Bang e Na Buaipi: 666, Anti-Christ, Rapture, Covid Vaccine?

Bang e Na Buaipi: 666, Anti-Christ, Rapture, Covid Vaccine?

WAY2GOD

Tulaitah in i gamsung ah Covid Virus sangin Covid Vaccine kikaap diing leh kikaaplou diing a buai kitamzaw hileh akilawm in akilang hi. Kei gennop pen ahileh kikaap un ahisihleh kikaapsih un chi'n direct in ka gensih a, hinanleh covaxin kikaap ding leh kikaaplou diingte a buai sang in Christian ihina dawl ah theidia poimaw tamtah umte khu theisiam henlan hilei tu-le-tu dinmun a di'n deihuai kasa zaw hi.

Tutung Covid natna huilan dan a lamdang mama a, zong a hat mama hi. I ngaitua chiang in huntawplam a sil hing tung dingte ang geeldoh sah vutvut mai hi. Noute'n bangchi'n na ngaitua di uai mah, ken vang Anti-christ ang kilat chiang a agamtat dingdan hitobang hiva chi'n ngaituahna nei ing. Hinanleh tunia i gennopte lah a khat ahi leh, Rapture zou ah tribulation a um ding a, tam tribulation masang in Anti-Christ khu suhlat in a um ding hi. Amapa'n (anti-christ in) 666 kichi zang in a gamtang ding hi. Tamziahin, tu a vaccination te pen 666 hilou ahi chi chiantah in igingta uhi. Aziahpen rapture umnailou leh anti-christ suhlat a umnailou ahi ziahin. Ahivangin, ngaidan khat ah anti-christ vanzat ding 666 kichite toh tu a covexin kibawlte hi hing kizom toutou thei khat in zong ngaituahna bang piangsah thei mawh hi (vaccine a damdawi kihelte hi khelkhel sih leh zong a paidan "pattern" ah kisutna nei mama in lang hi). 

Hinanleh ngaitua dandang khat ah ngaitua lachin, bang chidan a vaccine kikaap ding hichituh a gam pumpi in hasawm a ang sawm uh adiai? Panpi ding, dopkang ding hichiza lailah ah tutung natna ziah in leitung pumpi a lamkai liante'n iitna thakhat thu in hing hau na mawh uh e? Nidanglai in panpi ngai a panpi ding kawihawlte zong koima'n panpi ding donlou, hinanleh tutung pen thuneite'n dam leh damlou thu hitalou in adam sitsette lasan zong covaxin toh ang hichi panpi sawm mawh uh pen sil limdang leh ngaituah tham ching mamate lah a khat ahi. Solkal in mizousia gumnawhna tha nei tazenzen leh michin covaxin kikaapzouta mawh leh kilawm hi. Bangziah adiai na ngaituah ngai ei? Covaxin drive bawlte'n idam ding uh ang deisah petmah uh hi di'n na gingta ei? Bangziah mawngmawng adiai? Ngaituatham ching petmah chu a hi.

Tuni'n covaxin hi hoi ahi zong kachisih a, hoilou ahi zong kachisih hi. Tamtahte'n 1st, 2nd, 3rd dose pen hoi mama van dose tawpna lam ah bang ang chi diai mah chia lungkham zong a um hi. Khenkhatte kia leuleu in lah covaxin bolsate atahsa un siihhuupthei a chitevel uh zong vang ka gingta tuan sih hi. Aziahpen ichi amanziah a belthei zong hithei ahi. Kenzong tam lai ka gel masang in ka phone ka baan a kakoi leh kibet dingdeng hi ei, ahivang a kei chu covaxin kikap khanailou. Sil kigen zousia gingta mawmaw sih vai, dih maithei, dihlou maithei ahi. Hinanleh iginna toh kituah bang e chi ngaitua zaw vai ka chi ut zaw hi. A utte kikap van, a utloute kikap da van hileh zong kei pen kikaplou a umtheilai sia kikaplou chu ka teel ahi. Film Star minthang Jackie Chan bang a phin (needle) zauziah a kikap utlou zong hituanlou, kikap seselou a damtah a hinkhua zangthei di'n Mangpa'n hing puijel tahen chi hi ka thumna ahi zaw hi. Mi khenkhat lunggel sukha mamate tam anuai abang ahi:

1. Government leh Private nasem frontline workerte atamzaw covaxin ding a pressure um ziah in almost 100% te'n covaxin lata uhi.

