Misiangthoute Lenna | Ngaineikim @ Lily Kim (Official Video)
MISIANGTHOUTE LENNA
Sponsor : N.Chinkhansiam & Family
Vocal : Ngaineikim @ Lily Kim
Composer : B.Goumuanthang
Music : TG Lian Valte (Green Studio)
Videography : Uptown Media
Special thanks
Pasian in Ama phatna leh biatna diing laa hoitahtah ang pia man in Amin ka phat masa hi...Tualeh tuni'n Miss Ngaineikim @ Lily Kim tawmngaihna leh pan hahlaahna jaal in FIRST OFFICIAL MUSIC VIDEO August 20, 2020 ni a hadoh ahi ta ziah in sangamnu @Lily Kim tung ah ka kipah peetmah hi. Pasian in nama hing puitoujeelta henlen, Athupina di'n mailam hun ah nasazosem in hing zangtou jeelta hen.
Thamlou in, tam laa hing sponsor sah N.Chinkhansiam & family tung ah zong ka kipahtahjet hi. Mangpa'n agam keehletna diing in na family uh hing mapui jeelta hen.
Lastly but not the least, Music leh Video hita-in, make-up & helper leh a tuamtuam, tam laa bawlkhiatna diing a panlakha tengteng tung ah ka kipahpetmah hi chi tam online tungtawn in kang gen ah. Mangpa'n nama uh pui in hing umpi chiatta hen.
Ngaikhetu zousia Mangpa'n hagau lam kalsaang suansemna di'n Athupha i tanchiat ua diing in hing gualjawl sahta hen. Kipah ing.
MISIANGTHOUTE LENNA
Composer: B. Goumuanthang
on May 26, 2009
Galdot un misiangthoute leenna,
Lungkhamna um nawnlouhna gam;
Lungkham luanhite, Mangpa’n siahhul ding
Lungdamna mittui luangpum in aw,
Tatsate’n Mangpa paahtawi ding
Kangai e Mangpa na siam gamnuam,
Lungkham um nawnlou, Genthei um nawnlou,
Beini um nawnlou, kumtawn a ka leenna mun diing,
Ka geelgeel chiang in, ka ngaingei e aw,
Mangpa khum gamnuam hing tun ngei in aw.
Lungkham mangbat ka tuahni chiang in,
Vaangam nuam ka ngaihtuah let hi;
Tam siatlei gimna’n hing tuamvel nanleh,
Khatvei chiang’n leisiat nuase vang in;
Tanpa siang ah khawldamta vang.
Khatvei chiang’n ka leeng diing vaannuam ah,
Lunggenthei umlouhna gam ah;
Khummun ka tun chiang’n vaanmite bang in,
Siamtha in umvang in tawplou in,
Hundampa paahtawi denta vang.
--------------------------------------------
MEANING in ENGLISH
Look upon where the saints are dwelling
A place where sorrow found no more;
All those weary tears, the Lord will wipe away,
With weeping out the tears of Joy;
The Saints will sing praises to our Lord.
I long for the place you created for me,
Where trouble found no more, sorrow found no more;
No ending is the place where I will be staying
I ponder and deeply long for it,
O Lord, lead me to get to that promised land.
At the time of distress and dismay,
I think over and over the heaven’s light upon;
Though earthly sin troubles and woe cover-up,
At times, I’ll leave behind this sinful earth;
And be rested with the Savior.
Someday, I’ll stay at ease in heaven,
Where there is no more distress;
When I get to that place (heaven), I will be like angels,
And be transformed, then forever;
I will endlessly praise my Redeemer.
------------------------------------
𝐂𝐎𝐏𝐘𝐑𝐈𝐆𝐇𝐓 𝐍𝐎𝐓𝐈𝐂𝐄
→ Copyright Reserved © 2020
------------------------------------
May God bless all listeners
No comments