Bangchi'n Pasian Min iThangsah Diei?

Bangchi'n Pasian Min iThangsah Diei?
Nisim Manna

Bulphuh: Leitung ah ka bawl dinga na hing piah nna zousia semzouta ka hi man in na min ka paahtawita hi - Johan 17:4. 

Tam bung leh chang in agennop ahi leh, van a Pa in Jesu sep-le-bawl ding apiah a, Jesu'n asep-abawl dia kipete abawlzou zeel hi, tuakhu van a Pa Pasian a paahtawina ahi. Tamma bangin eite zousia zong Pasian in sep-le-bawl ding ei pechiat a, tuate isep-ibawl na tungtawn in Pasian min i paahtawi ua i tawisang uhi. Tuni'n Pa Pasian in na hinkhua a sep-le-bawl dia ang piahte bang ahiei, na bawlzel nai ma?

Ngai vawi, tungleng vate'n a siampa Pasian deina bangin aleng ua, aham ua, a nungta uhi. Tuama bangin mesite zong, mesite umdidan aguatlawh mabangin a gamtang uhi. Tamgel bang in silsiam dangte zong Pasian in a khohei ding dan uh aguatsah bangbangin a nungta chiat uhi. Tambang a Pasian lemguat dandan a, anuntaatnate uh khu Pa Pasian a paahtawi na uleh amin atawisangna uh ahi.

Tuni'n na hinkhua ah ang siampa Pasian deidante bang na pichin tai? Na sep nabawlte Pasian deina bang toh aki tuah nai? Na khohei-kalsuan in Pasian a paahtawi nai? Tanglai a Pasian mizatte bangin na hinkhua in Pasian a paahtawi theina dingin na hinkhua a na sepkhiat dia Pasian in adeite bawldoh thei dingin tuni'n ki-laan khia in. 

Ki-latkhiatna: Mangpa aw, ka hinkhua ah nangma deinate ka pichin zel a, tamte tungtawn a kang paahtawi theina ding in Jesu Khrist min in kang ki-lan hi. Amen!