2. Company khenkhat ah covaxin certificate lou in nasep phallou uhi, tuate ziahin utlou sasa a covaxin kikap zong tampi umta hi.

3. Tamteng ban ah covaxin certivicate umlou a flight touphallou, van leitheilou chi bang umnai sih le zong possible ahi. Sil dangdang gen leh sah tampi um hinanleh tuate genut ihi zo sih uhi.

Tamna ka gennopna pen ahi leh, Covid tungtawn a igenkha te uleh i genkhaahlou sil tamtah piang thei nalai ding te ziah in buai sih va ui. Hotobang te ziah in anti-christ gamtat dingdan muthei, thamkhathei khop in naita in hing ki lang ta hi. Tamteziahin bang ka bawl ta diai chizaw va ui. Tambang natna ziah a siltung tungtang dih sat leh satloute sang in, gitlouna chinteng a dim, Anti-Christ, tawh iki maituah masang un, Jesu Khrist, i mawna teng pua a cross a hing sipa khu i Hundampa leh i Mangpa ahi chi'n, tu ahunpet in ki sang zaw vai ka chi ut zaw hi. Aziahpen, Jesu khu Hundamtu leh Mangpa a pawmloute khu rapture ni chiang in laahtou in a um sih ding ua, Satan gitlouna tengteng pua Anti-christ (lei mihingpa) toh kum 7 sung aki maituah ding ua, tuahuntah chiang in covacxin kikap in chia phuutziah a buaite neep ahing hi ding a, thamlou in zu-beng, va-beng a  kibengtuahna in hun aki zang ta ding hi. Tuahun chiangin anti-christ khu na beta (worship) ding hi, hinanleh kisiah a Jesu ka Hundampa leh Mang in pomzaw vang na chi leh aman (price) na piah angaita diing hi, tua aman(price) na piah ding dan khu si-le-si dam-le-dam hinkhua ahi ta ding hi. 

Gingta pum a thathaw a si (martyr) na hi leh 2nd coming ah misiangthoute lah ah thou va chin, damnalai na hi leh ahing in leitahsa toh 2nd coming ah Jesu leh mi siangthoute toh kumsang lenggam na lua ding hi. Hinanleh gingtalou a anti-christ a dia na kipiahkhiat leh 2nd coming ah Jesu'n thu hing tan khum van tha in na um ding hi. Tambang gimthuahna hing tung ding khu a mulkimhuai hun, leitung kisiam chiil apaat a khum-to-bang gimthuahna leitung a ana tung khanailou gimthuahna ahi ding hi. Tualeh tu hun a ginglou mite'n anti-christ toh kum 7 sung gawtmun ngaah pum in hinkhozatna anei ding ua OR rapture zou a kisia a Jesu adia ahinna lankhete in pen anti-christ toh zu (rat) tha dia kibang, va(bird) tha dia kibeng, gansa tha dia kibeng tobang hinkhua azang ding uhi.

Tamte ziahin tu khu gimthuahna hun sung a Satan mizat ding pa, anti-christ, gitlouna toh kidim pa toh kipeltheina ding hunlemtang ahi. Tam pen eima decision ah aki nga lieuliau hi: lungsim zousia, hatna zousia, ngaituana zousia toh Jesu khu Hundamtu leh Mangpa a pawm ding ahi mai hi. Tuabang hilou a eima deina bang in paizaw vang i chi ngeingei in pen Anti-christ khu kum 7 gimthuah hun sung a i partner hoitah ahing hi mai ding a, atawp ah gawtmun khu i kumtawn inndet ahi nalai ding hi.  

Buaina ding tampite lah apat buaipi ding dihtah pen buaipi tahtah zaw thei dingin Mangpa'n Athupha hing musahta hen.