THUDOH 8 of 11 houbung-a lamkai hon ipi lungtup nei jeh-a vai ahop dingu ham?
AMUN HOUBUNGA LHAGAOVA LAMKAI HO
Dr. Haokhothang Mate
THUDOH 8 of 11
AMUN HOUBUNGA LHAGAOVA LAMKAI HO
Amun houbung-a (Local Church-a) lhagao lam’a vaihom ho lungput ahilou leh Ipi lungtup nei jeh-a lhagao lam’a vaihom ho chun vai ahop dingu ham?
Lhagao lam’a vaihom ho lungput ding chung chang thu hi Thulhun Thah ana jih
hon ahasei lheh jengun ahi.
Amahon upa natoh hi thaneina deina mai maija atup lou dingu ahi (III John 9 - athaneipen hi ding deipa Diotrephes tabanga).
Lamkai hon lhacha natohna-a anei dingu lungput chung changa Christan thupeh
ana peh chu hiche hin apelkeh ahitai (Matt. 20: 25-26).
Amahon sum le pai lam’a phatchuomna dinga jong abollou dingu ahi (IPeter
5:2, Solchah 20 33), ahiloule thildanga amaho chang phatchuomna dinga jong
abollou dingu ahi. Hiche jeh-a chu upa khat chun ama le ainsung mite
ngaichat ho donlouva akoi ding tina ahipoi (I Timothy 5:8), ahin hiche bou
chu ama lungput hilou ding ahi. Hiche hin itabang lungput aneijem chule
alungsunga ipi chu agelkhoh ham ti thu ahi.
Amahon bollou phamo tia jong abolou dingu ahilou leh amahon abollouva khoh-a jong agelou dingu ahi, hiche sanga chu thanom tah-a abol joh dingu ahi (1 Peter 5:2).
Upa khat chun hiche ho sanga chu pathen lhacha kin toh ding chu lung
thanomna neipum’a atoh ding joh ahi (I Peter 5:2). Chukit leh hiche jong chu
lungsung dinmun thu ahitai.
Hiche chung chonna chu amahon kipah thanom tah-a lhacha kin chu atoh dingu
ahi (Hebrew 13:17) chule lungsung kipah jing pum’a aboldingu ahi (I Timothy
1: 12-14).
Chukit leh upaho chun Pathen solchah khat hinna-a na atoh dingu ahi (I
Corinthians 9: 16-18; I Timothy 1:12).
Hitabang ma-a chu amahon mopohna lentah nei kahi ti kihet pum’a lhacha kin
chu abol dingu ahi (II Corinthians 2:16; I Timothy 4:16). Upa hon Pathen
henga anatohnau chung chang thu aphon dingu chule amite chu iti ahin
lamkaiju ham ti jong aphon diu chung chang thu hi Hebrai 13:17 hin atah
langin ahi; hiche thumun seh seh hin upa ho khat cheh pathen angsunga kunna
adilsuh sah jeng thei ahi!
Hiche ho jouse toh kilhonna ama hon anatoh jeh-uva kipaman jong asan dingu ahi ti kihet pum’a jong lhacha na atoh dingu ahi (I Peter 5:4). Hiche hi ICorinthians 3: 5-15 sunga kisei chu ahi, hichea hin Paulin Christa lhacha natong khat anatohna chung chang thua achung thu kitanna dinga thutanna anga adinna anatoh aphachuom lou jouse meijin akah vam’a chule aphachuom ho aum denna; chule anatoh aphachuom ho jeh-a kipaman asan ding thu chu ahi (v, 14).
Lhagaova vaihom ho chu soh dihtah hiding ahi sum kipea kigoi ho hilou dingu ahi. Ama hon letna le lalna chu soh natohna-a um ahi tia hin khoukhah pau Pakai umchan chu atho dingu ahi (Mark 10:35-45; John 13:14).
Also Read
Thudoh 01Thudoh 02
Thudoh 03
Thudoh 04
Thudoh 05
Thudoh 06
Thudoh 07
Thudoh 09
Thudoh 10
Thudoh 11
No comments