GNFA: September Report Tomkim

GNFA: September Report Tomkim
Amasapen in I Toupa Jesu Khrist' min in chibai ka hon buuk uhi!

Kipahthu genna leh thumpih ding point tamlou ka hon taaklang uhi:

Pathian in i nnasepnate, I thumnate leh i thilpiakte uh gimnamtui a hon saansak ahi chih i thei a, kithalawpna in i dim uhi. GNFA Ministry in maban sawn zel hi, kipahthu gen ni.
Covid hiileng in ven lam a manoh tak ziak in kipahthu gen ni.
Toupa'n amah biak pih ding gingtu a hon behlap zelte ziakin kipahthu gen ni.
Gingthak mi 8 te nungzuihna leh Baptisma counseling kinei touh theizel a, kipahthu genkawmin thumpih ni.
Saptuam Heutu dingte leng Nnagotna (Commissioning) neihtheih ahih tak manin Kipahthu gen ni. Amaute a dingin thum ni.
Unaupa Galkuram a khe zeng leh meima pen inle damlam manohta a, kipahthu gen ni.
Unaupa Horendra Reang in kithoihna van a koih gukte hon lakhia a, amah deihtelna ngei a Jesu' min toh halsiang theih a a om ziakin kipahthu gen ni. A tanu damlou sek a, haksatna a tuahte ziak a Pathian ah a dindet sem theihna dingin thumpih ni.
Biakinn leh quarter lamna mun ding land-leveling zoh ahih tak ziak in kipahthu gen ni.
Pathian a dia mi kiphalte apat in Mission field a zat ding blanket, steel kuang, plastic leh steel nou, lectern stand, dohkaan leh Trolley Sound system muh ahih ziak in kipahthu gen ni. Toupa'n a tam sem in vualzawl hen chih i thumsakna uh hileh i chi a hi.
Toupa'n Siktui Foundation Trust te tungtawn a school mun ding a hon piak ziak in kipahthu gen ni. SFT te Toupa'n a tam sem in vualzawl hen chih i thumna hihen, Mission field a mite laigelh theilou leh sim theilou ahih ziak un vei huai petmah uhi.
EBCC Guwahati apan in saptuam in a zatlui sound system mission field a dia hoih mahmah lai hong la un a chih ziak un, kipahna a sang mahmah mai hi. Van lak ding te: Sound box 2, Microphone 3, Amplifier, Microphone stand, Speaker stand, Songbook stand, FM 1set, Bass guitar leh cable a hi. Toupa'n EBCC Guwahati te a tam sem in vualzawl hen chih i thumna uh hihen, Kipahthu gen ni.
Biakinn leh Quarter lam zoh theih dan lampi hong om theihna ding in thumna ah phawk ni.
Bru mite leng ei dan in gam tuamtuam ah a na kikhen zaak uhi, Tripura, Assam, Bangladesh leh Mizoram ah om taangpi uhi. Mizoram a Presbyterian te panlakna in Bru mite'n 2009 in Bible na neita uhi. Himahleh Tripura mission field a gingtute'n lai a simtheihlouh ziak un Bible simthei tuanlou uhi. Huaiziakin Evangelism leh education nak tak in ki focus hi. thumna ah phawk ni.
Kiginni teng in Children's ministry kipan nawn theita hi. Basic education leng pat non ding dan ngaihtuah lel ahi. Amun ding bel a omta a, himahleh a room ding ki lamzou nailou hi. Thumna ah phawk ni.
Unaupa Tonuram Reang in a singphuk ziak a electric khuam a suk siatna ziak a haksatna a tuah te thumpih ni.
Evangelist a ki zang Unaupa Anonto Reang leh family te thumpih ni, huai ban ah Part time evangelist mah a ka na zat uh Unaupa Rindik Apeto leh family te a ding in thum ni. Amau te tualkuan ngen ahi ua, full time a i zat zoh theihna ding in Toupa kiang ah semtu ngen ni.
Kou leng non thumpihna uh ka poimoh petmah uhi, taksa lam damtheihna lam ah ka BP a sang sek a, ka lawmnu ahih leh diabetes, thyroid chihte nei a, lupna ka ngakpihlou ua, ka sepzom theihna ding un.