MITE'N HONG PHAWKLOH HANG, TOPA'N HONG PHAWK HI

MITE'N HONG PHAWKLOH HANG, TOPA'N HONG PHAWK HI
Nisim Manna

𝘽𝙪𝙡𝙥𝙝𝙪𝙝: 𝘼𝙣𝙙𝙧𝙪 𝙞𝙣 𝙖 𝙨𝙖𝙣𝙜𝙜𝙖𝙢𝙥𝙖 𝙎𝙞𝙢𝙤𝙣 𝙯𝙤𝙣𝙜𝙠𝙝𝙞𝙖 𝙢𝙖𝙨𝙖 𝙖, " 𝙈𝙚𝙨𝙨𝙞𝙖𝙝 𝙠𝙖 𝙢𝙪 𝙯𝙤 𝙪𝙝 𝙝𝙞, " 𝙖 𝙘𝙞 𝙝𝙞. 𝘼𝙣𝙙𝙧𝙪 𝙞𝙣 𝙅𝙚𝙨𝙪 𝙠𝙞𝙖𝙣𝙜𝙖𝙝 𝙖 𝙨𝙖𝙣𝙜𝙜𝙖𝙢𝙥𝙖 𝙎𝙞𝙢𝙤𝙣 𝙥𝙖𝙞𝙥𝙞𝙝 𝙝𝙞.  𝙅𝙤𝙝𝙖𝙣 1:41&42

Jesu nungzuite' min hong kigensak hileh i gen masak pen ding Simon Piter hi ciat ding hi. Andru min pen a tawp lamah kigen kha ding hi. I Lai Siangtho-ah zong Simon Piter naupa Andru ci-in kigelh a, Simon Piter' min behlapna tawh kibang liang hi. Ahi zongin i Lai Siangtho bulphuh ah a innkuan sung panin Jesu um-in a zui masa pen Andru hi-a, Piter hilo hi. Andru in Jesu kiangah a sanggampa Piter tunpih a, Andru hangin Piter pen Jesu nungzui muanhuai a suak thei ahi hi. Jesu in mi tulnga an a vak theihna zong Andru in sun-an a pua naupang mu in Jesu kiangah a paipih hang ahi hi (Jn.6:8&9). Grik mi pawlkhatte in Jesu a muh theihna uh zong Andru hang ahi hi (Jn.12:20ff). Andru a etteh huaina in bang hiam cih leh ama hih theih zahin midangte Jesu kiangah tunpih a, ahi zongin a lawm dangte bangin minthang lo hi. Tua bang hita se leh lungkia lo-in citak takin a sih tan dong Jesu adingin nungta hi. 

Tuni in nang zong Andru banga Pasian' naa nasepna ah mite in hong pakta lo-in, hong thei khalo-in, nang sangin na juniorte mite'n thei zaw kha thei ding hi. Mite'n hong phawkloh hangin citak takin nasepna Topa'n hong theipih hi, cih phawk in. Tuamanin lungkia hetlo-in Topa'n nasep hong piak kuhkal takin sem in! Na thaman in hong ngak hi! 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐤𝐞𝐢 𝐧𝐚𝐬𝐞𝐩 𝐝𝐢𝐧𝐠𝐚 𝐧𝐨𝐧𝐠 𝐩𝐢𝐚𝐤 𝐜𝐢𝐭𝐚𝐤𝐢𝐧 𝐤𝐚 𝐬𝐞𝐩 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!