thah sathei ichi te khu i damthei etsahna ahi. Hibang theitheina neilou mi um hi.
Tu in bang chi dan a itahsa bah(part) tengteng kung a, a gang theipen a information bang chi ki piahtua uh chi neu khat en vai.
Mihing tahsa mai ah cell ( sutvom sang aneu jaw sil hing chi mai vai) trillion 100 val um kichi hi( Trillion khat khu 1,000 billion ahi). Naungehte mit maimai ah 107 million cell um kichi hi. Mihing khat DNA khu laibu a gial ding hilei. Pehkhat jel a word 500 ding hileh peh 600,000 pha or sa ding chi uhi.
Tua cell simsenglou te toh Brain khu direct in connection nei uhi. I tahsa part tuamtuam a siltung jousie agang thei pen in tua cell umte in brain ah theisah pai uhi. Khujieh in i keng neukhat ling in a sut leh chat sa in i brain apat ki thei pai hi. Meisa ikhut in a thamkhah leh i brain in record pai hi. Theimanlou in kila khia hi. Hite khu cell te nasep ahi.
Khujiehin Brain Biologist J.Z. Young in mihing tahsa pum khu Network bang toh gente hi. Ten Billion bureaucrate te khawllou a gamkhat pai ding dan, ki vaihom ding dan phone a ki houhou, thu kipia tua toh gente hi. “Likens the network to ten billion bureaucrats constantly phoning each other about plans and instructions for keeping a country running”( Images, 127) chi hi.
Ahilou leh War Room bang ahi. Gal kisat chiang a tulai modern technology jang a war room apat a galphual a control bang uh ahi. War room a computer, device jat jat mang a gal a dou toh ki bang ahi. I brain pen war room ahi. Hi mun apat i tahsa sung ah cell simseng lou ten information a gang thei pen in kap tua jat jat uhi. Brain apat in part tuam tuam ah kikap tua hi.
“The brain total number of connections rivals the stars and galaxies of the universes” Brain apat connection i tahsa bah toh kijopna khu Ahsi leh Vantang lam a thil um teng sang in tamjaw va chi ahi. “One cubic millimetre, the size of a pinpoint, contains 1 billion connections among the cells” Phinjang chia a neu cell in billion 1 val connection nei hi chi hi ta jen hi. “a mere gram of brain tissue may contain as many as 400 billion synoptic junction” chi hi. Brain a tissue khat maimai in 400 billion kijoptuana junction nei chi ahi.
"As a Result, each cell communicate with every other cell at lightning speed- as if population far larger than earth’s were linked together so that all inhabitants could talk at once” I tahsa a cell te in lightning speed bang agang in itahsa pumpi part tamdan leitung pumpi a mihingte sang a mi tamjaw ding kung ah information kipie tua thei uhi.
“Even in sleep the nerve cell community never stops chattering… during each second of life it performs about 5 trillion chemical operation” Ih ihmut kal chiang zong himi cell te khawllou in nasem uhi. Ki thujah tua jing uhi. Second khat ah himi cell ten trillion 5 val na sem uhi chi ahi.
"Physiologically the whole mental process comes down to these 10 billion cells spitting irritating chemicals at each other across the synopses or gaps” ( Images.128). A lamdang mama ahileh hia i tahsah pum cell simseng lou te khu direct in brain toh kijom hi. “Of all the marvellous aspect of the human body, I know of no greater wonder than that every one of the hundred trillion cells in my body ha access to the brain” (157)
Himi I lutang a um Brain khu Hattuam te lutung Christ ahidan toh te khin hi: “And the body of Christ, I know of no greater wonder than that each one of us has direct contact with Christ Himself, the Head” ( Images, 158).
Tu in Blood a neu khat gen vai in hun sah vai. “a speck of blood size of letter “o” contains 5,000,000 red cells, 300,000 platelets and 7,000 white cells. Red cells alone, if removed from a single person and laid side by side, would carpet an area of 3,500 square yards”( images, 56). 60,000 miles of blood vessels link every living cell( 57).
I sisan “o” chia sung ah cell tua jat jou jai um hi. “During healthy periods: 25 billion white cells circulate freely throughout the blood and 25 billion more loiter on blood vessel walls( 84).Tunia bang ding a hiteng pi igen adiai? I tahsa pumpi a hiang tengteng Pasian in a etkol dan hibang ahi. Hia cellte tungtawn in i tahsa tung a khoi ah natna/ buaina a um ei chiin head qtr brain ah a gang thei pen lightning speek in tung pai hi.
Kumpi gam khat sung ah a vengtu Sepaite ki puahdan toh kibang hi. Khoitah gamning khat a buaina tung leh a head qtrs a tun chetchet a apoimaw bang re-enforcment a tung bang ahi. Hite pen tahsa cell toh kisai atheisate apat neu khat i lahson ahi a. Unaute mi hing DNA maimai zong chijat huai hi. Mihing tahsa pum a part te khatkhat a suite'n gensenglou thil lamdang nei ding uhi.
