I Chitahna Etkhiatna Masapen Khu Sum Ahi

I Chitahna Etkhiatna Masapen Khu Sum Ahi
Nisim Manna

Bulphuh: Koizong tawmnou khat tunga gin um khu tampi tung ah zong a gin um ahi, tualeh koi zong tawmnoukhat tunga gin umlou khu tampi tungah zong agin um sih hi. Luke 16:10

Tam pen Jesu'n sum tawh kisai a ginumna leh ginumlouhna gentehna thu agenna ahi. Jesu'n "Leitung sumte a na ginumlou uleh koi in noute kung ah sum tahtah hing kemsah ngam mawh ding ahia (v.11)" ana chi hi. Tam in agen nop pen ahileh, Pasian in eite ginumna sum toh hing enkhe masa leng hi. Tuaziahin leitung sumte izatdan zilhin Pasian a i ginumna leh i muanngamna a langsah hi. Tampen in agenchet utpen ahi leh leitung sum-le-paai a ginumlou mi khu Pasian a dingin ginum mama kichithei ngeilou hi.

I gen ut pentah itheisiam theina ding in kalbi (ladder) tawh a tekhin vai. Kalbi ah adawn i tuntheina dingin atotna masapen apat ibaan tot tou uh angai hi. Tuama bangin ihinkhua ah Pasian hing laptou ding i ut ua, tuaziahin Pasian muanna i nei ut tahtah leh etkhiatna masa sum-le-pai tung a i ginum ding apoimaw masa hi. Pasian etkhiatna masa sum-le-pai a i ginum masat leh Aman a sangzaw leh thupi zaw ah hing lamsaang ding hi.

Ki-latkhiatna: Mangpa aw, nang piahsa leitung sum-le-pai te ka zeehna ah nangma deina bang a ka zeeh theina ding in Jesu Khrist min in kang ki-lan hi. Amen!