A LUNGDAM THEITE MI HAMPHA PENTE HI UH HI

𝗔 𝗟𝗨𝗡𝗚𝗗𝗔𝗠 𝗧𝗛𝗘𝗜𝗧𝗘 𝗠𝗜 𝗛𝗔𝗠𝗣𝗛𝗔 𝗣𝗘𝗡𝗧𝗘 𝗛𝗜 𝗨𝗛 𝗛𝗜
Nisim Manna

𝘽𝙪𝙡𝙥𝙝𝙪𝙝: 𝙇𝙪𝙣𝙜𝙙𝙖𝙢 𝙠𝙤𝙝 𝙗𝙞𝙖𝙠𝙥𝙞𝙖𝙠𝙣𝙖 𝙣𝙖𝙣𝙜 𝙩𝙪𝙣𝙜𝙖𝙝 𝙠𝙤𝙣𝙜 𝙥𝙞𝙖 𝙙𝙞𝙣𝙜 𝙖, 𝙏𝙤𝙥𝙖' 𝙢𝙞𝙣 𝙠𝙤𝙣𝙜 𝙡𝙤 𝙙𝙞𝙣𝙜 𝙝𝙞. 𝙇𝙖𝙩𝙚 116:17 (𝙕𝘽) 

Lungdam theihna in thupha kong honna khat hi-a, Pasian lung a damsak biakpiakna khat zong ahi hi. Lungdamkohna a ngaidah kuamah omlo ding a, lungdam a kikoh ciangin a ngahte sangin a piate lungdam zaw thei lai hi. Pasian zong tua bang mah ahi hi. I Lai Siangtho i et ciangin tuiciin a tunkhit in Noah in na dang khempeuh sangin Pasian tungah meihal biakpiakna leh lungdamkohna nei masa hi (Pian.8:20). Tua mah bangin Miriam, Hannah, David, Mari, miphakpa, Paul leh a tuamtuamte in Pasian tungah lungdam a kohna uh kiciamteh hi. 

Tu hun ciangin meihal biakna kisam nawnlo-a, phatna (Heb.13:15) leh lungdamkoh biakpiakna i piak ding bek hong kisawl hi(Late 116:17). Tua hi-a, Topa tungah ahi-a, thupha hong bawlte tungah ahi zongin i lungdam theih ding thupi hi. Lungdam theihna tawh Topa kilungkimsak thei-a, lungdamkohna tawh hong piaklai ding thuphate kidawh hi. Topa tungah i lungdam ciangin ei tungah amah hong lungdam a, amah hong lungdam ciangin ei zong lungdamna vive tawh i kidim hi. Pasian tungah a lungdam theite bek mah mi tungah zong lungdam thei-a, mi tungah a lungdam theite bek mah mi hampha hi uh hi! Tua manin tuni in a lungdam thei mi na hihna dingin ki-ap in. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐤𝐚 𝐧𝐮𝐧𝐭𝐚𝐤𝐧𝐚 𝐚𝐡 𝐭𝐡𝐮𝐩𝐡𝐚𝐭𝐞 𝐬𝐢𝐦𝐬𝐢𝐚𝐦 𝐚, 𝐚 𝐥𝐮𝐧𝐠𝐝𝐚𝐦 𝐭𝐡𝐞𝐢 𝐦𝐢, 𝐥𝐮𝐧𝐠𝐝𝐚𝐦 𝐚 𝐤𝐨 𝐳𝐨 𝐦𝐢 𝐤𝐚 𝐡𝐢𝐡 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!