Ahileh adang singkung loupate, thei gate, haichite, tuipite, asung a thil umte, Van lam thilte, ahsi leh hate, nisate, guate, gial leh volcona, jinlingte, tualeh ganhingte… hi tengteng pi mihing theisenglou, theijoulou…te pi a siam pa Pasian in asiam mai hilou a, atheikim sipsep pa, a theimai hilou a, a enkol pa Pasian khu bangjatah a thupi atai!!!
Lamdang in thupi seng hi. Biahbiah taah Pasian ahi. Tua Pasian ka pa ahi a, Ka tanpa zong ahi.
Tunia i topic “the gift of Pain” leh “In His Image” gelpa Paul Brand khu leprosy sergeant minthang, WHO te consultant khat ban ah mssionary ahi a, anu-apa India a missionary a hinkhua pumpi uh ana mangtumte ahi uhi. Ama zong leprosy toh kisai International level a lecture bawl a jin kawikawi na ah khat vei New York a hotel khat ah khawtheilou in puh in ni 6 sung lumden hi. Tuajou in London juan in tembaw in jin hi. Tuachiiin London ah a ni (aunt) kung ah khawl hi. Tua mun ah ama zong kum hijat miphahte lah a nasem a, miphahte opreration tampi a bawl a, leprosy natna lam a leitung a siampenpente lah ah khat ahilai in aman tua hun in leprosy vei bang in bangma khawjahna neilou in um hi. Miphahte neilou naa sahlou na ama tung ah hing umta hi. Bangjatah ama leh ama aki test vang in bangma feel thei nonlou hi. India a ana etkolkol leprosy kichi khu tunia apat ama zong hita. Tunia pat a ama zong atuam a kep a um ding, mibanglou mi buah, mi hamsiete lah a pang ding a hita. A ji atate toh tengkhom nonlou ding… chite thil tampi ngaitua hi. A thugen khat “leprosy doctor apat leprosy patient ding ka hi tai?” achi ahi.( The Gift of Pain,7-11)
Hibang a ni bangjat ekhat a umlai in ama leh ama ki jen in Pasian hepina toh ahinna hing ki le kia hi. Bangchi dan e khat in naa sahtheina hing nei kia a kipah seng in “I breathed my prayer, THANK GOD FOR THE PAIN!” hing chi khia in..“ That I have repeated in some form hundreds of times since. To some people that prayer may seem odd, even oxymoronic or masochistic. It came to me in a reflexive rush of gratitude, FOR THE FIRST TIME I UNDERSTAND HOW LEPROSY VICTIMS COULD LOOK WITH ENVY UPON THOSE OF US WHO FEEL PAIN”
“I returned to India with a renewed commitment to fight leprosy and to help my patients compensate for what they had lost, I become, in effect, a career lobbyist for pain” ( The GIFT OF PAIN, 11). Paul Brand in a naah sah theina ang kile kia in Pasian kung ah “na kasah thei jiieh in Kipah ing e Mangpa chiin a ja a sim ka gen hi chi hi". Tua pen mi khenkhat ading in mothuai sim bang nanleh miphahte'n ei a chidamte a hing en na mama uh ahi. Naa isah theina khu chi hi. A chidam, natna ja thei ten, naa sa thei ten jingkal teng a “Mangpa naa kasa thei jieh in kipah ing e” ichi ding khu i ikipah dan i suhlatna ding dan ahi hi.
Kei zong ka covid 19 nei kang thei na khu jingkal khat bangma nam ka ja thei non sih hi. Tuani apat in Niteng in thil nap ka ki jil a, thil gimhat pen zong ka ja ta sih hi. Ni 4/5 jou in neu khatkhat kang jakia a… aw ka dam na hing ki le kia panpanta chii in ka ji ka tate ki kou in ka han hi. Kakipah mama hi. Tu in hoitah in ka jatheita a… adam siang ka hi ta chi etsahna ahi ta hi. Ka thachuh chau mama nalai hi.
Tunia igen ut khu I natna ikithei a, naa isah thei na khu i dam theina ana etsahna ahi gige dan ahi. Naa I sahthei jieh a kipah thu i gengen ding dan ahi. Hibang naasahthei na, i nei na ding in i tahsa pum tung a cell a sim a simsenglou ten khawllou in galdou in, nasem uhi. I brain toh a second a second a sim in lightning speed in ki thujah in pang uhi.
Pasian in naa sa thei a ang koina lai jieh in kipah vai. Tua mi khu a GIFT thupi mama ahi. I damna etsahna ahi.
Mangpan GIFT OF PAIN jiah a kipah ding in hing siam ta hen!
Topa Thupha!
next ah GIFT of PAIN-part 2: Emotion and Spiritual lam en vai.
No comments